പെൺവേഷങ്ങളിലെത്തുന്ന നായകന്മാർ ഇന്ന് സിനിമയിൽ പുത്തരിയല്ല. വിക്രം, ദിലീപ്, ശിവ കാർത്തികേയൻ തുടങ്ങി ഏറ്റവും ഒടുവിൽ റിയാസ്ഖാനെയും പെൺവേഷത്തിൽ സുന്ദരികളായെത്തിയത് നാം കണ്ടതാണ്. ഇപ്പോളിതാ നടൻ വിജയ് സേതുപതിയും സ്ത്രീവേഷത്തിലെത്തുന്നു.

ഫഹദ് ഫാസിലിനൊപ്പം വിജയ് സേതുപതി നായകനാകുന്ന ചിത്രത്തിന്റെ ഗെറ്റപ്പ് പുറത്തുവന്നു. ത്യാഗരാജൻ സംവിധാനം ചെയ്യുന്ന സൂപ്പർ ഡീലക്സ് എന്ന ചിത്രത്തിലെ വിജയുടെ ഗെറ്റപ്പാണ് താരത്തിന്റെ സോഷ്യൽ മീഡിയയിലൂടെ പ്രേക്ഷകരെ അമ്പരപ്പിച്ചിരിക്കുന്നത്.

സാരിയുടുത്ത് മാലയിട്ട് കൂളിംഗ് ഗ്ലാസ് ധരിച്ച സുന്ദരിപ്പെണ്ണായാണ് വിജയ് സേതുപതി ചിത്രത്തിലുള്ളത്. ശിൽപ്പ എന്ന കഥാപാത്രത്തെയാണ് താരം അവതരിപ്പിക്കുന്നത്. താരത്തിന്റെ പുതിയ അവതാരത്തിന് സോഷ്യൽ മീഡിയ വഴി നിറഞ്ഞ കൈയടിയും ലഭിക്കുന്നുണ്ട്. സാമന്തയും ഗായത്രിയുമാണ് ചിത്രത്തിലെ നായികമാർ.