കോളേജ് പഠനകാലത്ത് തനിക്കൊരു പ്രണയ ബന്ധമുണ്ടായിരുന്നെന്ന് കാജല്‍ അഗര്‍വാള്‍. അന്ന് വലിയ സന്തോഷത്തിലായിരുന്നു. സിനിമയിലെത്തിയതോടെ ദൂരവും സമയവും ആ ബന്ധത്തെ അവസനിപ്പിച്ചു. എന്നാല്‍ സന്തോഷത്തോടെയാണ് തങ്ങള്‍ പിരിഞ്ഞതെന്നും കാജല്‍ പറഞ്ഞു. ഗോസിപ്പുകോളത്തില്‍ പറയുന്നതുപോലെ പ്രണയമൊന്നുമില്ലിപ്പോള്‍. തിരക്കിനിടയില്‍ പ്രണയിക്കാന്‍ എവിടെയാണ് സമയം. ജീവിതത്തില്‍ ഒറ്റയ്ക്കിരിക്കാനൊന്നും തീരുമാനിച്ചിട്ടില്ല. പരമ്പരാഗതമായ കുടുംബത്തിലാണ് ജനിച്ചത്. ആ പരിമിക്കുള്ളില്‍ നിന്ന് രക്ഷിതാക്കള്‍ എനിക്കും സഹോദരി നിഷ അഗര്‍വാളിനും ആവശ്യത്തിന് സ്വാതന്ത്രങ്ങള്‍ തന്നിട്ടുണ്ട്. നിഷ ഇപ്പോള്‍ മലയാളസിനിമയില്‍ അഭിനയിക്കുന്നു.

സ്വന്തം കാലില്‍ നില്‍ക്കാന്‍ പഠിപ്പിച്ചത് മതാപിതാക്കളുടെ കര്‍ശന നിലപാടുകളാണ്. ഒരു പരിധി എല്ലാ കാര്യങ്ങള്‍ക്കും അവര്‍ നിശ്ചയിച്ചിരുന്നു. പക്ഷെ ഞങ്ങള്‍ക്ക് ഞങ്ങളുടെ സ്‌പേസും തന്നിരുന്നു. ഒന്നിനും നിര്‍ബന്ധിക്കാറില്ല. സിനിമയില്‍ യാദൃശ്ചികമായാണ് എത്തിയത്. ബിരുദ പഠനത്തിന് ശേഷം എം ബി എ യ്ക്ക് പോകാനായിരുന്നു ആഗ്രഹം. അഭിനയം വളരെ യാദൃശ്ചികമായാണ് ലഭിച്ചത്.  സിനിമ അത്ഭുതപ്പെടുത്തുന്ന ഒരു ലോകമാണ്. ആദ്യം ആശങ്കയുണ്ടായിരുന്നു. തുടരണോ എന്ന ചിന്തയും തോന്നിയിരുന്നു. ആഗ്രഹിച്ചാലും ഇല്ലെങ്കിലും വളരെ കുറച്ചു പേര്‍ക്ക് മാത്രം ലഭിക്കുന്ന ഭാഗ്യമാണിതെന്ന് സിനിമാ രംഗത്തുള്ളവര്‍ പറഞ്ഞു. പക്ഷേ, ഇന്ന് എനിക്ക് അഭിമാനത്തോടെ പറയാന്‍ കഴിയും ഇതെന്റെ ജോലിയാണ്.

എനിക്ക് എന്റേതായ മൂല്യങ്ങളും തീരുമാനങ്ങളുമുണ്ട്. ലോകത്ത് എവിടെ പോയാലും അവ എന്നോടൊപ്പമുണ്ടാകും. കുഞ്ഞുനാള്‍ മുതലേ എഴുന്നേറ്റു നിന്നു സ്വന്തം അഭിപ്രായങ്ങള്‍ പറയാനാണ് രക്ഷിതാക്കള്‍ പഠിപ്പിച്ചത്. എനിക്കു വേണ്ടി ഞാന്‍ തന്നെ ഉണ്ടാക്കിയ അവസരമാണെന്ന് ബോളിവുഡെന്ന് അതുകൊണ്ട് എനിക്ക് പറയാന്‍ കഴിയും.  കഥയും തിരക്കഥയും ശക്തമാണെങ്കില്‍ നടിമാര്‍ ബിക്കിനി അണിയുകയും ഗ്ലാമറാവുകയും വേണ്ട. ഇക്കാര്യം തുറന്ന് പറഞ്ഞിട്ടുണ്ടെന്നും കാജല്‍ പറഞ്ഞു.  

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha