പോരാട്ടത്തിന് സമയമായി... രജനികാന്ത് രാഷ്ട്രീയത്തിലേക്ക്, സ്വന്തം പാര്ട്ടി രൂപീകരിക്കുമെന്ന് രജനികാന്ത്, അടുത്ത തെരഞ്ഞെടുപ്പില് തമിഴ്നാട്ടിലെ എല്ലാ നിയമസഭാ സീറ്റുകളിലും മത്സരിക്കുമെന്നും രജനീകാന്ത്
താന് രാഷ്ട്രീയത്തിലേക്ക് ഇറങ്ങുകയാണെന്ന് രജനികാന്തിന്റെ പ്രഖ്യാപനം.സ്വന്തം പാര്ട്ടി രൂപീകരിക്കുമെന്നും അടുത്ത തെരഞ്ഞെടുപ്പില് തമിഴ്നാട്ടിലെ എല്ലാ നിയമസഭാ സീറ്റുകളിലും മത്സരിക്കുമെന്നും രജനീകാന്ത് പറഞ്ഞു. ചെന്നൈ കോടമ്ബാക്കത്തെ രാഘവേന്ദ്ര കല്യാണ മണ്ഡപത്തിലെ ആരാധക സംഗമത്തില് വച്ചാണ് രജനിയുടെ പ്രഖ്യാപനം.
ചെന്നൈ കോടമ്ബാക്കത്ത് ആരാധകരുമായി നടത്തുന്ന കൂടിക്കാഴ്ചയുടെ അവസാനദിവസമായ ഇന്ന് താന് രാഷ്ട്രീയത്തിലേക്ക് വരുമെന്ന അദ്ദേഹം ആരാധകരോട് അറിയിച്ചു.പദവിയോ സ്ഥാനമാനങ്ങളോ മോഹിച്ചല്ല രാഷ്ട്രീയത്തിലേക്ക് വരുന്നത്. അടുത്ത നിയമ സഭ തിരഞ്ഞെടുപ്പില് എല്ലാ സീറ്റുകളിലും മത്സരിക്കും. നിലവിലെ രാഷ്ട്രീയ സാഹചര്യം മോശമാണെന്നും ഇന്നത്തെ രാഷ്ട്രീയ രീതികളില് അതൃപ്തിയുണ്ടെന്നും അദ്ദേഹം പറഞ്ഞു.
രജനിയുടെ രാഷ്ട്രീയപ്രവേശനം വര്ഷങ്ങളായി തമിഴകത്തിലെ പ്രധാന ചര്ച്ചാവിഷയമാണെങ്കിലും ജയലളിതയുടെ മരണത്തെത്തുടര്ന്നാണ് അഭ്യൂഹങ്ങള് ശക്തമായത്. സമയമാകുമ്ബോള് താന് പോരാട്ടം തുടങ്ങുമെന്നായിരുന്നു ഇതേക്കുറിച്ചുള്ള രജനിയുടെ ഇതുവരെയുള്ള പ്രതികരണം. എന്നാല് അഭ്യൂഹങ്ങള് മാറ്റി തന്റെ രാഷ്ട്രീയ പ്രവേശനം ഉറക്കെ പ്രഖ്യാപിച്ചിരിക്കുകയാണ് രജനി. കഴിഞ്ഞ അഞ്ചുദിവസമായി രാഘവേന്ദ്ര കല്യാണമണ്ഡപത്തില് നടത്തിയ കൂടിക്കാഴ്ചയ്ക്കൊടുവിലാണ് പ്രഖ്യാപനം.
രാഷ്ട്രീയം തനിക്കറിയാത്ത കാര്യമല്ലെന്നായിരുന്നു ഡിസംബര് 26ന് ആരാധകരുമായുള്ള കൂടിക്കാഴ്ച ആരംഭിച്ചപ്പോള് പറഞ്ഞത്. ആരാധകര് ആവേശത്തിലാണെങ്കിലും രജനിയുടെ രാഷ്ട്രീയപ്രവേശനത്തിനെതിരേ പല തമിഴ് അനുകൂല സംഘടനകളും രംഗത്തുവന്നിട്ടുണ്ട്. സംവിധായകന് ഭാരതിരാജ അടക്കം സിനിമ രംഗത്തുനിന്നും എതിര്പ്പുണ്ട്. തമിഴനല്ലാത്ത ഒരാള് തമിഴ്നാടിനെ ഭരിക്കേണ്ട എന്നാണ് ഇവരുടെ നിലപാട്.
1996ലെ നിയമസഭാ തിരഞ്ഞെടുപ്പില് ജയലളിതയ്ക്കെതിരേ രജനീകാന്ത് പരസ്യമായി രംഗത്തുവന്നിരുന്നു. അന്നത്തെ തിരഞ്ഞെടുപ്പില് എ.ഐ.എ.ഡി.എം.കെ. വന് പരാജയം നേരിട്ടതോടെയാണ് രജനിയുടെ രാഷ്ട്രീയപ്രവേശനത്തെ ചുറ്റിപ്പറ്റിയുള്ള ചര്ച്ചകളും തുടങ്ങിയത്.
https://www.facebook.com/Malayalivartha