ഇന്ത്യന്‍ സിനിമയിലെ രണ്ട് പ്രതിഭകള്‍ ഒന്നിക്കുന്നു. ഷങ്കറിന്റെ സംവിധാനത്തില്‍ രജനീകാന്തും ഷാരൂഖ് ഖാനും ഒന്നിക്കുന്നതായി റിപ്പോര്‍ട്ട്. തമിഴിലും ഹിന്ദിയിലുമായിട്ടാണ് ചിത്രം ഒരുക്കുന്നത്. തമിഴില്‍ രജനി നായകനും ഷാരൂഖ് വില്ലനുമായിരിക്കും. ഹിന്ദിയില്‍ ഷാരൂഖ് നായകനും രജനീകാന്ത് വില്ലനുമായെത്തുന്നു എന്ന പ്രത്യേകതയും ചിത്രത്തിനുണ്ട്. ആദ്യം അമീര്‍ഖാനെയും വിക്രിനെയുമായിരുന്നു നിശ്ചയിച്ചിരുന്നത്. എന്തായാലും കോളിവുഡിലെയും ബോളിവുഡിലെയും സൂപ്പര്‍താരങ്ങള്‍ ഒരുമിക്കുന്ന ചിത്രം ഒരു ബ്രഹ്മാണ്ട ചിത്രമായിരിക്കുമെന്ന പ്രതീക്ഷയിലാണ് വാര്‍ത്ത കേട്ട ആരാധകര്‍. 2013ല്‍ പുറത്തിറങ്ങിയ ഷാരൂഖ് ഖാന്റെ സൂപ്പര്‍ഹിറ്റ് ചിത്രമായ ചെന്നൈ എക്‌സപ്രസില്‍ രജനിക്ക് ആശംസകള്‍ നേര്‍ന്നു കൊണ്ടുള്ള കിംഗ് ഖാന്റെ ലുങ്കി ഡാന്‍സ് ഇപ്പോഴും ഹിറ്റാണ്. താനൊരു കടുത്ത രജനി ആരാധകനാണെന്ന് ഖാന്‍ പല വേദികളിലും പറഞ്ഞിട്ടുമുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha