തമിഴ് സിനിമയിൽ നിന്നും ഞെട്ടിക്കുന്ന ഒരു കൊലപാതക വാർത്ത പുറത്ത് വരുന്നു. യുവ നടൻ ശിവകാർത്തികേയന്‍റെ വീട്ടു ജോലിക്കാരനെയാണ് മരിച്ച നിലയിൽ കണ്ടെത്തിയത്. സംഭവത്തിന് പിന്നിൽ ദുരൂഹതയുണ്ടെന്ന ആരോപണം ശക്തമായതോടെ ശിവകാർത്തികേയൻ ഉൾപ്പെടെയുള്ളവർ സംശയത്തിന്‍റെ നിഴലിലാണ്.

നടൻ ചെന്നൈയിലാണ് താമസമെങ്കിലും തിരുച്ചിറപള്ളിയിൽ ഒരു വീടുണ്ടായിരുന്നു. ഇവിടെയാണ് നടൻ വിശ്രമത്തിനായി എത്തിയിരുന്നത്. ഇവിടുത്തെ ജോലിക്കാരനും നടന്റെ കുടുംബത്തിന്റെ ഭാഗവുമായിരുന്ന അറുമുഖ(52)നാണ് മരിച്ചത്. നടന്റെ തിരുച്ചിറപ്പള്ളിയിലുളള വീട്ടിലെ പൂന്തോട്ടക്കാരനായിരുന്നു അറുമുഖൻ.

കുറച്ചു ദിവസങ്ങളായി ഇദ്ദേഹത്തെ കാണാനില്ലായിരുന്നു. പിന്നീട് അടുത്തുള്ള ക്വാറിയില്‍ നിന്ന് മൃതദേഹം കണ്ടെത്തുകയായിരുന്നു. പുതുക്കോട്ട സ്വദേശിയാണ് അറുമുഖം. സംഭവത്തില്‍ കെകെ നഗര്‍ പോലീസ് അന്വേഷണം ആരംഭിച്ചിട്ടുണ്ട്.