ഐശ്വര്യയുടെ അഹങ്കാരം മാധവനോട്!
ഐശ്വര്യാറായിയുടെ എതിര്പ്പിനെ തുടര്ന്ന് ഹിന്ദി ചിത്രത്തില് നിന്ന് മാധവന് സ്വയം പിന്മാറി. ഐശ്വര്യാറായിയെയും അനില്കപൂറിനെയും ജോഡികളാക്കി ഒരുക്കുന്ന സിനിമയില് മാധവന് മറ്റൊരു പ്രധാന കഥാപാത്രം നല്കാനായിരുന്നു അണിയറപ്രവര്ത്തകരുടെ നീക്കം. എന്നാല് ഐശ്വര്യാറായിക്ക് ഇത് ഇഷ്ടപ്പെട്ടില്ല.
എന്നാല് സംവിധായകനും നിര്മാതാക്കളും ഐശ്വര്യാറായിയുടെ നിലപാടിനെ എതിര്ത്തു. തങ്ങളുടെ സിനിമയില് ആര് അഭിനയിക്കണമെന്ന് മറ്റുള്ളവരല്ല തീരുമാനിക്കേണ്ടതെന്ന നിലപാടില് അവര് ഉറച്ചുനിന്നു. ഇത് അറിഞ്ഞ മാധവന് അഭിനയിക്കാന് താല്പര്യമില്ലെന്ന് അറിയിക്കുകയായിരുന്നു.
ഐശ്വര്യാറായി നല്ല പ്രൊഫഷണലാണെങ്കിലും ഇഷ്ടമില്ലാത്തവരുടെ കൂടെ അഭിനയിച്ചാല് വര്ക്കിനെ ബാധിക്കുമെന്ന് കരുതിയാണ് മാധവന് കരാര് ഒപ്പിടാഞ്ഞത്. തെന്നിന്ത്യയില് മാധവനെ പോലെ മാന്യന്മാരായ താരങ്ങള്വളരെ അപൂര്വ്വമാണ്.
എവരിബെഡി ഈസ് ഫെയിമസ് എന്ന ഹോളിവുഡ് ചിത്രത്തിന്റെ റീമേക്കാണ് ഈ ചിത്രം. മാധവനും ഐശ്വര്യയും തെന്നിന്ത്യന് സിനിമകളില് തിളങ്ങി നിന്നിരുന്ന കാലത്ത് മാധവന് ഇടപെട്ട് ഒരു ചിത്രത്തില് നിന്ന് ഐശ്വര്യാറായിയെ മാറ്റിയെന്ന തെറ്റിദ്ധാരണയെ തുടര്ന്നാണ് ഇത്തരത്തില് പെരുമാറുന്നതെന്ന് അറിയുന്നു. അതല്ല, സൂപ്പര്താര ഇമേജില്ലാത്ത മാധവനൊപ്പം അഭിനയിക്കാന് താരം പണ്ടേ തയ്യാറായിരുന്നില്ല എന്നും അറിയുന്നു.
വിക്രംവേദ രാജ്യം മുഴവന് ശ്രദ്ധിക്കപ്പെട്ടതോടെ മാധവന്റെ ഇമേജ് തന്നെ മാറിയിരിക്കുകയാണ്. ഇതുവരെ ചെയ്യാത്ത മേക്കോവറും കഥാപാത്രവുമാണ് ചിത്രത്തില് മാധവന് ചെയ്തത്. നായകനെന്നോ, പ്രതിനായകനെന്നോ തോന്നിക്കുന്ന വേഷം കണ്ടിട്ട് തെലുങ്കിലും ഹിന്ദിയിലും മാധവനെ തേടി നിരവധി അവസരങ്ങളാണ് എത്തുന്നത്. അതിനാല് ഐശ്വര്യാറായി ചിത്രത്തിലെ നായകനല്ലാത്ത റോള് മാധവന് വലിയ കാര്യമല്ല.
https://www.facebook.com/Malayalivartha
