തമിഴിലെ ലേഡി സൂപ്പര്‍ സ്റ്റാര്‍ നയന്‍താര തന്നെ. രണ്ടാവരവിലും താരത്തിന്റെ പ്രഭയ്ക്ക് ഒട്ടും മങ്ങലേറ്റിട്ടില്ല. മൂന്ന് കോടി രൂപയാണ് ഒരു ചിത്രത്തിന് നയന്‍താര പ്രതിഫലം വാങ്ങുന്നത്. കതിരവേലിന്‍ കാതല്‍ എന്ന ചിത്രത്തിനാണ് പ്രതിഫലം കൂട്ടിയത്.രാജറാണിയും ആരംഭവും ഹിറ്റായതോടെയാണ് താരത്തിന്റെ റേറ്റ് കൂടിയത്. മലയാളത്തില്‍ മമ്മൂട്ടി പോലും ഇത്രയും പ്രതിഫലം വാങ്ങുന്നില്ല. നയന്‍താര രണ്ട് കോടി പ്രതിഫലം  വാങ്ങിയിരുന്ന കാലത്ത് മോഹന്‍ലാലിന് ഒരു കോടിയേ പ്രതിഫലം ഉണ്ടായിരുന്നുള്ളൂ.

അനുഷ്‌ക ഷെട്ടിയാണ് നയന്‍സിന് പിന്നിലുള്ളത്. രണ്ട് കോടിയാണ് അനുഷ്‌ക വാങ്ങുന്നത്. സിങ്കം ടുവിനും അലക്‌സ് പാണ്ടിയനും വേണ്ടി താരം 2.20 കോടിരൂപ നേരത്തെ വാങ്ങിയിട്ടുണ്ട്. പക്ഷെ, ചിത്രങ്ങള്‍ വേണ്ടത്ര ഹിറ്റാകാത്തതിനാല്‍ താരം പ്രതിഫലം കുറച്ചു. തെലുങ്കിലും അനുഷ്‌ക താരമാണ്. അവിടെ മൂന്ന് കോടിയോളമാണ് വാങ്ങുന്നത്.  ഈഗ എന്ന ചിത്രത്തിലൂടെ ശ്രദ്ധേയയാ സമാന്തയാണ് ഇപ്പോള്‍ മുന്‍നിരയില്‍ നില്‍ക്കുന്ന മറ്റൊരു നായിക. ഒരു കോടിരൂപയാണ് സമാന്തയുടെ റേറ്റ്. വിക്രം, സൂര്യ, വിജയ് തുടങ്ങിയ നടന്മാര്‍ക്കൊപ്പം വ്യത്യസ്ത ചിത്രങ്ങളില്‍ ഒരുമിച്ച് അഭിനയിക്കുകയാണ് സമാന്തയിപ്പോള്‍. തുപ്പാക്കിക്ക് 70 ലക്ഷം  പ്രതിഫലം വാങ്ങിയ കാജല്‍ ഒരു കോടിയാണ് ഇപ്പോള്‍ വാങ്ങുന്നത്.

ശ്രുതി ഹസന്‍ വാങ്ങുന്നത് ഒരു കോടിയാണ് വാങ്ങുന്നത്. നായികമാരെ സംബന്ധിച്ച് നോക്കുമ്പോള്‍ അത് വലിയ തുക തന്നെ. ഗബ്ബര്‍ സിങ് എന്ന ചിത്രത്തിന് ശേഷമാണ് ശ്രുതിയുടെ റേറ്റ് കൂടിയത്. തമന്ന 70 ലക്ഷം രൂപയാണ് വാങ്ങുന്നത്. അജിത്തിനൊപ്പം വീരം എന്ന ചിത്രം ഹിറ്റായി. മാത്രമല്ല ബോളിവുഡില്‍ സെയ്ഫ് അലിഖാനൊപ്പം അഭിനയിച്ചു. അതേസമയം തൃഷ, അഞ്ജലി എന്നിവരുടെ പ്രതിഫലം കുറഞ്ഞു. തൃഷയ്ക്ക് 60 ലക്ഷവും അഞ്ജലിക്ക് 50 ലക്ഷവുമാണ്. 

തമിഴകത്ത് ഏറ്റവും കൂടുതല്‍ പ്രതിഫലം വാങ്ങുന്നത് രജനികാന്താണ്. 25 കോടിമുതല്‍ മുപ്പത് കോടിവരെ. കമല്‍ ഹസനും ഇളയ ദളപതി വിജയ്‌യും 25 കോടിയും സൂര്യ 20 കോടിയും വാങ്ങുന്നു.  

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha