'ജനനായകന്' പൊങ്കലിന് മുന്പ് എത്തിയേക്കില്ല; നിര്മാതാക്കളായ കെവിഎന് പ്രൊഡക്ഷന്സ് ഇന്നലെ അപ്പീല് ഫയല് ചെയ്തെങ്കിലും കോടതി ഇന്നും പരിഗണിച്ചില്ല
13 JANUARY 2026 05:51 PM IST
മലയാളി വാര്ത്ത
'ജനനായകന്' പൊങ്കലിന് മുന്പ് റിലീസ് ചെയ്യാനുള്ള എല്ലാ വഴിയും അടഞ്ഞു. മദ്രാസ് ഹൈക്കോടതി ഡിവിഷന് ബഞ്ച് വിധിക്കെതിരായ അപ്പീല് സുപ്രീം കോടതി ഇന്നും പരിഗണിച്ചില്ല. നിര്മാതാക്കളായ കെവിഎന് പ്രൊഡക്ഷന്സ് ഇന്നലെ അപ്പീല് ഫയല് ചെയ്തെങ്കിലും സുപ്രീം കോടതി ചീഫ് ജസ്റ്റിസിന് മുന്പില് ഇന്നും കേസ് പരാമര്ശിച്ചില്ല.
നാളെ മകര സംക്രാന്തി കാരണം കോടതിക്ക് അവധിയായതിനാല് ഇനി മറ്റന്നാള് കേസ് പരിഗണിക്കാനാണ് സാധ്യത. വ്യാഴാഴ്ച മുതല് ഞായറാഴ്ച വരെയാണ് തമിഴ്നാട്ടില് പൊങ്കല് അവധി. കേസില് തങ്ങളുടെ ഭാഗം കേള്ക്കാതെ ഉത്തരവ് ഇറക്കിറക്കരുതെന്ന് ആവശ്യപ്പെട്ട്, സെന്സര് ബോര്ഡും തടസ്സഹര്ജി നല്കിയിരുന്നു. ഈ മാസം 9ന് റിലീസ് നിശ്ചയിച്ചിരുന്ന ചിത്രത്തിന് സെന്സര് ബോര്ഡ് സര്ട്ടിഫിക്കേറ്റ് നിഷേധിച്ചതോടെയാണ് പ്രതിസന്ധിയിലായത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
