വിവാഹം കഴിഞ്ഞാല്‍ നടിമാരുടെ മാര്‍ക്കറ്റ് പോകുമെന്നുള്ളത് പണ്ടേയുള്ള ഒരു അന്ധവിശ്വാസമാണ്. ഇതിനെ പൊളിച്ചടുക്കിയ ധാരാളം നടിമാരുണ്ട്. വിദ്യാബാലന്‍ തന്നെ ഉദാഹരണം. എന്നാല്‍ കാമുകനുമൊത്തുള്ള ചിത്രങ്ങള്‍ പുറത്ത് വന്നതോടെ നടി ഇല്യാന ആകെ അസ്വസ്ഥയാണ്. തമിഴില്‍ നിന്ന് തെലുങ്കിലേക്കും അവിടെ നിന്ന് ബോളിവുഡിലേക്കും ചേക്കേറിയ ഇല്യാന ആസ്‌ട്രേലിയന്‍ ഫോട്ടോഗ്രാഫര്‍ ആന്‍ഡ്രൂസുമായി പ്രണയത്തിലാണെന്നാണ് വാര്‍ത്തകള്‍. ഇരുവരും ഇഴുകി ചേര്‍ന്ന് നില്‍ക്കുന്ന ചിത്രങ്ങള്‍ സോഷ്യല്‍ മീഡിയയില്‍ വയറലായിക്കഴിഞ്ഞു. ഇത് നടിയെ ചൊടിപ്പിച്ചിട്ടുണ്ട്. ആരാധകര്‍ തന്നെയാണ് ഇതിന് പിന്നിലെന്ന് താരം ആരോപിക്കുന്നു. 

നടിമാര്‍ക്ക് പൊതുസമൂഹത്തില്‍ മാന്യമായ സ്ഥാനമാണുള്ളത്, അവരെ എല്ലാവരും ബഹുമാനിക്കുന്നു. എന്നാല്‍ താനടക്കമുള്ള നടിമാരാരും പൊതുസ്വത്തല്ലെന്ന് ഇല്യാന പറയുന്നു. എല്ലാ മനുഷ്യര്‍ക്കുമുള്ള സ്വകാര്യത നടിമാര്‍ക്കുമുണ്ട്. കുടുംബമുണ്ട്. അതില്‍ ഇടപെടാന്‍ ആരാധകര്‍ക്കോ, മാധ്യമങ്ങള്‍ക്കോ അവകാശമില്ല. എല്ലാ സ്ത്രീകളെയും പോലെ ബഹുമാനം അര്‍ഹിക്കുന്നവരാണ് നടിമാര്‍. ഇക്കാര്യം ആരാധകരും സിനിമാപ്രേമികളും മാധ്യമങ്ങളും മനസിലാക്കണമെന്നും താരം പറയുന്നു. എന്താണ് ഇങ്ങിനെയൊക്കെ പ്രതികരിക്കാന്‍ താരത്തെ പ്രേരിപ്പിച്ചതെന്ന് പലരും ചോദിക്കുന്നു. അതിനിടയിലാണ് താരം തന്റെ ഹോട്ട് ഫോട്ടോസ് ഇന്‍സ്റ്റഗ്രാമിലൂടെ പ്രചരിപ്പിച്ചത്. ഇതോടെ ആകെ കണ്‍ഫ്യൂഷനായി. 

എന്നാല്‍ കഴിഞ്ഞദിവസം ഒരു സിനിമാ നടന്‍ തന്നെയാണ് ഇല്യാനയുടെ ധര്‍മസങ്കടം ചില മാധ്യമസുഹൃത്തുക്കളോട് പങ്കുവച്ചത്. കാമുകന്‍ ആന്‍ഡ്രൂസുമായുള്ള സ്വകാര്യചിത്രങ്ങള്‍ സോഷ്യല്‍ മീഡിയയിലൂടെ ആരോക്കെയോ പ്രചരിപ്പിച്ചത് താരത്തെ വല്ലാതെ വിഷമിപ്പിച്ചു. അതിന് കാരം ചിത്രങ്ങള്‍ കണ്ട ശേഷം, താരം ഉടന്‍ വിവാഹിതയാകുമെന്ന് ചില സിനിമാക്കാര്‍ പലരോടും പറഞ്ഞു. അത് ഇന്‍ഡസ്ട്രി മുഴുവന്‍ പാട്ടായി. പല സംവിധായകരും നിര്‍മാതാക്കളും ഇല്യാനയെ വിളിച്ച് ഇക്കാര്യം തിരക്കി. വിവാഹം ഉടനെ വേണ്ടെന്നും കല്യാണം കഴിച്ചാല്‍ പഴയ മാര്‍ക്കറ്റ് ലഭിക്കില്ലെന്നും ഉപദേശിച്ചു. അതോടെ കാമുകനുമായുള്ള കറക്കം സ്വല്‍പം കുറച്ചു. വിവാഹം നീട്ടി വെച്ചു. പിന്നെയാണ് ഹോട്ട് ഫോട്ടോസ് ഇന്‍സ്റ്റഗ്രാമിലിട്ടത്. അത് തന്റെ മാര്‍ക്കറ്റ് ഇടിയാതിരിക്കാനാണെന്ന് താരം അടുപ്പക്കാരോട് പറഞ്ഞു.