ചാക്കോച്ചന്റെയും ഭാര്യ പ്രിയയുടെയും പുതിയ ലുക്ക് സോഷ്യല്‍ മീഡിയയില്‍ ചര്‍ച്ചയാകുന്നു. ഇതില്‍ ചാക്കോച്ചന്‍ ഭാരം കുറച്ച് കൂടുതല്‍ ചെറുപ്പമായി മാറിയിരിക്കുന്നു. വരാനിരിക്കുന്ന ഏതെങ്കിലും ചിത്രത്തിനുവേണ്ടിയാണോ ഈ പുതിയ രൂപം എന്നറിയില്ലെങ്കിലും ഭാര്യ പ്രിയയും പുതിയ ലുക്കിലാണ്. 41 കാരനായ ചാക്കോച്ചന്റെ ഈ സൗന്ദര്യത്തിന്റെ രഹസ്യമെന്താണെന്ന് ആരാധകര്‍ അത്ഭുതപ്പെടുന്നു.

ഇങ്ങനെ ചെറുപ്പക്കാരനാകല്ലേ എന്നാണ് ആരാധകര്‍ പറയുന്നത്. ഭാര്യ പ്രിയയോട് തടിക്കുറച്ചില്ലെങ്കില്‍ ചാക്കോച്ചനൊപ്പം നില്‍ക്കാന്‍ ബുദ്ധിമുട്ടാകുമെന്നും ആരാധകര്‍ ഉപദേശിക്കുന്നു. വീണ്ടും ചാക്കോച്ചന്‍ ചോക്ലേറ്റ് നായകനാകാനുള്ള ശ്രമത്തിലാണോയെന്നും ആരാധകര്‍ സംശയിക്കുന്നു.

ഈ വര്‍ഷം ആദ്യം തന്നെ ചാക്കോഞ്ചന്റെ പുതിയ ചിത്രങ്ങളായ ദിവാന്‍ജിമൂലയും ശിക്കാരി ശംഭുവും തിയേറ്ററുകളിലെത്തിയിരുന്നു.രമേശ് പിഷാരടി സംവിധാനം ചെയ്യുന്ന പഞ്ചവര്‍ണ്ണ തത്തയാണ് ഇപ്പോള്‍ അഭിനയിച്ചുകൊണ്ടിരിക്കുന്ന ചിത്രം. ഇതില്‍ ജയറാമിനെപ്പമാണ് ചാക്കോച്ചന്‍ എത്തുന്നത്. കുട്ടനാടന്‍ മാര്‍പ്പാപ്പ എന്ന ചിത്രം മാര്‍ച്ചില്‍ റിലീസിനെത്തും.