ഈ പെണ്‍കുട്ടികളുടെ മുക്കാല മുക്കാബല ഡാന്‍സ് കണ്ടീക്ക; കണ്ടില്ലെങ്കില്‍ നഷ്ടം; മണിക്കൂറുകള്‍ക്കുള്ളില്‍ കണ്ടത് ഒന്നരക്കോടിപേര്‍
23 വര്‍ഷങ്ങള്‍ക്ക് മുമ്പ് ഇന്ത്യന്‍ വെള്ളിത്തിരയില്‍ അവിസ്മരണീയ വിജയം നേടിയ ചിത്രമായിരുന്നു കാതലന്‍. പ്രഭുദേവയുടെ തകര്‍പ്പന്‍ പ്രകടനം കണ്ട ചിത്രത്തെ വമ്പന്‍ ഹിറ്റാക്കിമാറ്റിയതിന് പിന്നില്‍ മുക്കാല മുക്കാബല ഗാനത്തിന് വലിയ പങ്കുണ്ടായിരുന്നു. ഇടവഴികളിലും കലാലയമുറ്റത്തും ഗാനമേളകളിലുമെല്ലാം മുക്കാല ഇന്നും വലിയ ഓളം തീര്‍ക്കാറുണ്ട്.
എന്നാല്‍ സാക്ഷാല്‍ യുട്യൂബിനെപോലും ഞെട്ടിച്ചിരിക്കുകയാണ് മുക്കാല മുക്കാബലയിപ്പോള്‍. മുക്കാല ഗാനത്തിന് ഒരു കൂട്ടം കോളജ് പെണ്‍കുട്ടികള്‍ ചുവടുവയ്ക്കുന്ന വിഡിയോയാണ് ഇപ്പോള്‍ വൈറലാകുന്നത്. ഒഡീഷയിലെ കോളജ് വിദ്യാര്‍ഥികളാണ് പ്രഭു ദേവയുടെ ഗാനത്തെ അവിസ്മരണീയമാക്കിയത്.
യൂട്യൂബില്‍ അപ്ലോഡ് ചെയ്ത മണിക്കൂറുകള്‍ക്കകം ഒന്നരകോടിയോളം പേര്‍ വീഡിയോ കണ്ടുകഴിഞ്ഞു. മുക്കാലയുടെ ഹിന്ദി പതിപ്പിലുളള ഗാനത്തിനാണ് പെണ്‍കുട്ടികള്‍ ചുവടുവയ്ക്കുന്നത്. ബെല്ലി ഡാന്‍സിന്റെ ചുവടുകളോടെയെത്തുന്ന ഒരു പെണ്‍കുട്ടിയില്‍ തുടങ്ങുന്ന നൃത്തം വമ്പന്‍ തരംഗമായി മാറിക്കഴിഞ്ഞു.
ഒന്നരക്കോടിയോളം പേര്‍ കണ്ടുകഴിഞ്ഞ മുക്കാലയുടെ പുതിയ ചുവടുകള്‍ സാക്ഷാല്‍ പ്രഭുദേവ കണ്ടോ എന്നതുമാത്രമാണ് ഇനി അറിയാനുള്ളത്
https://www.facebook.com/Malayalivartha
