പള്ളിയില്‍ നടന്നത് വിവാഹനിശ്ചയമല്ലെന്ന് നടി അമലാപോളിന്റെ പിതാവ്. ദാമ്പത്യ ജീവിതത്തിലേക്ക് കടക്കും മുമ്പുള്ള പ്രാര്‍ത്ഥനയാണ് നടന്നത്. മാധ്യമങ്ങളില്‍ ഇതുസംബന്ധിച്ച് വന്ന വാര്‍ത്തകള്‍ തെറ്റിദ്ധാരണ പരത്തുന്നതാണെന്നും പോള്‍ വര്‍ഗീസ് പറഞ്ഞു. നടി അമല പോളിന്റെയും തമിഴ് സംവിധായകന്‍ വിജയ്‌യുടെയും വിവാഹനിശ്ചയം കഴിഞ്ഞ ശനിയാഴ്ച ആലുവ ചൂണ്ടി സെന്റ് പോള്‍ പള്ളിയില്‍ വെച്ച് നടന്നതായുള്ള വാര്‍ത്ത മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

വിജയ് ഹിന്ദു മതവിശ്വാസിയാണെന്നിരിക്കെ പള്ളിയില്‍ വെച്ച് ക്രിസ്തീയ വിശ്വാസ പ്രകാരമുള്ള മനസമ്മത ചടങ്ങ് നടത്തിയത് വലിയ വിവാദമായിരുന്നു. സഭാവിശ്വാസികള്‍ ഇക്കാര്യത്തില്‍ എതിര്‍പ്പ് പ്രകടിപ്പിച്ച് രംഗത്തെത്തി. തുടര്‍ന്നാണ് അമലപോളിന്‌റെ പിതാവ് വിശദീകരണവുമായി രംഗത്തെത്തിയിരിക്കുന്നത്. കാത്തോലിക്ക മതവിശ്വാസ പ്രകാരമുള്ള ചടങ്ങുകളല്ല പള്ളിയില്‍ വെച്ച് നടന്നതെന്ന് ദാമ്പത്യജീവിതത്തിലേക്ക് കടക്കുന്നതിന് മുമ്പുള്ള സാധാരണ പ്രാര്‍ത്ഥന മാത്രമായിരുന്നെന്നും പോള്‍ വര്‍ഗീസ് വരാപ്പുഴ, എറണാകുളം അതിരൂപതകള്‍ക്ക് പോള്‍ വര്‍ഗീസ് വിശദീകരണം നല്‍കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha