ഇന്ത്യയിലെ ഏതൊരു ഗായകന്റെയും ആഗ്രഹമാണ് റഹ്മാൻ സംഗീതത്തിൽ സ്വന്തം ശബ്ദം പതിപ്പിക്കുക എന്നത്. എന്നാൽ മറ്റൊരു സംശയമാണ് വിജയ് ആരാധകരുടെ മനസ്സിൽ സംഗീതചക്രവർത്തിയുടെ സംഗീതത്തിൽ പ്രിയതാരം പാടുമോ ? വിജയ് ആരാധകരുടെ ചോദ്യത്തിന് ഇതുവരെ ഉത്തരമായിട്ടില്ല .

എന്നാൽ ഇതിനു സ്ഥിരീകരിക്കാത്ത ചില വർത്തമാനങ്ങളും ടോളിവുഡിൽ നിന്നും കേൾക്കുന്നു . കഴിഞ്ഞ ദിവസം പുറത്തിറങ്ങിയ ഗാനത്തിലെ പ്രധാന ഗായകരിൽ ഒരാളായ വിവേകിന്റെതാണ് ഈ വെളിപ്പെടുത്തൽ . റഹ്മാൻറെ പ്രധാനവിശ്വസ്തരിൽ ഒരാളായ വിവേക് ചിത്രത്തിന്റെ റെക്കോഡിങ് വേളയിൽ റഹുമാനൊപ്പം പങ്കെടുത്തിരുന്നു . ചിത്രത്തിലെ മറ്റ് രണ്ട്‌ ഗാനങ്ങൾ കൂടി താൻ കേട്ടിരുന്നുവെന്നും രണ്ടിൽ ഒരുഗാനം ഡാൻസിന് പ്രാധാന്യം നൽകുന്നതാണെന്നും വിജയ്‌യുടെ നൃത്തരംഗത്തിനു വേണ്ടി ചിട്ടപ്പെടുത്തിയതുമാണ് . എന്നാൽ രണ്ടാമത്തെ ഗാനം ഒരു മെലഡിയാണെന്നും ഇത് ആരാധകർക്ക് ഒരു സർപ്രൈസ് ആണെന്നും ഒരു സ്വകാര്യചാനലിന് നൽകിയ അഭിമുഖത്തിൽ വിവേക് പറയുന്നു . ആ മെലഡിയുടെ ഗായകൻ ആരാണ് എന്നചോദ്യത്തിന് അതൊരു സർപ്രൈസ് ആണെന്ന് പുഞ്ചിരിയോടെ മറുപടി പറയുകമാത്രമാണ് വിവേക് ചെയ്തത് .

മറ്റ് സംഗീതസംവിധായകരെക്കാളേറെ ഗായകരുടെ തിരഞ്ഞെടുപ്പിൽ ശ്രദ്ധിക്കാറുള്ള റഹ്മാന്റെ ഗാനങ്ങളിൽ അഭിനേതാക്കളിൽ വിരലിലെണ്ണാവുന്നവർ മാത്രമാണ് പാടിയിട്ടുള്ളത് .അമീർ ഖാനും, ആലിയഭട്ടും .ഹൈവേ എന്ന ചിത്രത്തിലെ ആലിയഭട്ടിന്റെ തിരഞ്ഞെടുപ്പ് ചലച്ചിത്ര മേഖലയിൽ ഏറെചർച്ച ചെയ്യപ്പെട്ടിരുന്നു .

എന്നാൽ സമീപകാലത്തിൽ ഇറങ്ങിയ വിജയ് ചിത്രങ്ങളിൽ വിജയ് പാടിയിരുന്നു . തുപ്പാക്കി ( ഗുഗിൾ ഗുഗിൾ ),കത്തി (സെൽഫി പുള്ളെ) ,ജില്ല (കണ്ടാങ്ങി കണ്ടാങ്ങി) ,ഭൈരവ (പാപ പാപ ) എന്നി ഗാനങ്ങൾ ബോക്സ് ഓഫീസിൽ വൻ തരംഗം ഉണ്ടാക്കിയിരുന്നു . ചലച്ചിത്ര മേഖലയിൽ ഗായകനാവാൻ കൊതിച്ച വിജയ് അഭിനയത്തിലേക്ക് തിരിയുന്നത് അപ്രതീക്ഷിതമായിആയിരുന്നു .ഗായികയായ അമ്മയുടെ കഴിവാണ് തന്നിലേക്കും പകർന്ന് കിട്ടിയിട്ടുള്ളതെന്ന് പലവേദിയിലും വിജയ് തന്നെ തുറന്നു പറഞ്ഞിട്ടുണ്ട് . വിജയ് ചിത്രത്തിലെ വിജയ്‌ഗാനം സമീപകാലത്ത് ഒരു പതിവായ രീതിയായതിനാൽ വിവേകിന്റെ പുഞ്ചിരിക്ക് വിജയ് ആരാധകരുടെ ഒരു സ്വപ്ന സാക്ഷാത്കാരത്തിന്റെ വിലയുണ്ട് . ഇസയ് പുയലിന്റെ മാസ്മരിക സംഗീതത്തിൽ ഇളയദളപതിയുടെ ശബ്ദം കേൾക്കാനാകുമെന്നപ്രതീക്ഷയിലാണ് ആരാധകർ . പ്രേക്ഷകർക്കു അത്ഭുതങ്ങൾ മാത്രം സമ്മാനിക്കുന്ന അറ്റ്ലി തന്റെ പുതിയ ചിത്രമായ മെരസലിൽ ഇത്തരമൊരു അത്ഭുതം കാത്തുസൂക്ഷിക്കണേ എന്ന പ്രാർത്ഥനയിലാണ് സംഗീത പ്രേമികളും