ഞങ്ങളെ അങ്ങനെ കാണാനാണ് ആരാധകരും ഇഷ്ടപ്പെടുന്നത്; അതുണ്ടാകുമെന്ന് വെളിപ്പെടുത്തി കല്യാണി
വിക്രം കെ കുമാര് സംവിധാനം ചെയ്ത ഒരു ‘ഹലോ’ എന്ന തെലുങ്ക് ചിത്രത്തിലൂടെയായിരുന്നു കല്യാണിയുടെ അരങ്ങേറ്റം. തന്റെ ആദ്യചിത്രം ഹിറ്റായതിന്റെ ആഘോഷത്തിരക്കിലാണ് ഇപ്പോൾ താരം. പ്രിയദര്ശന്റെയും ലിസിയുടെയും മകളാണ് കല്യാണി. നാഗാര്ജ്ജുനയുടെയും അമലയുടെയും മകന് അഖില് അകിനേനിയാണ് ചിത്രത്തിലെ നായകന്.
ഒരു തമിഴ് മാധ്യമത്തിന് നല്കിയ അഭിമുഖത്തിലാണ് കല്യാണി സിനിമയെക്കുറിച്ചും ജീവിതത്തെക്കുറിച്ചും മനസ്സു തുറന്നത്. കളിക്കൂട്ടുകാരനായ പ്രണവിനൊപ്പം അഭിനയിക്കാന് ഒരു അവസരം കിട്ടിയാല് ‘തീര്ച്ചയായും, ഞങ്ങളഭിനയിക്കും. കാരണം മോഹന്ലാലിന്റെയും പ്രിയദര്ശന്റെയും സിനിമകള് ഇഷ്ടപ്പെടുന്ന മലയാളികള്ക്ക് ഇരുവരുടെയും കുട്ടികളെ ഒരേ സ്ക്രീനില് കാണാന് ആഗ്രഹമുണ്ടായിരിക്കും. ഭാവിയില് ഒരുമിച്ച് ഒരു സിനിമ ചെയ്തേക്കാം കല്യാണി പറഞ്ഞു.’
‘എന്നെ കൊണ്ട് ഒരു കാര്യം നന്നായി ചെയ്യാന് സാധിക്കുമെന്ന് ആര്ക്കും വിശ്വാസമില്ലായിരുന്നു എന്നാണ് എനിക്ക് തോന്നുന്നത്. കാരണം സിനിമയില് അഭിനയിക്കുന്നത് ഒരു തയ്യാറെടുപ്പുമില്ലാതെയാണ്. ഹലോ കണ്ടതിന് ശേഷം അപ്പുവും (പ്രണവ് മോഹന്ലാല്) എന്റെ സഹോദരനും മെസേജ് അയച്ചു ചോദിച്ചു ‘നിനക്ക് അഭിനയിക്കാന് ഒക്കെ അറിയും അല്ലേ?’ എന്ന്... ഹലോ കണ്ടതിന് ശേഷം മോഹന്ലാല് തന്നെ കെട്ടിപ്പിടിച്ചെന്ന് കല്യാണി പറയുന്നു. തന്നെ സംബന്ധിച്ച് അതൊരു വലിയ സമ്മാനമായിരുന്നുവെന്ന് കല്യാണി വ്യക്തമാക്കുന്നു.
https://www.facebook.com/Malayalivartha
