മലയാളി പെൺകൊടി ഓവിയയ്ക്ക് വേണ്ടി കോടിക്കണക്കിന് തമിഴന്മാര് പ്രാര്ത്ഥനയിലാണ്...
കമലഹാസന് അവതാരകാനായി എത്തുന്ന ബിഗ് ബോസ് റിയാലിറ്റി ഷോ തമിഴ്നാട്ടില് തുടക്കത്തി തന്നെ പ്രേക്ഷക ശ്രദ്ധ പിടിച്ചു പറ്റിരുന്നു. ഇപ്പോള് പരിപാടിയിലെ ആകര്ഷണം മലയാളി താരം ഓവിയ ഹെലന് ആണ്. 2007 ല് പുറത്തിറങ്ങിയ പൃഥ്വിരാജ് ചിത്രം കങ്കരുവിലൂടെ സിനിമയില് അരങ്ങേറ്റം കുറിച്ച ഓവിയ അഞ്ചോളം മലയാള ചിത്രങ്ങളില് അഭിനയിച്ചിട്ടുണ്ട്.
തമിഴില് 14 ചിത്രങ്ങളിലും അഭിനയിച്ചു കഴിഞ്ഞു. ബിഗ് ബോസ് മത്സരാര്ത്ഥിയായ ഇവര്ക്കു വേണ്ടി തമിഴ്നാടു മുഴുവന് പ്രാര്ത്ഥനയിലാണ്. ഹോട്ടല് ബില്ലില് പോലും ഓവിയയ്ക്കു വേണ്ടി വോട്ട് അഭ്യര്ത്ഥിച്ചു കൊണ്ടുള്ള വാചകങ്ങള് കാണാം. പത്തു വര്ഷത്തെ അഭിനയ ജീവിതത്തില് നിന്നും ലഭിക്കാത്ത പ്രേക്ഷകപ്രീതിയാണ് അഞ്ച് ആഴ്ച കൊണ്ടു വിജയ് ടിവിയിലെ റിയാലിറ്റി ഷോയായ ബിഗ് ബോസിലൂടെ ഓവിയയ്ക്കു ലഭിച്ചിരിക്കുന്നത്.
ഇന്ത്യയിലെ പ്രശസ്തമായ 'ബിഗ് ബോസ്' എന്ന റിയാലിറ്റി ഷോയുടെ തമിഴ് പതിപ്പിന്റെ അവതാരകന് ആയിട്ടാണ് കമല് ടെലിവിഷനില് അരങ്ങേറ്റം കുറിച്ചത്. ഉലകനായകന് കമലഹാസന്റെ അവതാരന ശൈലികൊണ്ടുതന്നെ 'ബിഗ് ബോസ് റിയാലിറ്റി ഷോയ്ക്ക് ആരാധകരേറെയാണ്.
അഞ്ച് പതിറ്റാണ്ട് കാലത്തെ അഭിനയ ജീവിതത്തിനിടയില് കമൽ പോത്തീസ് എന്ന വസ്ത്രനിര്മ്മാതാക്കളുടെ പരസ്യത്തിലാണ് ആദ്യമായും അവസാനമായും പരസ്യം ചെയ്തത്. ഇത് ഏറെ പ്രേക്ഷക ശ്രദ്ധ പിടിച്ചുപറ്റിയിരുന്നു. യുണൈറ്റഡ് നേഷന്സിന്റെ എച്ച്ഐവി/എയ്ഡ്സ് ബോധവല്ക്കരണത്തിന്റെ ബ്രാന്റ് അംബാസഡര് ആയ കമലഹാസന് എച്ച്ഐവി ബാധിതരായ കുട്ടികള്ക്കായി ധനസമാഹരണം ചെയ്യാനായിരുന്നു പരസ്യത്തില് അഭിനയിച്ചത്.
https://www.facebook.com/Malayalivartha
