തലയുടെ നായികയായി ആദ്യമായി ശ്രുതി ഹാസന്‍.അജിത്ത് നായകനായി തല 56 ലാണ് ശ്രുതി െ്രെഡവറുടെ വേഷത്തില്‍ എത്തുന്നത്. സിരുത്തൈ സിവയാണ് ചിത്രം സംവിധാനം ചെയ്യുന്നത്.
സൂപ്പര്‍ഹിറ്റായ വീരം എന്ന സിനിമയ്ക്കു ശേഷം അജിത്തും സിവയും ഒന്നിക്കുന്ന സിനിമയാണിത്. വീരം ഗ്രാമീണ പശ്ചാത്തലത്തിലുള്ള സിനിമ ആയിരുന്നെങ്കില്‍ പുതിയ സിനിമ നഗര കേന്ദ്രീകൃത കഥയാണ് പറയുന്നത്. എ.എം രത്‌നമാണ് ചിത്രം നിര്‍മ്മിക്കുന്നത്. അജിത്തിന്റെ പ്രിയപ്പെട്ട സ്റ്റണ്ട് മാസ്റ്റര്‍ സില്‍വയാണ് ഈ ചിത്രത്തിലും ആക്ഷന്‍ രംഗങ്ങള്‍ ഒരുക്കുന്നത്.
ഇതാദ്യമായാണ് ശ്രുതി ഹാസന്‍ അജിത്തിന്റെ നായികയാവുന്നത്. ലക്ഷ്മി മേനോന്‍ അജിത്തിന്റെ സഹോദരിയുടെ വേഷത്തില്‍ ചിത്രത്തിലെത്തും. ആദ്യം അജിത്താണ് ടാക്‌സിഡ്രൈവറുടെ വേഷത്തില്‍ എത്തുന്നതെന്നായിരുന്നു റിപ്പോര്‍ട്ട്. എന്നാല്‍ അജിത്തല്ല നായിക ശ്രുതിയാണ് ഈ വേഷമവതരിപ്പിക്കുന്നതെന്ന് അണിയറക്കാര്‍ വ്യക്തമാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha