പ്രണവ്‌ മോഹന്‍ലാല്‍ ആഭിനയം മതിയാക്കുന്നു
മോഹന്‍ലാലിന്റെ മകന്‍ പ്രണവ്‌ അഭിനയം മതിയാക്കുന്നു. സംവിധായകനാവാനാണ്‌ തീരുമാനം. 2002 ല്‍ മേജര്‍ രവി സംവിധാനം ചെയ്‌ത പുനര്‍ജനിയില്‍ ബാലതാരമായി അഭിനയിച്ചുകൊണ്ട്‌ അഭിനയ രംഗത്തെത്തിയ പ്രണവ്‌ മോഹന്‍ലാല്‍ ഒന്നാമനിലും സാഗര്‍ ഏലിയാസ്‌ ചാക്കിയിലും അഭിനയിച്ചു. എന്നാല്‍ മമ്മൂട്ടിയുടെ മകന്‍ ദുല്‍ഖര്‍ സല്‍മാനെ പോലെ അഭിനേതാവായി രംഗത്ത് നില്‍ക്കാന്‍ പ്രണവ്‌ ആഗ്രഹിക്കുന്നില്ല. എന്റെ മേഖല അഭിനയമല്ല അതിനാല്‍ സംവിധാനരംഗത്തേക്ക്‌ കടക്കുന്നു. പ്രണവ്‌ പറഞ്ഞു.
ദൃശ്യം സിനിമയുടെ തമിഴ്‌ റീമേക്കില്‍ സംവിധാന സഹായിയായി പ്രവര്‍ത്തിക്കാനാണ്‌ പ്രണവിന്റെ തീരുമാനം. മോഹന്‍ലാലിന്റെ മകന്‍ സംവിധാന സഹായിയാകുന്നതിനെ തമിഴ്‌-മലയാള ചലച്ചിത്രലോകം കൗതുകാര്‍ഹമായാണ്‌ കാണുന്നത്‌. പ്രണവിന്‌ താത്‌പര്യമുണ്ടെങ്കില്‍ അദ്ദേഹത്തെ നായകനാക്കി സിനിമചെയ്യാന്‍ സംവിധായകര്‍ ക്യൂനില്‍ക്കമ്പോഴാണ്‌ താരത്തിന്റെ മകന്‍ സഹസംവിധായകനാകുന്നത്‌.
ജീത്തു ജോസഫിനോട്‌ മകനെ ഒപ്പം നിര്‍ത്താന്‍ ആഭ്യര്‍ത്ഥിച്ചതും മോഹന്‍ലാല്‍ തന്നെയാണ്‌. തമിഴ്‌ ചിത്രമാകുമ്പോള്‍ കളര്‍ഫുള്ളായിരിക്കുമെന്ന്‌ കരുതിയാണ്‌ ദൃശ്യത്തിന്റെ തമിഴ്‌ റീമേക്കില്‍ തന്നെ പ്രണവിനെ സഹകരിപ്പിക്കാന്‍ മോഹന്‍ലാല്‍ തീരുമാനിച്ചത്‌.
മലയാള സിനിമയില്‍ പ്രണവ്‌ സംവിധാന സഹായിയാകുമ്പോള്‍ അത് സിനിമാക്രൂവില്‍ ധാരാളം ബുദ്ധിമുട്ട്‌ സൃഷ്‌ടിക്കുമെന്ന്‌ മോഹന്‍ലാലും പ്രതീക്ഷിക്കുന്നു. കാരണം തന്റെ മകനെ മലയാളികള്‍ ആദരവോടെ സമീപിക്കും. പ്രണവിന്‌ ഇപ്പോള്‍ വേണ്ടത്‌ ആദരവല്ല. പ്രണവിനും ഇത്തരും പരിഗണനകളോട്‌ യാതൊരു താത്‌പര്യവുമില്ല. ജീത്തു ജോസഫിന്‌ പ്രണവിനെക്കുറിച്ചുപറയാന്‍ നൂറ്‌ നാവ്‌. താന്‍ പ്രതീക്ഷിച്ച പോലെയല്ല പ്രണവ്‌. ഇത്രയും ലളിതസുന്ദരമായ പെരുമാറ്റം ഒരിക്കലും പ്രതിക്ഷിച്ചതല്ല. എന്തിന്‌ കിടക്കാന്‍ ഒരു പ്രത്യേക മുറി പോലും പ്രണവ്‌ ചോദിക്കുന്നില്ല. സഹസംവിധായകര്‍ക്കൊപ്പം പ്രണവ്‌ താമസിക്കുന്നു. അവരോടൊപ്പം ഇഴുകിചേര്‍ന്ന്‌ പ്രവര്‍ത്തിക്കുന്നു. ഇങ്ങനെയും ഒരു ചെറുപ്പക്കാരന്‍ ഉണ്ടാകുമോ എന്നാണ്‌ ജിത്തു ജോസഫിന്റെ സംശയം.
പ്രണവിന്‌ അഭിനയത്തോട്‌ താത്‌പര്യമില്ലെന്ന്‌ നേരത്തെ മോഹന്‍ലാലും വ്യക്തമാക്കിയിരുന്നു. പ്രണവിന്റെ മാനസികസഞ്ചാരങ്ങള്‍ ഒരു പ്രത്യേക വഴികളിലുടെയാണ്‌. സിനിമ സംവിധായകനാകാനാണ്‌ താത്‌പര്യം. മകന്റെ ഇഷ്‌ടങ്ങളില്‍ താന്‍ ഇടപെടില്ലെന്നും മോഹന്‍ലാല്‍ പറഞ്ഞിരുന്നു. തനിക്ക്‌ പ്രത്യേക പരിഗണന നല്‍കരുതെന്ന്‌ പ്രണവ്‌ സിനിമാക്രൂവിനോടും ആവശ്യപ്പെട്ടിട്ടുണ്ട്‌. തങ്ങളിലൊരാളായി തന്നെ കരുതണമെന്നാണ്‌ പ്രണവിന്റെ അഭ്യര്‍ത്ഥന. കഴിയുന്നടുത്തോളം താന്‍ മോഹന്‍ലാലിന്റെ മകനാണെന്ന്‌ പ്രണവ്‌ ആരോടും പറയാറില്ല. അങ്ങനെ പറഞ്ഞ്‌ താന്‍ അര്‍ഹിക്കാത്ത ആദരവ്‌ ഏറ്റുവാങ്ങാന്‍ പാടില്ലെന്നാണ്‌ പ്രണവിന്റെ അഭിപ്രായം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
