തെന്നിന്ത്യയുടെ ലേഡി സൂപ്പര്‍സ്റ്റാര്‍ നയൻതാര നായികയാകുന്ന പുതിയചിത്രമാണ് ജയ് സിംഹ. എന്നാൽ താരം ചിത്രത്തില്‍ അഭിനയിക്കാന്‍ മുന്നോട്ട് വച്ച നിബന്ധനകൾ ഞെട്ടിക്കുന്നതാണ്. തെലുങ്ക് സൂപ്പര്‍താരം ബാലകൃഷ്ണ നായകനായെത്തുന്ന ജയ് സിംഹയിലെ നായികയാകണമെങ്കിൽ ചില നിബന്ധനകള്‍ മുന്നോട്ട് വച്ചിരിക്കുകയാണ് താരം.

മുതിര്‍ന്ന സംവിധായകന്‍ കെ എസ് രവികുമാര്‍സംവിധാനം ചെയ്യുന്ന ചിത്രമാണ് ജയ് സിംഹ. ചിത്രത്തിനായി നയൻസ് ഉയർന്ന പ്രതിഫലം ആവശ്യപ്പെട്ടിരുന്നു. എന്നാൽ അണിയറ പ്രവർത്തകരെ ഞെട്ടിച്ചത് മറ്റൊന്നാണ് ചിത്രത്തിലെ നായകൻ ബാലകൃഷ്ണയുമായി അടുത്ത് ഇടപഴകുന്ന രംഗങ്ങളില്‍ താൻ അഭിനയിക്കില്ലയെന്നും, മുമ്പ് തെലുങ്ക് ചിത്രങ്ങളില്‍ ചെയ്തതുപോലുള്ള ഐറ്റം ഗാനങ്ങളില്‍ അഭിനയിക്കില്ല, തുടങ്ങിയ നിബന്ധനകൾ നയന്‍താര മുന്നോട്ട് വച്ചത്. ഇരുവരും മുൻപും ശ്രീ രാമരാജ്യം എന്ന ചിത്രത്തിൽ ജോഡിയായി അഭിനയിച്ചിരുന്നു. ചിത്രം സൂപ്പര്‍ഹിറ്റായിരുന്നു. എന്നാൽ എന്തുകൊണ്ടാണ് താരം ഇങ്ങനെയൊരു നിബന്ധന വച്ചതെന്ന കാര്യത്തിൽ അണിയറയിൽ ചർച്ച നടക്കുകയാണ് .

നയൻതാരയുടെ ഈ നിബന്ധനകൾ കുറച്ചു കട്ടിയുള്ളതാണെങ്കിലും അണിയറ പ്രവര്‍ത്തകര്‍ ഈ കാര്യം അംഗീകരിക്കുകയായിരുന്നു. അതിന് കാരണം തെലുങ്കില്‍ നയന്‍താരയ്ക്കുള്ള ആരാധാകരുടെ എണ്ണം തന്നെയാണ് .