കാന്സര് ചികില്സയ്ക്കായി അമേരിക്കയില് പോയ മംമ്തയ്ക്ക് അവിടെ തുടരണോ അതോ കേരളത്തില് സ്ഥിരതാമസമാക്കണമോ എന്ന് കണ്ഫ്യൂഷന്. മൂന്ന് വര്ഷമായി യു.എസില് പോയിട്ട്. ഇപ്പോള് വര്ക്ക്ലോഡ് കൂട്ടാന് പറ്റുന്നില്ലെന്ന് താരം പറഞ്ഞു. യാത്ര ആരോഗ്യത്തെ ബാധിക്കുന്നുണ്ട്. മാസത്തില് രണ്ട് തവണ യു.എസില് പോയി വരാന് പറ്റില്ല. പൃഥ്വിരാജിനൊപ്പം രണം ഡിറ്റോസ് ക്രോസിംഗ്, ഫഹദിന്റെ കാര്ബണ്, ധ്യാന് ശ്രീനിവാസന്റെ ഗൂഢാലോചന എന്നീ ചിത്രങ്ങളില് അഭിനയിക്കുകയാണ്. രണ്ടാഴ്ച കൂടുമ്പോള് യു.എസില് പോകും രണ്ടാഴ്ച കഴിയുമ്പോള് വരും.യാത്രകള് കാരണം ഒരുപാട് അവസരങ്ങള് നഷ്ടപ്പെടുന്നുണ്ട്. പലരും വിളിക്കുമ്പോള് നാട്ടിലില്ല, അല്ലെങ്കില് നാട്ടില് നിന്ന് യു.എസിലേക്ക് വന്നേ ഉള്ളൂ എന്നൊക്കെ മറുപടി പറയേണ്ടിവരും. ആഴ്ചയിലൊരിക്കല് വരാന് പ്രയാസമാണ്. അതേസമയം ഏതെങ്കിലും സിനിമയില് അഭിനയിക്കുക എന്ന കാലം കഴിഞ്ഞെന്ന് താരം പറഞ്ഞു. സിനിമയ്ക്കും കരിയറിനും ഗുണം ചെയ്യുന്ന സിനിമകളില് വേണം അഭിനയിക്കാന്. ഒരു സംവിധായകന് കഥാപാത്രത്തെ കുറിച്ച് പറയുമ്പോള് തനിക്കത് ശക്തമായി അനുഭവിക്കാന് കഴിയണമെന്ന് താരം പറഞ്ഞു. എന്നെ കൊണ്ട് ഈ കഥാപാത്രം ചെയ്യിക്കാനുള്ള കാര്യം ഇതാണെന്ന് കണ്വേ ചെയ്യണം. യു.എസിലായതിനാല് കുടുതല് ശക്തമായ കഥാപാത്രങ്ങളെ അവതരിപ്പിക്കാന് കഴിയുന്നില്ല. നല്ല സിനിമകളുടെ ഭാഗമാകാന് കുറേയൊക്കെ സാധിക്കുന്നു. ഒരു നല്ല കഥാപാത്രമോ, നല്ല സിനിമയോ ലഭിച്ചാല് മതി. മൈ ബോസിലെയും ടു കണ്ട്രീസിലെയും കഥാപാത്രങ്ങള് ഏറെ ശ്രദ്ധിക്കപ്പെട്ടു. രണ്ടും വെസ്റ്റേണ് സ്വഭാവമുള്ള കഥാാത്രങ്ങളാണ്. മഞ്ജുവാര്യര്ക്കൊപ്പം ഉദാഹരണം സുജാതയില് അഭിനയിച്ചു. വളരെ ഇന്പയറിംഗായ കഥാപാത്രമാണ്..