ഈ ഓണത്തിന് എല്ലാവരും സന്തോഷമായി ഇരിക്കാന് സര്ക്കാരിന് ചെയ്യാവുന്നത് എല്ലാം ചെയ്തിട്ടുണ്ടെന്ന് മുഖ്യമന്ത്രി
ഈ ഓണത്തിന് എല്ലാവരും സന്തോഷം ആയി ഇരിക്കാന് സര്ക്കാരിന് ചെയ്യാവുന്നത് എല്ലാം ചെയ്തിട്ടുണ്ടെന്ന് മുഖ്യമന്ത്രി വി ഡി സതീശന്. തിരുവനന്തപുരത്ത് ഓണം വാരാഘോഷത്തിന്റെ ഔദ്യോഗിക ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം. തന്നിരിക്കുന്ന തുക മുഴുവന് ചിലവാക്കണം. ഈ പണം മാര്ക്കറ്റില് ഉണ്ടാകും കൂടുതല് ടാക്സ് ഉണ്ടാകും. അങ്ങനെ മണി സര്കുലേഷന് ഉണ്ടാകും. അതാണ് വേണ്ടത്.
ഓണക്കാലമാണ് പ്രകൃതിയുടെ മനോഹാരിത മുഴുവന് ജീവിതത്തിലും ഉണ്ടാകണം. അതാണ് എല്ലാവരുടെയും ആഗ്രഹം. ഓണാനുഭവങ്ങള് വരുന്ന കാലത്തും തുടരണം. ലോകത്തിന് മുന്നില് അത് അവതരിപ്പിക്കാന് കഴിയണം. ലോകത്തിന്റെ മുന്നില് ടൂറിസം ഡെസ്റ്റിനേഷനാക്കി മാറ്റുക എന്നതാണ് ലക്ഷ്യം. അതിന് എന്തെല്ലാം ചെയ്യാമോ അതെല്ലാം ചെയ്യും. കായലും കരയും ബന്ധിപ്പിച്ച് കൊണ്ടുള്ള ഇന്റെഗ്രെറ്റഡ് ടൂറിസം പദ്ധതി കൊണ്ടുവരും. മിനിമം മൂന്ന് ദിവസം മുതല് ഒരാഴ്ചവരെ ഒരു ടുറിസ്റ്റ് കേരളത്തില് വന്നാല് ചിലവഴിക്കാന് ആകണം അതാണ് ലക്ഷ്യം. ബീച്ച് ടൂറിസം, റിവര് ഫോറെസ്റ്റ് ടൂറിസം പ്രൊമോട്ട് ചെയ്യാന് ആകണം.
ഇന്റര്നാഷണല് മാരിടൈം മ്യുസിയം ഉണ്ടാകും. കേരളത്തില് ഫിലിം സിറ്റി ഉണ്ടാകും തലസ്ഥാന നഗരത്തിനായി വിപുലമായ പദ്ധതി ഉണ്ടാകും. ആ പ്രഖ്യാപനം അടുത്ത് ഉണ്ടാകും. അതൊരു സസ്പെന്സ് ആയിരിക്കട്ടെ. സമഗ്രമായ ടൂറിസം പദ്ധതിയാണ് കേരളത്തിന്റെ സ്വപ്നമെന്നും അദ്ദേഹം കൂട്ടിച്ചേര്ത്തു. ഓണം മലയാളികളുടെ ജീവിതത്തിന്റെ ഭാഗമെന്ന് കുഞ്ചാക്കോ ബോബന് പറഞ്ഞു. കാലം, വേഷം രൂപം ഭാവങ്ങള്ക്ക് അതീതം. മഹാബലി എന്നൊരു പേര് ഓര്ക്കണം. അദ്ദേഹം ഭരിച്ചിരുന്ന സമയത്ത് സമത്വം ഉണ്ടായിരുന്നു. അന്ന് കേരളം എന്തായിരുന്നു എന്നത് മാറി മാറി വരുന്ന മുഖ്യമന്ത്രിമാര്ക്ക് ഉദാഹരണം.ഒരു നല്ല ഭരണാധികാരി കാലങ്ങള്ക്ക് അതീതമായി ആഘോഷിക്കപ്പെടും. അതിന് ഉദാഹരണം ആണ് മഹാബലി. കേരളം ടൂറിസത്തിന്റെ കാര്യത്തില് മുന്നില്. ടൂറിസം എവിടെ ഉണ്ടോ അവിടെ ലഹരി ഉണ്ടാകും. അവിടെ ആണ് സര്ക്കാര് കൊണ്ട് വന്ന തൂഫാന് പദ്ധതിയുടെ പ്രാധാന്യം. യുവതലമുറയെ ലഹരിയില് നിന്ന് കരകയറ്റാന് തൂഫാന് കഴിയുന്നുവെന്നും അദ്ദേഹം ചൂണ്ടിക്കാട്ടി.
https://www.facebook.com/Malayalivartha
