100 ദിവസത്തിനുള്ളില് തിരഞ്ഞെടുപ്പു നടന്നാല് മത്സരിക്കാന് തയ്യാറാണെന്ന് കമല്ഹാസന്
തമിഴ്നാട്ടില് തിരഞ്ഞെടുപ്പില് മത്സരിക്കാന് തയ്യാറായി നടന് കമല്ഹാസന് രംഗത്ത്.അടുത്ത നൂറു ദിവസത്തിനുള്ളില് തമിഴ്നാട്ടില് തിരഞ്ഞെടുപ്പു നടന്നാല് മത്സരരംഗത്തു താന് ഉണ്ടാകുമെന്ന് കമല് പറഞ്ഞു.ഒരു ദേശീയ മാധ്യമത്തിന് നല്കിയ അഭിമുഖത്തിലാണ് അദ്ദേഹം ഇക്കാര്യം അറിയിച്ചത്.
അണ്ണാ ഡിഎംകെയുടെ നിലവിലെ സ്ഥിതിഗതികളില് താല്പര്യമില്ല. നിര്ബന്ധിപ്പിച്ചു വിവാഹം കഴിപ്പിച്ച പെണ്കുട്ടിയുടെ അവസ്ഥയിലാണു തമിഴ്നാട്ടിലെ ജനങ്ങള്. അവര്ക്ക് അതില്നിന്നു പുറത്തുകടക്കണമെന്നുണ്ട്. അത്തരമൊരു സാഹചര്യത്തില് അടുത്ത 100 ദിവസത്തിനുള്ളില് തിരഞ്ഞെടുപ്പു നടന്നാല് താന് മല്സരിക്കും കമല്ഹാസന് പറയുന്നു.
നിലവിലെ രാഷ്ട്രീയ പാര്ട്ടികളുമായി സഖ്യത്തിലേര്പ്പെടാന് ഉദ്ദേശിക്കുന്നില്ല. എല്ലാ പാര്ട്ടി നേതാക്കളെയും കാണും, സംസാരിക്കും. എന്നാല് രാഷ്ട്രീയത്തില് തനിച്ചു നില്ക്കുന്നതിനാണു താല്പര്യമെന്നു തുറന്നുപറഞ്ഞ കമല്ഹാസന്, താന് രജിനീകാന്തുമായി കൂടിക്കാഴ്ച നടത്തിയിരുന്നതായും വ്യക്തമാക്കി.
രജനീകാന്തിന്റെ രാഷ്ട്രീയപ്രവേശനത്തെക്കുറിച്ചുള്ള അഭ്യൂഹങ്ങള് ശക്തമായ അവസരത്തിലാണു രാഷ്ട്രീയ നിലപാടു വ്യക്തമാക്കി കമല്ഹാസനും രംഗത്തെത്തിയിരിക്കുന്നത്.
https://www.facebook.com/Malayalivartha
