24 മണിക്കൂര് സ്പെഷ്യാലിറ്റി സേവന നീക്കത്തിനെതിരെ ഡോക്ടര്മാര്
ജില്ല, ജനറല് ആശുപത്രികളില് 24 മണിക്കൂര് സ്പെഷ്യാലിറ്റി സേവനങ്ങള് ഏര്പ്പെടുത്താനുള്ള ആരോഗ്യവകുപ്പ് നീക്കത്തിനെതിരെ കെജിഎംഒയിലെ ഒരു വിഭാഗം ഡോക്ടര്മാര്. മതിയായ ജീവനക്കാരില്ലാതെ സമയം നീട്ടാനാകില്ലെന്നാണ് നിലപാട്. ആറ് മാസത്തിനുള്ളില് ജില്ല, ജനറല് ആശുപത്രികളില് 24 മണിക്കൂര് സ്പെഷ്യാലിറ്റി സേവനം ഏര്പ്പെടുത്താനായിരുന്നു സര്ക്കാര് ശ്രമം. കെജിഎംഒ കൊല്ലം ജില്ലാ ഘടകമാണ് സ്പെഷ്യാലിറ്റി സേവനങ്ങളുടെ സമയം നീട്ടുന്നതില് കടുത്ത പ്രതിഷേധം ഉയര്ത്തിയിരിക്കുന്നത്.
സ്പെഷ്യാലിറ്റി ഡോക്ടര്മാരുടെയെും സ്റ്റാഫ് നഴ്സ് ഉള്പ്പെടെയുള്ളവരുടെയും തസ്തികകളും സൃഷ്ടിക്കാതെയാണ് സര്ക്കാര് നീക്കമെന്നാണ് വിമര്ശനം. ആദ്യ ഘട്ടത്തില് ഓരോ ജില്ലയിലെയും ഒരു ആശുപത്രിയില് 24 മണിക്കൂര് സ്പെഷാലിറ്റി സേവനം ഏര്പ്പെടുത്താനാണ് സര്ക്കാര് പദ്ധതി. മെഡിസിന്, സര്ജറി, ഓര്ത്തോ, പീഡിയാട്രിക്സ്, ഗൈനക്കോളജി തുടങ്ങിയ സെപ്യാലിറ്റി സേവനങ്ങളായിരുന്നു പകലും രാത്രിയും ഉറപ്പാക്കാന് തീരുമാനിച്ചത്. ശസ്ത്രക്രിയകള് ഉള്പ്പെടെ ജില്ലാ ജനറല് ആശുപത്രികളില് രാത്രികാലങ്ങളിലും നടത്തുന്നതോടെ മെഡിക്കല് കോളേജുകളിലെ തിരക്കും നിയന്ത്രിക്കാനാകും. ഇതിനായി നോഡല് ഓഫീസറെ ചുമതലപ്പെടുത്തുകയും റിപ്പോര്ട്ട് ആവശ്യപ്പെടുകയും ചെയ്തു.
എന്നാല്, ആവശ്യത്തിന് ആളില്ലാതെ 24 മണിക്കൂര് സേവനം ഉറപ്പാക്കാനാകില്ലെന്നാണ് !ഡോക്ടര്മാരുടെ വാദം. കാര്യക്ഷമതയെ ബാധിക്കും. 250ല് അധികം സ്പെഷ്യാലിറ്റി ഡോക്ടര്മാരുടെ തസ്തിക ഒഴിഞ്ഞുകിടക്കുന്നുണ്ടെന്നാണ് വിവരം. 24 മണിക്കൂറാക്കിയാല് തസ്തികകള് മൂന്നിരിട്ടി കൂട്ടേണ്ടിവരും. എന്നാല് സ്വകാര്യ പ്രാക്ടീസ് നിലയ്ക്കുമെന്നതിനാലാണ് ഡോക്ടര്മാര് എതിര്ക്കുന്നതെന്നാണ് മറുവാദം.
https://www.facebook.com/Malayalivartha
