രമേഷ് പിഷാരടിയെ അറിയാത്ത മലയാളികൾ ഉണ്ടാകില്ല. ഒരു ഇന്ത്യൻ സ്റ്റാൻഡ് അപ്പ് കൊമേഡിയൻ, മിമിക്രി ആർട്ടിസ്റ്റ്, ടെലിവിഷൻ ഹോസ്റ്റ്, മലയാള ടെലിവിഷനിലും സിനിമകളിലും ഏറെ പ്രശസ്തൻ. പോസിറ്റീവ് എന്ന ചിത്രത്തിലൂടെയായിരുന്നു പിഷാരടിയുടെ സിനിമാരംഗത്തുള്ള അരങ്ങേറ്റം.

പോസിറ്റീവ് എന്ന ചിത്രത്തിൽ ആദ്യമായി അഭിനയിച്ചെങ്കിലും നസ്രാണിയാണ് ആദ്യമായി പുറത്തിറങ്ങിയ ചിത്രം. 2009 ൽ കപ്പൽ മുതലാളി എന്ന ചിത്രത്തിൽ അദ്ദേഹം പ്രധാന വേഷം ചെയ്തു. സെല്ലുലോയ്ഡ്, ലെഫ്റ്റ് റൈറ്റ് ലെഫ്റ്റ്, ഇമ്മാനുവേൽ എന്നിവ അദ്ദേഹത്തിന്റെ മറ്റു പ്രധാന ചിത്രങ്ങളാണ്. ഇപ്പോൾ പിഷാരടി ബഡായി ബംഗ്ളാവിലൂടെ മലയാളി പ്രേക്ഷകരെ ചിരിപ്പിച്ച്കൊണ്ടിരിക്കുകയാണ്.

ഇപ്പോളിതാ രമേഷ് പിരാടി സംവിധായകനാകാൻ ഒരുങ്ങുന്നു. മണിയൻപിള്ള രാജു നിർമ്മിക്കുന്ന ചിത്രത്തിന്റെ പേര് പഞ്ചവർണ്ണതത്ത എന്നാണ്. കുഞ്ചാക്കോ ബോബനും ജയറാമുമാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. അനുശ്രീയാണ് നായിക.

വളരെ വ്യത്യസ്ഥമായൊരു രീതിയിലാണ് സംവിധായകനായുള്ള തനറെ അരങ്ങേറ്റത്തെപ്പറ്റി രമേഷ് പിഷാരടി വിവരിക്കുന്നത്. തന്റെ ഫെയിസ്ബുക്ക് പേജിൽ പോസ്റ്റ് ചെയ്ത വീഡിയോയിലൂടെയാണ് രമേഷ് പിഷാരടി ഈ സർപ്രൈസ് പുറത്ത് വിടുന്നത്. തന്റെ ഏറ്റവും അടുത്ത സുഹൃത്തും നടനുമായ ധർമ്മജൻ ബോൾഗാട്ടിയും രമേഷ് പിഷാരടിയും ചേർന്നാണ് പുതിയ സിനിമയെപ്പറ്റിയുള്ള വാർത്ത പുറത്ത് വിടുന്നത്.

പാട്ടുകൾക്ക് പ്രധാന്യം നൽകുന്ന ചിത്രമാണ് ഇതെന്ന് രമേഷ് പിഷാരടി പറയുന്നുണ്ട്. എം. ജയചന്ദ്രനാണ്. ചിത്രത്തിലെ 3 ഗാനങ്ങൾക്ക് ഈണം നൽകിയിരിക്കുന്നത്. പശ്ചാത്തല സംഗീതം ഔസേപ്പച്ചനാണ് നിർവഹിക്കുന്നത്. പ്രദീപ് നായരാണ് ചിത്രത്തിന്റെ ഛായാഗ്രാഹണം നിർവഹിക്കുന്നത്. ചിത്രത്തിൽ വ്യത്യസ്ഥമായ ഒരു അവതരണ ഗാനം ഉണ്ടെന്നും ഇത് നാദിർഷയായിക്കും ചെയ്യുക എന്നും രമേഷ് പിഷാരടി പറയുന്നുണ്ട്.