കെ.എഫ്.സി പ്രതിസന്ധിയില് ഇനി ബാര് ഉടമകളുടെ ആത്മഹത്യ കാണാം
ബാര് ഹോട്ടലുകള് പൂട്ടിയതോടെ സംസ്ഥാന സര്ക്കാരിന്റെ ധനകാര്യ സ്ഥാപനമായ കേരള ഫിനാഷ്യല് കോര്പ്പറേഷന് പ്രതിസന്ധിയിലേക്ക്. 1000 കോടിയാണ് ബാര് ഹോട്ടലുകള്ക്ക് കെ.എഫ്.സി നല്കിയിരിക്കുന്ന വായ്പ. ബാര് ഹോട്ടലുകള് പൂട്ടുന്നതോടെ ബാര് ഉടമകള് തുക തിരിച്ചടയ്ക്കാന് ഒരു സാധ്യതയുമില്ലെന്ന് കെ.എഫ്.സി കരുതുന്നു. ബാറുകള്ക്ക് പുറമെ നിരവധി ഹോട്ടലുകള്ക്കും കെ എഫ് സി വായ്പ നല്കിയിട്ടുണ്ട്. മദ്യ വ്യവസായം പൊളിഞ്ഞതോടെ ഹോട്ടലുകളും പ്രതിസന്ധിയിലായിരിക്കുകയാണ്. പൂട്ടി പോകുന്ന ഹോട്ടലുകള് വായ്പ തിരിച്ചടയ്ക്കുമെന്ന ഒരു പ്രതീക്ഷയും കെ.എഫ്.സിക്കില്ല. തങ്ങള് പ്രതിസന്ധിയിലാണെന്ന് കെഎഫ്സിയിലെ ഉദ്യോഗസ്ഥര് തന്നെ ഉറപ്പിച്ചു കഴിഞ്ഞു. മദ്യനിരോധനം വരുന്നതോടെ കേരളത്തില് പൂട്ടാന് പോകുന്ന മറ്റൊരു വലിയ പൊതുമേഖലാ സ്ഥാപനമാണ് ബപ്കോ. നൂറുകണക്കിന് ജീവനക്കാരാണ് ബപ്കോയിലുളളത്.
സംസ്ഥാനത്തെ ബാര് ഉടമകള്ക്ക് ലൈസന്സ് ഇനത്തില് സര്ക്കാര് ഉടന് നല്കാനുള്ളത് 45 കോടിയാണ്. 25 ലക്ഷമാണ് ഓരോ ബാറും സംസ്ഥാന ഖജനാവിലേക്ക് അടയ്ക്കുന്ന ലൈസന്സ് ഫീ. പ്രവര്ത്തിച്ച കാലയളവിലുള്ള ലൈസന്സ് ഫീ സര്ക്കാര് തിരിച്ചു കൊടുക്കില്ല. ബാക്കിയുള്ള തുകയാണ് തിരിച്ചു കൊടുക്കുന്നത്. ഇത് 45 കോടി വരുമെന്നാണ് സര്ക്കാര് കരുതുന്നത്. 732 ബാറുകള് സംസ്ഥാനത്ത് പ്രവര്ത്തിക്കുന്നവയില് 20 എണ്ണം പഞ്ചനക്ഷത്ര ഹോട്ടലുകളാണ്. 712 ബാറുകളാണ് പൂട്ടുന്നത്.
കെ.എഫ്,സി പ്രതിസന്ധിയിലാണെന്ന കാര്യം എക്സൈസ് മന്ത്രിയുടെ ശ്രദ്ധയില് കൊണ്ടുവന്നപ്പോള് തങ്ങളല്ല പ്രതിസന്ധിയിലാക്കിയതെന്ന മറുപടിയാണ് ലഭിച്ചത്. കുറച്ചു പേര് മദ്യപരും ബാക്കിയുള്ളവര് മദ്യവിരുദ്ധരുമാകുമ്പോള് സ്ഥാപനങ്ങള് പ്രതിസന്ധിയിലാകുന്നത് സ്വാഭാവികമാണെന്നും മന്ത്രി കെ ബാബുവുമായി അടുത്ത വൃത്തങ്ങള് പറയുന്നു.
കര്ഷക ആത്മഹത്യകള് പോലെ കേരളത്തില് ഹോട്ടല് ഉടമകളുടെ ആത്മഹത്യകള് വര്ദ്ധിക്കുമെന്നാണ് നക്ഷത്രഹോട്ടല് ഉടമകളുടെ സംഘടനാ നേതാവ് പറയുന്നത്. കോവളത്തെ ഒരു ഹോട്ടലുകളില് ഡോക്ടര്മാരുടെ സ്റ്റേറ്റ് കോണ്ഫറന്സിന് വേണ്ടിയുണ്ടായിരുന്ന ബുക്കിംഗ് ബാര് പൂട്ടിയതോടെ റദ്ദാക്കി. ഇതില് നിന്ന് മാത്രം 50 ലക്ഷത്തിന്റെ നഷ്ടമാണ് ഹോട്ടലുകള്ക്ക് ഉണ്ടായത്. 25,000 ആളുകള് തൊഴില്രഹിതരാകും. ചുരുക്കത്തില് പൊതുമേഖലയും സ്വകാര്യമേഖലയും എന്നു വേണ്ട സര്ക്കാര് തന്നെ പ്രതിസന്ധിയിലാവുന്ന കാഴ്ച കാണാന് ഇനി മണിക്കൂറുകള് മാത്രം ബാക്കി.
കേരളത്തിലെ ബാര് ഉടമകള് മദ്യം വാങ്ങുന്നത് ബപ്കോയില് നിന്നാണ്. ബാര് ഉടമകളില് നിന്നും കോടികണക്കിന് രൂപയാണ് ബിവറേജ് കോര്പ്പറേഷന് (ബപ്കോ) ലഭിച്ചിട്ടുണ്ടായിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
