നന്നേ ചെറുപ്പത്തിലേ സിനിമയില്‍ വന്നത് കൊണ്ട് കാജല്‍ അഗര്‍വാളിന് പല ചതിക്കുഴികളും പാരകളും നന്നായി അറിയാം. സിനിമ എന്താണെന്നും സിനിമയിലെ പ്രണയത്തിന് ബഡ്‌റൂം വരെയുള്ള സ്‌നേഹമേ ഉള്ളൂ എന്നും താരത്തിനറിയാം. അതുകൊണ്ട് പ്രണയരോഗവുമായി വരുന്ന നടന്‍മാരെയും സംവിധായകരെയും ഒന്നും അടുപ്പിക്കാറില്ല. എന്ന് വിചാരിച്ച് താരം പ്രണയത്തിന് എതിരല്ല താനും. ഹൃദയത്തില്‍ തട്ടുന്ന പ്രണയം വേണമെന്നാണ് താരം പറയുന്നത്. അത്തരത്തിലുള്ള നല്ല ചെറുപ്പക്കാരനെ പ്രണയിച്ച് വിവാഹം കഴിക്കണമെന്നാണ് ആഗ്രഹം.

ഭര്‍ത്താവായി വരുന്ന കാമുകന്റെ യോഗ്യതകളെ പറ്റിയും ചില സങ്കല്‍പ്പങ്ങളുണ്ട്. ചുരുങ്ങിയത് ആറടിയെങ്കിലും പൊക്കം വേണം, എങ്കില്‍ മാത്രമേ വിവാഹ ജീവിതം ആസ്വദിക്കാനാവൂ എന്നാണ് താരം പറയുന്നത്. സിനിമയില്‍ അത്തരത്തില്‍ മാതൃകയാക്കാവുന്ന ആരെങ്കിലും ഉണ്ടോ എന്ന് ചോദിച്ചാല്‍ മുഖത്തൊരു കള്ള നാണം വിടരും. താരം ഏറ്റവും കൂടുതല്‍ ഇഷ്ടപ്പെടുന്ന നടന്‍ മഹേഷ് ബാബുവാണ്. അദ്ദേഹത്തിന്റെ സന്ദര്യം ആസ്വദിക്കാറുണ്ട്. അതുപോലെ പവന്‍ കല്യാണും കൊള്ളാം. ഇവരുടെയൊക്കെ ഗുണം ഭര്‍ത്താവിന് വേണമെന്നാണ് താരം പറയുന്നത്. എന്നാല്‍ ഇതോക്കെ സ്വപ്‌നലോകത്ത് ജീവിക്കുന്നവരുടെ ജല്‍പനങ്ങളാണെന്ന് പലരും പറഞ്ഞെങ്കിലും താരം അംഗീകരിക്കില്ല.

ഇതുവരെ വിവാഹമേ വേണ്ടെന്ന് പറഞ്ഞ് നടന്ന നടിയാണ് കാജല്‍. ഇത്ര പെട്ടെന്ന് തീരുമാനം മാറ്റിയതിന് പിന്നില്‍ എന്തോ ദുരുദ്ദേശം ഉണ്ടെന്നാണ് സിനിമാക്കാര്‍ പറയുന്നത്. അടുത്തിടെയാണ് താരത്തിന് ചിത്രങ്ങളുടെ എണ്ണവും കുറഞ്ഞിട്ടുണ്ട്. അജിത്തിന്റെ വിവേകത്തിലാണ് അവസാനം അഭിനയിച്ചത്. ചിത്രം വലിയ പരാജയമാണ്. അതിന്റെ ആശങ്കയുമുണ്ട്. പിന്നെ അധികകാലം നായകന്‍മാരുടെ നിഴലായി തുടരാനാവില്ലെന്ന് താരത്തിനുമറിയാം.