ഉദയ സൂര്യന്റെ നാടായ അരുണാചല്‍ പ്രദേശ്. അവിടേക്കുള്ള കവാടം ഒരു രാജ്യത്തെ ഏറെ ഭയപ്പെടുത്തുന്നു. വിശ്വസിക്കാൻ ആർക്കും ആദ്യം കഴിയില്ല, എന്നാൽ ഇത് വിശ്വസിച്ചേ മതിയാകൂ.... ആദ്യ കാഴ്ചയില്‍ അസമിനെ പോലെ കിടക്കുന്ന ഇവിടം പുരാതന ഗ്രാമങ്ങളുടെ ഒരു കേന്ദ്രമാണ്. സിയോങ് നദിയുടെ തീരത്ത്, ചൈനയുടെ അതിര്‍ത്തിയോടടുത്ത് കിടക്കുന്ന പാസിഘട്ട് എന്ന ഈ ​ഗ്രാമമാണ് ചൈനയെ വിറപ്പിക്കുന്നത്.

ഈ നാടിനെ തേടി അധികമാരും പോയിട്ടില്ലെങ്കിലും പറയുവാനും കാണുവാനും ഇവിടെ ഏറെയുണ്ട്. മനസ്സിനെ കുളിരണിയിപ്പിക്കുന്ന കാഴ്ചകളും പ്രകൃതി ഭംഗിയും ഇവിടേക്ക് ആകര്‍ഷിക്കുന്നത് സാഹസികരെ മാത്രമല്ല, പ്രകൃതി സ്‌നേഹികളെയും സഞ്ചാരികളെയും കൂടിയാണ്. തേയിലത്തോട്ടങ്ങളാല്‍ നിറഞ്ഞു കിടക്കുന്ന പാസിഘട്ട് അതിമനോഹരമാണ്.

കൈയൂക്കിന്റെ ബലത്തിൽ അയൽ രാജ്യങ്ങളെ കടന്നാക്രമിക്കുകയും തങ്ങളുടെ ആധിപത്യം സ്ഥാപിക്കുകയും ചെയ്യുന്നത് ചൈനയുടെ രീതിയാണ്. ഇന്ത്യയോട് മാത്രമാണ് കൈയൂക്കിന്റെ ബലം ചൈനയ്‌ക്ക് കാണിക്കാൻ സാധിക്കാത്തത്. കാരണം ശക്തമായി തിരിച്ചടിയാണ് ഓരോ തവണയും ചൈനയ്ക്ക് ഇന്ത്യയുടെ ഭാ​ഗത്ത് നിന്നും ലഭിച്ച് കൊണ്ടിരിക്കുന്നത്. ഇന്ത്യയുടെ കരുത്തും ആയുധബലവും എത്രത്തോളമുണ്ടെന്ന കൃത്യമായ ബോധം തന്നെയാണ് പ്രകോപനങ്ങൾക്കപ്പുറം മറ്റൊരു നീക്കത്തിലേക്കും ചൈനയെ പ്രേരിപ്പിക്കാത്തത് എന്നതാണ് സത്യാവസ്ഥ.

ഇന്ത്യൻ പ്രതിരോധത്തിന്റെ പുതിയ അടയാളമായ പാസിഗഢ് അഡ്വാൻസ്ഡ് ലാന്‍ഡിങ് ഗ്രൗണ്ട് ഈ സംസ്ഥാനത്തിലെ പ്രധാന ആകർഷണമാണ്. അതിർത്തിയിൽ ചൈനയുടെ അതിക്രമങ്ങളെ തടയുവാൻ ഇന്ത്യ നിർമ്മിച്ച എയർ സ്ട്രിപ്പാണ് പാസിഗഢ് അഡ്വാൻസ്ഡ് ലാന്‍ഡിങ് ഗ്രൗണ്ട് എന്നത്. 

ഇന്ത്യൻ പ്രതിരോധത്തിന്റെ പുതിയ അടയാമായ പാസിഘട്ട് അഡ്വാൻസ്ഡ് ലാൻഡിംഗ് ഗ്രൗണ്ട്, ഇന്ന് ചൈന ഏറ്റവുമധികം ഭയപ്പെടുന്ന ഇന്ത്യൻ സൈനിക സങ്കേതമാണ്. അതിർത്തിയിൽ ചൈനയുടെ അതിക്രമങ്ങളെ തടയുവാൻ ഇന്ത്യ നിർമ്മിച്ച ഏറ്റവും പുതിയ എയർ സ്ട്രിപ്പാണ് അരുണാചൽപ്രദേശിലെ പാസിഘട്ടിലുള്ള ഈ ലാൻഡിംഗ് ഗ്രൗണ്ട്. ചൈനയുടെ എല്ലാ ദുഷ്ട നീക്കങ്ങളേയും ചെറുക്കാൻ ഇന്ത്യയ്ക്ക് മുതൽക്കൂട്ടാണ് ഈ എയർസ്റ്റ്രിപ്പും താഴ്വരയും.

അതേസമയം, അരുണാചൽ പ്രദേശിലെ ഏറ്റവും പഴയ നഗരം എന്ന പെരുമയും പാസിഘട്ടിനുണ്ട്. ഇവിടുത്തെ അബോർ ഹില്ലിലേക്കു എളുപ്പത്തിൽ എത്തുവാനും ഭരണപരമായ കാര്യങ്ങൾ നിർവ്വഹിക്കുവാനുമൊക്കെയാണ് ബ്രിട്ടീഷുകാരുടെ കാലത്ത് ഇങ്ങനെയൊരു നഗരത്തെ രൂപകല്പന ചെയ്‌തെടുത്തത്. ആദ്യ കാലം മുതൽ തന്നെ ആദി എന്ന പേരായ ഗോത്രവർഗ്ഗക്കാരുടെ ഇടമായിരുന്നു ഇവിടം. ഇന്നും പാസിഘട്ടിന്റെ വിവിധ ഭാഗങ്ങളിലായി അവർ ജീവിക്കുന്നുണ്ട്.