കമല്‍ ഹാസനെതിരെ ഗുരുതര ആരോപണവുമായി നടി ഓവിയ!!
മലയാളി നടിയും തമിഴ് റിയാലിറ്റിഷോ ബിഗ് ബോസ് താരവുമായ ഓവിയ ഹെലന്റെ ആത്മഹത്യാശ്രമത്തില്‍ നടന്‍ കമല്‍ഹാസനെതിരെ പരാതി. ബിഗ് ബോസ് അവതാരകനായ കമല്‍ഹാസനും പ്രോഗ്രാം നിര്‍മ്മാതാവിനുമെതിരെ അഭിഭാഷകനായ എസ്എസ് ബാലാജിയാണ് പരാതി നല്‍കിയത്.
ടിആര്‍പി റേറ്റിംഗ് കൂട്ടുന്നതിനു വേണ്ടി കടുത്ത നടപടികള്‍ക്ക് മത്സരാര്‍ത്ഥികളെ പ്രേരിപ്പിക്കുന്നുവെന്നും പരിപാടി നടക്കുന്ന ഹൗസിലെ നിയമങ്ങളും ചട്ടങ്ങളും ഓവിയയെ കടുത്ത മാനസിക സമ്മര്‍ദ്ദത്തിലാഴ്ത്തി ഇക്കാരണത്താലാണ് താരം ആത്മഹത്യക്ക് ശ്രമിച്ചതെന്നുമാണ് ബാലാജി പരാതിയില്‍ പറയുന്നത്. കമല്‍ഹാസന്‍, ബിഗ് ബോസ് നിര്‍മ്മാതാക്കള്‍, വിജയ് ടിവി എന്നിവര്‍ക്കെതിരെ അന്വേഷണം വേണമെന്നും ബാലാജി ആവശ്യപ്പെട്ടു.
ബിഗ് ബോസ് ഷോയില്‍ നിന്ന് കഴിഞ്ഞദിവസം പുറത്തായ ഓവിയ സങ്കടം സഹിക്കാനാവാതെ ഷോ ഹൗസിലെ നീന്തല്‍ കുളത്തിലേക്ക് എടുത്തു ചാടുകയായിരുന്നു. ഉടന്‍ തന്നെ മറ്റ് മത്സരാര്‍ത്ഥികള്‍ ഓവിയയെ കുളത്തില്‍ നിന്ന് വലിച്ചുകയറ്റി.
41 ദിവസത്തെ താമസത്തിന് ശേഷമാണ് ഓവിയ പരിപാടിയില്‍ നിന്ന് പുറത്തായത്. വിജയ് ടിവി'യില്‍ ജൂണ്‍ 24 നാണ് ബിഗ് ബോസ് ഹൗസ് തുടങ്ങിയത്.
അഞ്ചോളം സിനിമകളില്‍ അഭിനയിച്ചിട്ടുണ്ടെങ്കിലും ബിഗ് സ്‌ക്രീനില്‍ നിന്നും ലഭിക്കാത്ത പ്രേക്ഷക സ്വീകാര്യതയാണ് താരത്തിന് ബിഗ്ബോസില്‍ നിന്നും കിട്ടിയത്. പൃഥ്വിരാജ് ചിത്രം 'കങ്കാരു'വിലൂടെയാണ് ഓവിയ ഹെലന്‍ അഭിനയരംഗത്ത് എത്തിയത്.
https://www.facebook.com/Malayalivartha
