എ.കെ.ആന്റണി ഇനി അഞ്ജനത്തിലേക്കില്ല ! കാരണം?
തിരുവനന്തപുരം വഴുതയ്ക്കാട് ഈശ്വരവിലാസം റോഡിലുള്ള അഞ്ജനത്തിലേക്ക് മന്ത്രിമാരുടെ പ്രവാഹം. എ.കെ.ആന്റണിയുടെ വീടാണ് അഞ്ജനം. കേരളത്തിലെ നേതാക്കള് ഒന്നടങ്കം എ.കെ.ആന്റണിയെ കാണാനെത്തുന്നത് വിഎം സുധീരനെതിരെ പരാതി നല്കാനാണ്. മുഖ്യമന്ത്രി ഉമ്മന്ചാണ്ടിയാണ് ആദ്യമെത്തിയത്. തൊട്ടു പിന്നാലെ സ്പീക്കര് ജി.കാര്ത്തികേയന് വന്നു. ഇതിനിടയില് കെ.ബാബു ഫോണില് വിളിച്ചു. തന്നെ മോശമാക്കിയെന്ന പരാതിയാണ് ഉമ്മന്ചാണ്ടിക്കുണ്ടായിരുന്നത്. സുധീരന് കൈയടിക്കുവേണ്ടി പ്രതിപക്ഷനേതാവിന്റെ സ്ഥാനം ഏറ്റെടുത്തിരിക്കുകയാണെന്നും പരാതിയില് പറയുന്നു. കെ.ബാബുവാകട്ടെ തന്റെ എക്സൈസ് വകുപ്പ് എടുത്തു മാറ്റണമെന്ന് ആന്റണിയോട് അപേക്ഷിച്ചു. കാര്ത്തികേയനാകട്ടെ സ്പീക്കറായിരിക്കാന് ഒരു താത്പര്യവുമില്ല. ചുരുക്കത്തില് തിരുവനന്തപുരത്തേക്ക് വരാന് തോന്നിയ നിമിഷത്തെ പഴിക്കുകയാണ് ആന്റണി
സുധീരനാകട്ടെ ആന്റണിയോട് ഇതുവരെയും പയ്യാരകെട്ട് അഴിച്ചിട്ടില്ല. ഹസന് തനിക്കെതിരെ പത്രസമ്മേളനം നടത്തിയപ്പോള് അക്കാര്യം ആന്റണിയെ അറിയിച്ചു. ഹസനോട് താന് സംസാരിക്കാമെന്ന് ആന്റണി ഉറപ്പും കൊടുത്തു. ആന്റണിയുമായി നടത്തിയ ആശയവിനിമയമാകാം, പിന്നീട് ഹസന് സുധീരനെതിരെ ഒന്നും പറഞ്ഞില്ല.
ആന്റണിയെ കേരള നേതാക്കള് കാണുന്നത് ഹൈകമാന്റ് പ്രതിനിധിയായിട്ടാണ്. ആന്റണിയോട് എന്തു പറഞ്ഞാലും അത് സോണിയയോട് പറയുന്നതിനു തുല്യമായിട്ടാണെന്നാണ് കേരള നേതാക്കള് കരുതുന്നത്. മന്ത്രി കെ ബാബു ,മന്ത്രി സഭായോഗത്തില് നടന്ന കാര്യങ്ങളുടെ സചിത്ര വിവരണം ആന്റണിക്ക് നല്കിയതായാണ് വിവരം. പുറമെ ബാറുകള് തുറക്കരുതെന്നു പറഞ്ഞവര് കാബിനറ്റില് വന്നിരുന്ന് ബാറുകള് പൂട്ടാന് ആരു പറഞ്ഞുവെന്നാണ് ചോദിച്ചത്. ഇത് നിര്ഭാഗ്യകരമാണ്. സുധീരന്റെ ഇമേജ് ഗുളിക കേരളത്തിന്റെ സമ്പദ്ഘടനക്ക് തന്നെ ദോഷം ചെയ്തെന്നാണ് ബാബു സുധീരനെ അറിയിച്ചത്.
അടുത്ത നിയമസഭാ തിരഞ്ഞെടുപ്പില് യുഡിഎഫ് തോറ്റാല് ഉത്തരവാദി സുധീരനാണെന്ന് ഉമ്മന്ചാണ്ടി പറഞ്ഞതായാണ് വിവരം. കാരണം സര്ക്കാര് ഉദ്യോഗസ്ഥരുടെ ശമ്പളവും ക്ഷേമപെന്ഷനും നടപ്പിലാക്കാന് സംസ്ഥാനത്തിന്റെ കൈയില് പണമില്ല. മദ്യമാണ് കേരളത്തിന്റെ സമ്പദ് വ്യവസ്ഥയെ താങ്ങി നിര്ത്തിയിരുന്നത്. മദ്യത്തിലൂടെയുള്ള വരുമാനം നിലച്ചതോടെ ഇനി ഖജനാവ് അടച്ചു പൂട്ടേണ്ടി വരുമെന്നും ഉമ്മന്ചാണ്ടി അറിയിച്ചു.
ചുരുക്കത്തില് ഇനി തിരുവനന്തപുരത്തേക്കില്ലെന്നാണ് ആന്റണിയുടെ നിലപാട്. വക്കവും ശങ്കരനാരായണനും വയലാര്രവിയുമൊക്കെ പുരനിറഞ്ഞ് നില്ക്കുന്നു. അവര് കൂടി വന്ന് പയ്യാരകെട്ടഴിച്ചാല് എല്ലാം പൂര്ത്തിയാകുമെന്നും ആന്റണി കരുതുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
