കമലാഹാസനെ വിമര്‍ശിക്കുകയും രജനിയെ പൊക്കിപ്പറയുകയും ചെയ്ത ശിവകാര്‍ത്തികേയനെ കമല്‍ ആരാധകര്‍ കൈകാര്യം ചെയ്തു. മധുരൈ വിമാനത്താവളത്തില്‍ നിന്നു പുറത്തേക്കു വരുന്നതിനിടെ ഒരു സംഘം ആളുകള്‍ മര്‍ദിക്കുകയായിരുന്നു. വിമാനത്താവളത്തിന്റെ പ്രധാന കവാടം വഴി പുറത്തേക്ക് വരുമ്പോഴാണ് ഒരു പറ്റം ആളുകള്‍ ശിവ കാര്‍ത്തികേയന് നേരെ പാഞ്ഞ് അടുത്തത്. ചിലര്‍ അസഭ്യം പറഞ്ഞപ്പോള്‍ മറ്റ് ചിലര്‍ താരത്തെ മര്‍ദ്ദിച്ചു.
ഉലകനായകന്‍ കമല്‍ഹാസന്റെ ആരാധകരാണ് ശിവകാര്‍ത്തികേയനെ മര്‍ദ്ദിച്ചതെന്നാണ് തമിഴകത്തുനിന്ന് ലഭിക്കുന്ന റിപ്പോര്‍ട്ടുകള്‍. വരുത്തപ്പെടാത്ത വാലിഭര്‍ സംഘം എന്ന ശിവകാര്‍ത്തികേയന്റെ സിനിമയില്‍ കമല്‍ഹാസനെ കളിയാക്കുന്ന തരത്തിലുള്ള ഡയലോഗുകള്‍ ഉണ്ടായിരുന്നെന്നാണ് പ്രചരിക്കുന്ന റിപ്പോര്‍ട്ടിലുള്ളത്. മാത്രമല്ല കമല്‍ഹാസന്‍ സിനിമയായ കാക്കി സട്ടൈയുടെ അതേപേര് ശിവകാര്‍ത്തിയേകനും തന്റെ സിനിമയ്ക്കായി ഉപയോഗിച്ചിരുന്നു.
ഇതെല്ലാം ഉപയോഗിച്ചിട്ടും താനൊരു രജനി ആരാധകനാണെന്നും രജനീകാന്ത് ആണ് പ്രചോദനമെന്നും ശിവകാര്‍ത്തികേയന്‍ ഈ അടുത്തിടെ ഒരു അഭിമുഖത്തില്‍ പറയുകയുണ്ടായി. ഇതാകാം ആരാധകരെ ചൊടിപ്പിച്ചതെന്നാണ് കേള്‍ക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha