ജപ്പാനിൽ റിക്ടർ സ്കെയിലിൽ 6.0 തീവ്രത രേഖപ്പെടുത്തിയ ശക്തമായ ഭൂചലനം. ഇന്ന് പ്രാദേശിക സമയം രാവിലെ 7.15നാണ് ഐസെ നഗരത്തിന് സമീപം ഭൂചലനമുണ്ടായത്.

പ്രഭവകേന്ദ്രം ഭൂമിക്കടിയിൽ 350.90 കിലോമീറ്റർ ആഴത്തിലാണെന്നാണ് യൂറോപ്യൻ-മെഡിറ്ററേനിയൻ സീസ്മോളജിക്കൽ സെന്ററിന്റെ പ്രാഥമിക റിപ്പോർട്ടുകളുള്ളത്.

റാസ്ബെറി ഷേക്ക് ശൃംഖലയും ഭൂചലനത്തിന്റെ തീവ്രത 6.0 ആയി രേഖപ്പെടുത്തിയിട്ടുണ്ട്. ഇന്തോനേഷ്യയിലെ ഭൗമശാസ്ത്ര ഏജൻസി 5.9 തീവ്രതയും ജർമൻ റിസർച്ച് സെന്റർ ഫോർ ജിയോസയൻസസ് 6.0 തീവ്രതയുമാണ് രേഖപ്പെടുത്തിയിട്ടുള്ളത്.

പ്രാഥമിക വിലയിരുത്തൽ പ്രകാരം വലിയ നാശനഷ്ടങ്ങൾക്ക് സാധ്യതയില്ലെന്നാണ് സൂചനകളുള്ളത്. എന്നാൽ പ്രഭവകേന്ദ്രത്തിന് സമീപമുള്ള നഗരങ്ങളിൽ നേരിയ പ്രകമ്പനം അനുഭവപ്പെട്ടിരിക്കാം. ഐസെ, മത്സുസാക്ക, ടൊയോഹാഷി, സു, സുസുക, യൊക്കൈച്ചി, കുവാന തുടങ്ങിയ നഗരങ്ങളിൽ ഭൂചലനത്തിന്റെ പ്രകമ്പനം അനുഭവപ്പെട്ടിരിക്കാമെന്നാണ് റിപ്പോർട്ടുകള്ളുളത്.