രജനി-ശങ്കര്‍-അക്ഷയ് കൂട്ടുകെട്ടില്‍ എത്തുന്ന ബ്രഹ്മാണ്ഡ ചിത്രം 'യന്തിരന്‍ 2.O' യിലെ പുതിയ പോസ്റ്റര്‍ പുറത്തിറങ്ങി. രജനീകാന്ത്, അക്ഷയ് കുമാര്‍, ആമി ജാക്സണ്‍ എന്നിവരാണ് പോസ്റ്ററിലുള്ളത്. നേരത്തെ ചിത്രത്തിന്‍റെ മേക്കിങ് വിഡിയോ പുറത്തിറങ്ങിയിരുന്നു.

ഇതിനിടെ ശങ്കര്‍, രജനീകാന്ത്, അക്ഷയ് കുമാര്‍, ആമി ജാക്സണ്‍ എന്നിവര്‍ ചിത്രത്തി​​​​​​​​​െന്‍റ ഓഡിയോ ലോഞ്ചിനായി ദുബൈയിലത്തി. ദുബൈ ബുര്‍ജുല്‍ അറബി​​​​​​​​​െന്‍റ നെറുകയിലെ ഹെലിപ്പാഡിലേക്ക്​ ഹെലികോപ്​റ്ററില്‍ വന്നിറങ്ങിയ താരങ്ങള്‍ മാധ്യമങ്ങളെ കാണുകയും മ്യൂസിക് ലോഞ്ചിന് അവരെയും ക്ഷണിക്കുകയും ചെയ്തു. ഇന്ത്യന്‍ സിനിമയെ ആഗോളതലത്തില്‍ അടയാളപ്പെടുത്തുന്ന സിനിമയായിരിക്കും 2.0 എന്ന് രജനീകാന്ത് പറഞ്ഞു.

ടു പോയന്‍റ്​ ഒ സിനിമയുടെ ഓഡിയോ ലോഞ്ച് പ്രഖ്യാപിക്കാന്‍ ദുബൈയിലെത്തിയ അക്ഷയ്​കുമാര്‍, എ.ആര്‍. റഹ്​മാന്‍, രജനികാന്ത്​ എന്നിവര്‍ സംഭാഷണത്തില്‍ സിനിമയിലെ മൂന്ന് ഗാനങ്ങളില്‍ രണ്ടെണ്ണം ഇന്ന്​ ദുബൈയില്‍ പുറത്തിറക്കും.​ ദുബൈയിലെ ബുര്‍ജ് പാര്‍ക്കില്‍ എ.ആര്‍ റഹ്മാന്‍റെ ലൈവ് പെര്‍ഫോമന്‍സോടെയാണ് ഗാനങ്ങള്‍ പുറത്തിറക്കുക. സംഗീതത്തിനൊപ്പം നായിക ആമി ജാക്സന്‍ ചുവടുവെക്കും. ആറ്​ കോടി ഡോളര്‍ അഥവാ 385 കോടി രൂപ ചെലവില്‍ നിര്‍മിക്കുന്ന സിനിമ ജനുവരിയിലാണ് തിയേറ്ററുകളിലെത്തുക.
രജനീകാന്തിന്‍റെ വില്ലനായാണ് അക്ഷയ് കുമാറെത്തുന്നത്. തിന്മക്ക് വേണ്ടി പരീക്ഷണം നടത്തുന്ന ഡോ. റിച്ചാര്‍ഡ് എന്ന അരക്കിറുക്കന്‍ ശാസ്ത്രജ്ഞന്‍റെ വേഷമാണ് അദ്ദേഹത്തിന്‍റേത്. രജനീകാന്ത് ഡോ. വസീഗരനെ അവതരിപ്പിക്കുന്നു.ത്രീഡിയില്‍ ഒരുങ്ങുന്ന ചിത്രത്തിന് ആക്ഷന്‍ കൊറിയോഗ്രാഫി ചെയ്യുന്നത് കെന്നി ബേറ്റ്സാണ്. ട്രാന്‍സ്ഫോമേഴ്സിലെ സംഘട്ടനരംഗങ്ങള്‍ക്ക് മേല്‍നോട്ടം വഹിച്ചത് കെന്നിയായിരുന്നു.