താലികെട്ടിന് വികാര നിർഭരയായി ഭാവന; കവിളിൽ തട്ടി ആശ്വസിപ്പിച്ച് നവീൻ...
തൃശൂര് തിരുവമ്പാടി ക്ഷേത്രത്തില് വച്ച് അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ നവീൻ കഴുത്തിൽ താലികെട്ടിയപ്പോൾ വികാരനിർഭരയായി ഭാവന...കവിളിൽ തട്ടി ആശ്വസിപ്പിച്ച് നവീനും. മൈക്കുമായി നിരന്നവര്ക്കു മുന്നില് വിവാഹ ദിവസം നന്ദി മാത്രം പറഞ്ഞു ഭാവനയും നവീനും. മൈക്കുമായി നിരന്നവര്ക്കു മുന്നില് കുറച്ചു നേരം മിണ്ടാതെ നിന്ന ഭാവന നന്ദി എന്നു മാത്രം പറഞ്ഞു അവസാനിപ്പിച്ചു. നവീന് ആകട്ടെ ഒന്നും പറഞ്ഞുമില്ല. സ്വകാര്യമായി നടത്തിയ ചടങ്ങില് ചാനല് ക്യാമറകളും ഫോട്ടോഗ്രാഫര്മാരും ഇടിച്ചു കയറിയതിന്റെ അസ്വസ്ഥത ഇരുവരുടെയും മുഖത്ത് പ്രകടമായിരുന്നു.
തിരുവമ്പാടി ക്ഷേത്രത്തിലെ താലികെട്ടു ചടങ്ങിലേക്ക് അടുത്ത ബന്ധുക്കള്ക്ക് മാത്രമായിരുന്നു ക്ഷണം.സ്വര്ണ്ണ വര്ണ്ണമുള്ള സാരിയും ആന്റിക്ക് ആഭരണങ്ങളും അണിഞ്ഞാണ് അതിസുന്ദരിയായി ഭാവന വിവാഹവേദിയില് എത്തിയത്.ബന്ധുക്കള്ക്കും സുഹൃത്തുക്കള്ക്കുമായി രാവിലെ തൃശൂര് ജവഹര്ലാല് കണ്വന്ഷന് സെന്ററിലും ചലച്ചിത്ര മേഖലയില് നിന്നുള്ളവര്ക്കായി തൃശ്ശൂര് ലുലു കണ്വെന്ഷന് സെന്ററിലും സത്കാര ചടങ്ങുകള് നടക്കും. സെലിബ്രിറ്റി മേക്ക് അപ് ആര്ട്ടിസ്റ്റായ രഞ്ജുവാണ് ഭാവനയുടെ മേയ്ക്കപ്പ്.
ഇക്കഴിഞ്ഞ മാര്ച്ചിലാണ് ഭാവനയും കന്നട നിര്മ്മാതാവും ബിസ്സിനസ്സുകാരനുമായ നവീനും തമ്മിലുള്ള വിവാഹ നിശ്ചയം കഴിഞ്ഞത്. ഇരുവരും തമ്മില് 5 വര്ഷം നീണ്ട പ്രണയത്തിന് ശേഷമായിരുന്നു വിവാഹ നിശ്ചയം. തൃശൂരിലെ വീട്ടില് തികച്ചും സ്വകാര്യമായിട്ടായിരുന്നു വിവാഹ നിശ്ചയം നടന്നത്. ഇരുവരുടേയും വീട്ടുകാരും അടുത്ത സുഹൃത്തുക്കളും മാത്രം ചടങ്ങില് പങ്കെടുത്തു. വിവാഹം എല്ലാവരേയും അറിയിച്ച് നടത്തുമെന്ന് ഭാവന പ്രതികരിക്കുകയും ചെയ്തിരുന്നു.
വിവാഹത്തലേന്ന് ഞായറാഴ്ച തൃശൂരിലെ വീട്ടില് രമ്യ നമ്പീശന്റെ നേതൃത്വത്തില് സിനിമാമേഖലയിലെ അടുത്ത കൂട്ടുകാരികള് എത്തി. മൈലാഞ്ചി ഇടല് ചടങ്ങ് നടത്തിയിരുന്നു. വിവാഹ ആശംസകള് നേരാന് മലയാളത്തിലെ പ്രിയനടിമാര് ജവഹര്ലാല് നെഹ്റു ഓഡിറ്റോറിയത്തില് എത്തി. ലെന, മഞ്ജു വാര്യര്, നവ്യനായര്, ഭാഗ്യലക്ഷ്മി, ഭാമ, ഷംന കാസിം, മൃദുല വാരിയര്, ഷഫ്ന, രചന, ശ്രിത ശിവദാസ്, ശില്പബാല, മിയ, കൃഷ്ണപ്രഭ, രാധ തുടങ്ങിയ നിരവധി നായികമാര് വിവാഹ വേദി കീഴടക്കി.
ആശംസകള് നേരാനായി ലെന എത്തിയപ്പോള് നവീന് വേദിയില് നിന്ന് ഇറങ്ങാനുള്ള തയാറെടുപ്പിലായിരുന്നു. ഇറങ്ങിപ്പോകുകയാണോ എന്ന് ലെന ഭാവനയോട് ചോദിച്ചപ്പോള് ”അതെ, ഷര്ട്ട് മാറ്റിയിട്ട് വരാം. ആരം പോകരുത്” എന്ന് ഭാവന നിര്ദേശിച്ചു. പോകില്ലെന്ന് ലെന മറുപടി നല്കി. ഭാഗ്യലക്ഷ്മി വേദിയിലെത്തിയപ്പോള് ഭാവന കാല്തൊട്ട് തൊഴുകയും കെട്ടിപ്പിടിക്കുകയും ചെയ്തു. ഭാഗ്യലക്ഷ്മിയുടെ കണ്ണുകള് ഈറനണിഞ്ഞിരുന്നു.
ഭാവനയുടെ വിവാഹത്തെ സംബന്ധിച്ച് ഒട്ടേറെ അഭ്യൂഹങ്ങളാണു പുറത്തെത്തിയത്. വിവാഹം മുടങ്ങിയെന്നും ഇല്ലെന്നും സംബന്ധിച്ച് ഊഹാപോഹ വാര്ത്തകളുടെ വന്നിര. സമചിത്തത കൈവിടാതെയാണ് നടിയും അതിനേക്കാളുപരി നവീനും ഈ വിഷയത്തോടു പ്രതികരിച്ചത്. ഭാവനയുടെ പിതാവിന്റെ മരണവും നവീന്റെ അമ്മയുടെ മരണവും വിവാഹ മണ്ഡപത്തിലേക്കുള്ള അവരുടെ യാത്രയുടെ നാള് നീട്ടിക്കൊണ്ടുപോയി. ഇതാണ് കാരണം എന്നു പലവട്ടം നടിയും കുടുംബവും അറിയിച്ചിട്ടും തൃപ്തിവരാതെ വാര്ത്തകള് പ്രചരിച്ചു കൊണ്ടേയിരുന്നു. എന്തായാലും അതേ ഓണ്ലൈന് ഭാവനയുടെ വിവാഹ നിമിഷങ്ങള് കണ്നിറയെ കാണുകയാണിപ്പോള്.
https://www.facebook.com/Malayalivartha
