അപകടത്തില്‍പ്പെട്ട് വഴിയരികില്‍ കിടന്ന സ്ത്രീയെ ആശുപത്രിയില്‍ എത്തിക്കാന്‍ സ്വന്തം കാര്‍ വിട്ടുനൽകി കമല്‍ഹാസന്‍ ; ഉലകനായകന്റെ ചിത്രങ്ങൾ സോഷ്യൽമീഡിയയിൽ വൈറലാകുന്നു
ശരിക്കും ജനകീയനായ രാഷ്ട്രീയക്കാരനായി മാറിക്കൊണ്ടിരിക്കുകയാണ് കമല്‍ഹാസന്‍. ഇത്തരമൊരു പ്രവര്‍ത്തിക്കാണ് കഴിഞ്ഞ ദിവസം കന്യാകുമാരി സാക്ഷ്യം വഹിച്ചത്.അപകടത്തില്‍പ്പെട്ട് വഴിയരികില്‍ കിടന്ന ഒരു സ്ത്രീയെ ആസ്പത്രിയില്‍ എത്തിക്കാന്‍ സ്വന്തം കാര്‍ വിട്ടുകൊടുക്കുകയായിരുന്നു കമല്‍.
മക്കള്‍ നീതി മൈയം എന്ന തന്റെ രാഷ്ട്രീയ പാര്‍ട്ടിയുടെ പ്രവര്‍ത്തനവുമായി ബന്ധപ്പെട്ട് മൂന്ന് ദിവസമായി കന്യാകുമാരി ജില്ലയില്‍ പര്യടനം നടത്തിക്കൊണ്ടിരിക്കുകയാണ് കമല്‍. ഇതിനിടയിലായിരുന്നു ജീവകാരുണ്യ പ്രവര്‍ത്തനം.
നേരത്തെ ഡി.എം.കെ. നേതാവ് എം.കെ.സ്റ്റാലിനും സമാനമായ ഒരു പ്രവര്‍ത്തനം നടത്തിയിരുന്നു.സ്റ്റാലിന്‍ കൊളത്തൂരില്‍ പാര്‍ട്ടി സമ്മേളനത്തെ അഭിസംബോധന ചെയ്തുകൊണ്ടിരിക്കുമ്പോഴായിരുന്നു സംഭവം.സമ്മേളനത്തിനിടെ ഒരു പാര്‍ട്ടി പ്രവര്‍ത്തകന്‍ കുഴഞ്ഞുവീണു. പ്രവര്‍ത്തകനെ ആസ്പത്രിയില്‍ കൊണ്ടുപോകാന്‍ സ്റ്റാലിന്‍ സ്വന്തം വാഹനം തന്നെ വിട്ടുകൊടുക്കുകയായിരുന്നു.
https://www.facebook.com/Malayalivartha
