ഷംന കാസിമിന്റെ പുതിയ രൂപം കണ്ട് ഞെട്ടിയിരിക്കുകയാണ് ആരാധകർ. താരത്തിന് ഇതെന്തുപറ്റി എന്ന് ആശങ്കയോടെ ചോദ്യങ്ങളും വന്ന് തുടങ്ങി. സംഭവം മറ്റൊന്നുമല്ല സംവിധായകന് വേണ്ടി മൊട്ടയടിച്ചിരിക്കുകയാണ് ഷംന. തെന്നിന്ത്യയില്‍ അറിയപ്പെടുന്ന നടിയാണു ഷംന. പക്ഷേ കുറച്ച് നാളുകളായി ഷാംന കാസിമിന് അത്ര ശക്തമായ കഥാപാത്രങ്ങള്‍ ഒന്നും ലഭിച്ചിരുന്നില്ല. എന്നാല്‍ ഇന്ന് കഥാപാത്രത്തിനു വേണ്ടി എന്തും ചെയ്യാന്‍ തയാറായി എത്തിയ ഷംന കാസിം ശക്തമായ തിരിച്ച് വരവ് നടത്തുകയാണ്. കൊടിവീരന്‍ എന്ന ചിത്രത്തിനു വേണ്ടിയാണ് സംവിധായകന്റെ നിർദ്ദേശ പ്രകാരം കഥാപാത്രത്തിന്റെ പൂർണതയ്ക്ക് വേണ്ടി താരം മൊട്ടയടിച്ചത്.

കഥാപാത്രത്തിന്റെ അഭിനയസാധ്യത മുന്നില്‍ കണ്ട താരം ഈ ആവശ്യം ഒരു എതിര്‍പ്പുമില്ലാതെ സമ്മതിക്കുകയായിരുന്നു. പൂര്‍ണ്ണ സന്തോഷത്തോടെയാണു താന്‍ മൊട്ടയടിച്ചത് എന്നും ഇതു കഥാപാത്രത്തിന്റെ പൂര്‍ണ്ണതയ്ക്കു വേണ്ടിയാണ് എന്നും ഷംന പറയുന്നു. സംവിധായകനിലും കഥാപാത്രത്തിലും തനിക്ക് വിശ്വാസം ഉണ്ട് എന്നും ഷംന പയുന്നു.