അഹങ്കാരം തലക്ക് പിടിച്ച് പാതി വഴിയില് ഉപേക്ഷിച്ച യുവ സംവിധായികയുടെ മൈ സ്റ്റോറിയില് പൃഥ്വി രാജ് അഭിനയിക്കും
പാതിവഴിയില് ചിത്രീകരണം മുടങ്ങിയ പൃഥ്വിരാജ് ചിത്രം മൈസ്റ്റോറി സംവിധായിക റോഷ്നി ദിനകറിന് അന്തിമ വിജയം. എത്രയും പെട്ടെന്ന് റോഷ്നിയുടെ ചിത്രം പൂര്ത്തിയാക്കാന് ഫിലിം ചേംബര് പൃഥ്വി രാജിന് നിര്ദേശം നല്കി. ചിത്രീകരണം നീണ്ട് പോകുന്നെന്ന് കാട്ടി സംവിധായിക റോഷ്നി ദിനകര് ഫെഫ്കയെയും അമ്മയെയും പ്രൊഡ്യൂസേഴ്സ് അസോസിയേഷനെയും സമീപിച്ചിരുന്നെങ്കിലും നടപടിയൊന്നും എടുത്തില്ല. തുടര്ന്നാണവര് ഫിലിം ചേമ്പറിനെ സമീപിച്ചത്.
മൈ സ്റ്റോറി പൂര്ത്തിയാക്കാനായി 40 ദിവസം കൂടി വേണമെന്നായിരുന്നു റോഷ്നി ആവശ്യപ്പെട്ടത്. ഒക്ടോബര് 18 മുതല് 20 ദിവസവും അതുകഴിഞ്ഞ് നിര്മ്മാതാവ് രജ്ഞിത്തിന്റെ ചിത്രത്തിന് ശേഷം വീണ്ടും 20 ദിവസം കൂടി നല്കണമെന്നാണ് ഫിലിം ചേംബര് പൃഥ്വി രാജിനോട് ആവശ്യപ്പെട്ടത്. ഇന്ന് നടന്ന ഫിലിം ചേമ്പറിന്റെ അടിയന്തിര യോഗമാണ് ഇക്കാര്യത്തില് തീരുമാനമെടുത്തത്.
തന്റെ സിനിമ പൂര്ത്തിയാക്കുന്നതിനായി പ്രിഥ്വി രാജിന്റെ ഡേറ്റ് കിട്ടാന് റോഷ്നി ഫിലിം ചേംബറിനെ സമീപിച്ച വിവരവും റോഷ്നിക്ക് അനുകൂലമായ തീരുമാനമെടുക്കുന്ന കാര്യവും മലയാളി വാര്ത്ത നേരത്തെ റിപ്പോര്ട്ട് ചെയ്തിരുന്നു. രഞ്ജിത്ത്, ബ്ലസ്സി, റോഷ്നി എന്നിവരുമായി ചര്ച്ച നടത്തിയാണ് തീരുമാനമെടുത്തത്. മലയാളി വാര്ത്തയില് ഇതേപ്പറ്റി വന്ന വാര്ത്തയെപറ്റിയും ഫിലിം ചേംബറില് ചര്ച്ചയായി. രഹസ്യമായി നടത്തിയ ഈ നീക്കങ്ങള് മലയാളി വാര്ത്ത എങ്ങനെ റിപ്പോര്ട്ട് ചെയ്തു എന്ന് രഞ്ജിത്ത് ചോദിക്കുകയും ചെയ്തു. എന്നാല് ഇക്കാര്യം അറിയില്ലെന്നാണ് റോഷ്നി ഉള്പ്പടെയുള്ളവര് പ്രതികരിച്ചത്.
പൊതുവെ തലക്കനമുള്ള പ്രിഥ്വി രാജിനെതിരെ ഒരു യുവ സംവിധായിക രംഗത്തെത്തി വിജയം നേടിയത് ഒരു പെണ് വിജയം കൂടിയാണ്.
കോസ്റ്റിയൂം ഡിസൈനറായിരുന്നു റോഷ്നി മൈസ്റ്റോറിയിലൂടെയാണ് സംവിധായിക രംഗത്തെത്തുന്നത്. തന്റെ ആദ്യ സംരഭത്തില് തന്നെ തടസം വന്നതില് ഏറെ ദു:ഖിതയുമാണ് റോഷ്നി. ഒന്നര വര്ഷം മുമ്പ് പോര്ച്ചുഗലില് വച്ചു നടന്ന മുപ്പതു ദിവസത്തെ ഷൂട്ടിംഗിനിടയിലാണ് നടനും സംവിധായികയും തമ്മില് തെറ്റിയത്.
നവാഗത സംവിധായികയ്ക്ക് കാര്യങ്ങളിറിയില്ലെന്നും താന് സംവിധാനം കൂടി ചെയ്യാമെന്നുള്ള പ്രിഥ്വിയുടെ നിലപാടാണ് റോഷ്നിയെ ചൊടിപ്പിച്ചത്. തുടര്ന്ന് സെറ്റില് പരസ്യ വെല്ലുവിളി വരെയായി. സഹ പ്രവര്ത്തകര് ഇടപെട്ട് ഇരുവരെയും മെരുക്കാന് നോക്കിയെങ്കിലും പിന്നീട് പൊട്ടിത്തെറിക്കുകയായിരുന്നു. മുപ്പതു ദിവസത്തെ ഷൂട്ടിംഗ് പൂര്ത്തിയാക്കാന് കഴിയാതെ സംഘത്തിനു മടങ്ങേണ്ടി വന്നു. പിന്നീട് പലതവണ തന്റെ സിനിമ പൂര്ത്തിയാക്കണമെന്ന സംവിധായികയുടെ അഭ്യര്ത്ഥന പ്രിഥ്വി നിരസിച്ചു.
ഇതിനിടയില് ഫിലിം നിര്മ്മാതാക്കളുടെ സംഘടന സെക്രട്ടറി എം രഞ്ജിതിന്റെ അജ്ഞലി മേനോന് സംവിധാനം ചെയ്യുന്ന സിനിമയ്ക്കായി പ്രിഥ്വിരാജ് ഡേറ്റ് കൊടുത്തത് റോഷ്നിയെ ചൊടിപ്പിച്ചു. റോഷ്നി ഇക്കാര്യങ്ങള് കാട്ടി മുഖ്യമന്ത്രിക്ക് പരാതി കൊടുത്തതായാണ് വിവരം. സിനിമാ സംഘടനാ ഭാരവാഹികളെ പ്രതിഷേധമറിയിച്ചു കഴിഞ്ഞു. മുമ്പ് ദിലീപിന്റെ അടുത്ത സുഹൃത്തായിരുന്ന രഞ്ജിത്, ദിലീപിന്റെ വൈരിയായ പ്രിഥ്വിരാജിനെ വച്ച് സിനിമയെടുക്കുന്നത് സിനിമാ ലോകത്ത് കൗതുകമുണര്ത്തുന്നു.
കെ.ജി എ ഗ്രൂപ്പ് നിര്മ്മിക്കാനിരിക്കുന്ന ആടു ജീവിതം സിനിമയില് നിന്ന കെ.ജി.എ പിന്മാറുകയും ഈ ചിത്രം സംവിധായകനായ ബ്ലെസി തന്നെ നിര്മ്മാണവും സംവിധാനവും ചെയ്യുന്നു. സിനിമയിലെ നായക വേഷത്തിനായി പ്രിഥ്വിരാജിന് വളരെ മെലിയേണ്ടിവരും. ഇത്തരത്തില് ശരീരപ്രകൃതി മാറിയാല് തന്റെ സിനിമയെ അതു ബാധിക്കുമെന്ന് റോഷ്നി ഭയപ്പെട്ടിരുന്നു.
https://www.facebook.com/Malayalivartha
