ഇരുന്ന കസേരകളില്ലാം തന്റെ സാന്നിധ്യം അറിയിച്ചിട്ടുള്ള വ്യക്തിയാണ് ഋഷിരാജ് സിംഗ്. ഏത് അധികാര സ്ഥാനത്തെത്തിയാലും സിങ്കം തട്ടിപ്പുകാരുടെ ഉറക്കം കെടുത്തും. എക്‌സൈസ് കമ്മീഷ്ണറായി പുതിയ സര്‍ക്കാര്‍ അദ്ദേഹത്തെ നിയമിച്ചതും മുഖം നോക്കാതെ നടപടി എടുക്കുന്ന കാരണം കൊണ്ടു കൂടിയാണ്. അധികാരം ഏറ്റതു മുതല്‍ സിങ്കം പണി തുടങ്ങി അതും നല്ലവെടിപ്പായിത്തന്നെ. ചെറുകിട ഷാപ്പുകള്‍ മുതല്‍ മിക്കയിടങ്ങളിലും അദ്ദേഹം പരിശോധന നടത്തി നടപടി എടുക്കുകയും ചെയ്തു.

ഗുണനിലവാരം ഇല്ലാത്തവയെല്ലാം പൂട്ടിക്കുകയും ചെയ്തു. സ്‌കൂളുകള്‍ കേന്ദ്രീകരിച്ച് നിരവധി ബോധവത്ക്കരണം നടത്തുകയും പാന്‍മസാലക്കാരെ പൂട്ടുകയും ചെയ്തു. കഞ്ചാവ് ലഹരി മാഫിയയെ കെട്ടുകെട്ടിക്കുമെന്നാണ് അദ്ദേഹത്തിന്റെ ഉറപ്പ്. കൂടാതെ പരാതി അദ്ദേഹത്തെ നേരിട്ട് അറിയിക്കാനായി വാട്ട്‌സ് ആപ്പ് സംവിധാനം ഏര്‍പ്പെടുത്തുകയും ചെയ്തു. എന്നാല്‍ അദ്ദേഹം വമ്പന്‍മാരെ തൊടാന്‍ മടിക്കുകയാണെന്നും കുതിര കയറുന്നതെല്ലാം പാവങ്ങളുടെ നേര്‍ക്കാണെന്നും ആക്ഷേപം ചില കോണുകളില്‍ നിന്നും ഉയര്‍ന്നിരുന്നു. എന്നാല്‍ ഇതാ അതിനും മറുപടി നല്‍കിയിരിക്കുകയാണ് അദ്ദേഹം. ഇന്നലെ സിങ്കം വേട്ട നടത്തിയത് കൊച്ചിയിലെ താജ് മലബാര്‍ ഹോട്ടലിലാണ്. അവിടെ പ്രവര്‍ത്തിച്ചിരുന്ന ബാര്‍ പൂട്ടിക്കുകയും ചെയ്തു.

നിലവില്‍ ബാറിന്റെ കാലാവധി തീര്‍ന്നിട്ടും മൂന്നുമാസം അനുമതി കൂട്ടി നല്‍കിയിരിക്കുകയായിരുന്നു. ജൂണ്‍മാസം മുപ്പതിനായിരുന്നു നീട്ടി നല്‍കിയ കാലാവധി അവസാനിച്ചത്. തുടര്‍ന്നും നിയമം ലംഘിച്ച് പ്രവര്‍ത്തിച്ചതിന് ഇന്നലെ ഹോട്ടലില്‍ മിന്നല്‍ പരിശോധന നടത്തി സിങ്കം ബാറിന്റെ അനുമതി റദ്ദാക്കുകയായിരുന്നു. നിയമം ലംഘിക്കുന്നവര്‍ക്കെതിരെ കര്‍ശന നടപടി എടുക്കുമെന്നും മറ്റുസ്ഥലങ്ങളിലും റെയ്ഡ് നടത്തുമെന്നും എക്‌സൈസ് ഉദ്യോഗസ്ഥര്‍

മലയാളി വാര്‍ത്തയോട് പ്രതികരിച്ചു. എന്നാല്‍ സംഭവം ശരിയല്ലെന്ന് ഹോട്ടല്‍ അധികൃതര്‍ പ്രതികരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha