ദുരിതാശ്വാസ പ്രവര്ത്തനങ്ങളുമായി ചെന്നൈ നഗരത്തിലിറങ്ങിയ പൊലീസുകാരെ അഭിനന്ദിച്ച് കമലഹാസന്റെ ട്വീറ്റ്
മഴക്കെടുതിയില് വലയുന്ന ചെന്നൈ നഗരത്തില് ജനങ്ങളെ സഹായിക്കാനിറങ്ങിയ പൊലീസുകാരെ അഭിനന്ദിച്ച് നടന് കമലഹാസന്. പൂര്ണമായും വെള്ളത്തിലായ തെരുവുകളില് സഹായവുമായെത്തിയ മുതിര്ന്ന പൊലീസ് ഉദ്യോഗസ്ഥരുടെ ചിത്രങ്ങള് സഹിതം കമല് തന്റെ ട്വിറ്ററില് പോസ്റ്റ് ചെയ്തു.
'കനത്ത മഴയെത്തുടര്ന്ന് വെള്ളം കയറിയ പ്രദേശങ്ങളില് ഡ്യൂട്ടി ഇല്ലാതിരുന്നിട്ടു കൂടി സഹായവുമായെത്തിയ പൊലീസ് സേനയെ അഭിനന്ദിച്ചേ മതിയാകൂ. യൂണിഫോം ഇല്ലെങ്കിലും ഉണ്ടെങ്കിലും രാജ്യത്തിന്റെ നല്ല പൗരന്മാര് തിളങ്ങി നില്ക്കുക തന്നെ ചെയ്യും. ഇതു മാതൃകയാക്കി തമിഴ്നാട്ടിലെ മറ്റുള്ളവരും സഹായസന്നദ്ധരായി മുന്നിട്ടിറങ്ങണം'- ഇപ്രകാരമായിരുന്നു കമലിന്റെ ട്വീറ്റ്.
കനത്ത മഴയെത്തുടര്ന്നു ചെന്നൈയില് താഴ്ന്ന പ്രദേശങ്ങളിലേറെയും വെള്ളക്കെട്ടിന്റെ പിടിയിലാണ്. സമീപ ജില്ലകളിലും വെള്ളപ്പൊക്ക ഭീഷണിയുണ്ട്. ദുരിതാശ്വാസ പ്രവര്ത്തനങ്ങളും തകൃതിയാണ്.
https://www.facebook.com/Malayalivartha
