കോളിവുഡിലെ പ്രിയ നടി തൃഷ ഇപ്പോള്‍ ഹാപ്പിയാണ്. നിര്‍മാതാവും ബിസിനസുകാരനുമായ വരുണ്‍ മനിയാനുമായുള്ള വിവാഹം മുടങ്ങിയതുകൊണ്ട് തനിക്ക് യാതൊരു പ്രശ്‌നവുമില്ലെന്ന് തൃഷ തുറന്ന് പറഞ്ഞിരിക്കുകയാണ്. വിവാഹം മുടങ്ങിയെന്ന് പറഞ്ഞ് കരയാനോ മരിക്കാനോ തന്നെ കിട്ടില്ലെന്ന് തൃഷ പറഞ്ഞു. സിനിമയില്‍ ഇനി കൂടുതല്‍ ശ്രദ്ധ കൊടുക്കണമെന്നാണ് തന്റെ ആഗ്രഹമെന്നും തൃഷ പറഞ്ഞു. കൈനിറയെ മികച്ച റോളുകളാണ് തൃഷയെ കാത്തിരിക്കുന്നത്. പുതിയ കാമുകനൊപ്പം കറങ്ങി നടക്കുകയാണ് താരം ഇപ്പോള്‍.
ഒരിക്കല്‍ കാമുകനായിരിക്കുകയും പിന്നീട് അജ്ഞാതമായ കാരണങ്ങള്‍ കൊണ്ട് അകലുകയും ചെയ്ത മുന്‍ കാമുകന്‍ റാണ ദഗുപതിയുമായിട്ടാണ് തൃഷ വീണ്ടും അടുക്കുന്നതെന്നാണ് പാപ്പരാസികളുടെ കണ്ടെത്തല്‍. ഇവര്‍ വീണ്ടും അടുക്കുന്നതായും ചില പൊതു പരിപാടികള്‍ ഒന്നിച്ച് അറ്റന്‍ഡ് ചെയ്തതായിട്ടും ഗോസിപ്പുകള്‍ സജീവമാണ്. തെലുങ്ക് നടന്‍ മഞ്ജു മനോജിന്റെ വിവാഹത്തിന് ഇരുവരും എത്തിയത് ഒരുമിച്ചായിരുന്നെന്നും രണ്ടു പേരും ഒരുപാട് നേരം പരസ്പരം സംസാരിച്ചെന്നുമൊക്കെയാണ് കേള്‍ക്കുന്നത്.
ദഗുപതിയുമായി തുടക്ക കാലത്ത് പ്രണയത്തിലായിരുന്ന തൃഷ പിന്നീട് താരത്തില്‍ നിന്നും അകലുകയായിരുന്നു. അതിന് പിന്നാലെയാണ് നിര്‍മ്മാതാവ് വരുണ്‍ താരത്തിന്റെ ജീവിതത്തിലേക്ക് വന്നതും പിന്നീട് കഴിഞ്ഞയാഴ്ച ഔദ്യോഗികമായി പ്രഖ്യാപിക്കപ്പെട്ട വിവാഹത്തില്‍ നിന്നുള്ള പിന്‍വലിയലുമെല്ലാം ഉണ്ടായത്. വിവാഹം ഉറപ്പിച്ച ശേഷമുള്ള ഇരുവരുടെയും മാറ്റം കോളിവുഡില്‍ ചര്‍ച്ചാവിഷയമായിരുന്നു. സംഭവത്തിന് പിന്നില്‍ ധനുഷാണെന്നും അല്ലെന്നുമുള്ള കഥകളും പരന്നിരുന്നു. വിവാഹം മുടങ്ങിയെങ്കിലും തൃഷയുടെ കരിയറിനെ അത് ബാധിച്ചിട്ടില്ല. പുതിയ അഞ്ചു ചിത്രങ്ങളിലാണ് തൃഷ ഇപ്പോള്‍ കരാര്‍ ഒപ്പിട്ടിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha