ഉമ്മന്ചാണ്ടിയും ബാബുവും ഡല്ഹിയില് പോയത് വിഴിഞ്ഞത്തിനു വേണ്ടിയല്ല!
മുഖ്യമന്ത്രി ഉമ്മന്ചാണ്ടിയും എക്സൈസ് മന്ത്രി കെ ബാബുവും തിരക്കിട്ട് ഡല്ഹിയില് പോയത് വിഴിഞ്ഞം തുറമുഖത്തെ കുറിച്ച് ചര്ച്ച നടത്താന് മാത്രമാണോ എന്ന സംശയം ബലപ്പെടുന്നു. വിഴിഞ്ഞം തുറമുഖം ചര്ച്ചയായെങ്കിലും വി.എം. സുധീരനെതിരെ ഡല്ഹിയില് പടയൊരുക്കം നടത്തുകയായിരുന്നു പ്രധാന ലക്ഷ്യം. മുഖ്യമന്ത്രിയും മന്ത്രിയും സുധീരനെതിരെ ഹൈക്കമാന്റിന് പരാതി നല്കി. രേഖാമൂലമുള്ള പരാതിയല്ല നല്കിയതെങ്കിലും കേരളത്തിലെ സര്ക്കാരിന് തടസം നില്ക്കുന്നത് പ്രതിപക്ഷമല്ല, കെ.പി.സി.സിയാണെന്ന വ്യക്തമായ സൂചന മുഖ്യമന്ത്രി ഹൈക്കമാന്റിന് നല്കിയിട്ടുണ്ട്.
ടൈറ്റാനിയം അഴിമതി കേസിലുണ്ടായ കോടതി വിധിയെ മാധ്യമങ്ങള്ക്കു മുമ്പില് സുധീരന് തെറ്റായി വ്യാഖ്യാനിച്ചെന്നും ഉമ്മന്ചാണ്ടി അറിയിച്ചു. ടൈറ്റാനിയം കേസില് ചെന്നിത്തല കുറ്റക്കാരനല്ലെന്ന് പറഞ്ഞ സുധീരന് തന്റെ കാര്യം ചോദ്യമായപ്പോള് പഠിച്ചിട്ട് പറയാം എന്നാണ് മാധ്യമങ്ങള്ക്ക് മറുപടി നല്കിയത്. ഇത് പ്രതിപക്ഷം ചൂണ്ടി കാണിച്ചു. ഇത്തരം സംഭവങ്ങള് ആവര്ത്തിക്കുകയാണെന്നും കേരളത്തില് ഭരണം മുന്നോട്ടു കൊണ്ടു പോകാനുള്ള സാഹചര്യമില്ലെന്നും ഉമ്മന്ചാണ്ടി ദേശീയ നേതൃത്വത്തെ അറിയിച്ചു. ഭരിക്കാന് കഴിയാത്ത സാഹചര്യമുണ്ടാവുകയാണെങ്കില് താന് അവസാനത്തെ ആയുധം പ്രയോഗിക്കുമെന്ന സൂചനയും ഉമ്മന്ചാണ്ടി നല്കിയിട്ടുണ്ട്. അതായത് സര്ക്കാര് പിരിച്ചു വിട്ട് ഇലക്ഷനെ നേരിടുക.
യുഡിഎഫില് പോലും സുധീരന് വിള്ളലുണ്ടാക്കിയെന്ന ആരോപണം ഉമ്മന്ചാണ്ടി മുന്നോട്ടു വച്ചു. കെ.എം. മാണിയെയും പി.കെ. കുഞ്ഞാലിക്കുട്ടിയെയും കൂട്ടു പിടിച്ച് ഭരണം അട്ടിമറിക്കാന് ശ്രമിച്ചു. മുഖ്യമന്ത്രിയില് ഘടകകക്ഷികള്ക്ക് വിശ്വാസമില്ലാതാക്കുന്നു. എന്നും വിവാദങ്ങള് ഉണ്ടാക്കുന്ന ഒരു യുഡിഎഫ് നേതാവിനെയും കൊണ്ടാണ് സുധീരന് നടക്കുന്നതെന്നും ഉമ്മന്ചാണ്ടി ആരോപിച്ചു.
മന്ത്രി കെ ബാബു തന്നില് നിന്നും എക്സൈസ് മാറ്റി തരണമെന്ന് ഹൈകമാന്റിനോട് അഭ്യര്ത്ഥിച്ചു. ഇപ്പോള് താന് വലിയൊരു അഴിമതിക്കാരനാണെന്നും മദ്യലോബിയുടെ ആളാണെന്നും ബാബു പറഞ്ഞു. ഇതിന്റെയെല്ലാം കാരണം സുധീരനാണ്. കൈയ്യടിക്കു വേണ്ടി അദ്ദേഹം നിരപരാധികളെ ബലിയാടാക്കുന്നു. താന് മാത്രം നല്ലത് ബാക്കിയെല്ലാവരും മോശക്കാര് എന്ന പ്രചരണമാണ് സുധീരന് നടത്തുന്നത്. മഹാത്മാഗാന്ധി ചമഞ്ഞാണ് സുധീരന്റെ നടത്തയെന്നും ഉമ്മന്ചാണ്ടി ആരോപിച്ചു.
ഹൈകമാന്റ് ഏതായാലും വിഷമവൃത്തത്തിലായിരിക്കുകയാണ്. ഇന്ത്യന് സംസ്ഥാനങ്ങളില് ഭരണം നടത്തിയുള്ള ചുരുക്കം ചില സംസ്ഥാനങ്ങളില് ഒന്നായ കേരളത്തിലും ഭരണം നഷ്ടമാകുമോ എന്ന ഭയത്തിലാണ് ഹൈക്കമാന്റ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
