അമിത്‌ഷാ പൊട്ടിത്തെറിച്ചു, താങ്കള്‍ക്ക്‌ നാണമില്ലേ കൃഷ്ണദാസ്!
ബിജെപി ,സംസ്ഥാന പ്രസിഡന്റ്‌ വി.മുരളീധനരനെതിരെ പരാതിയുമായി ദേശീയ പ്രസിഡന്റ്‌ അമിത്‌ഷായെ കണ്ട മുന്‍ സംസ്ഥാന പ്രസിഡന്റ്‌ എന്‍.എന്‍. കൃഷ്‌ണദാസിനോട്‌ അമിത്‌ഷാ ചോദിച്ചു. താങ്കള്‍ക്ക്‌ നാണമില്ലേ, എനിക്ക്‌ നാണമാകുന്നു.
ഒരു സീറ്റില്‍ പോലും ബിജെപി ജയിക്കാത്ത സംസ്ഥാനത്ത്‌ പാര്‍ട്ടി സംസ്ഥാന കമ്മിറ്റിയില്‍ ഗ്രൂപ്പുണ്ടാക്കാന്‍ നാണമില്ലേ എന്നാണ്‌ അമിത്‌ഷാ ചോദിച്ചത്‌. കൃഷ്ണദാസ് അദ്ദേഹത്തിന്റെ അനുയായികളോടൊപ്പമാണ്‌ അമിത്‌ഷായെ കാണാനെത്തിയെങ്കിലും അനുയായികളെ കാണാന്‍ പ്രസിഡന്റ്‌ വിസമ്മതിച്ചതിനെ തുടര്‍ന്ന്‌ കൃഷ്ണദാസ് ഒറ്റയ്‌ക്ക്‌ കാണുകയായിരുന്നു. കൃഷ്‌ണദാസിന്റെ കൈയിലുണ്ടായിരുന്ന നിവേദനം അമിത്‌ ഷാ വാങ്ങിയതേയില്ല.
ബിജെപി കേരള ഘടകത്തില്‍ ഒരു തരത്തിലും വിഭാഗീയത അനുവദിക്കുകയില്ലെന്ന്‌ അമിത്‌ഷാ കൃഷ്‌ണദാസിനെ അറിയിച്ചു. ഒരു സീറ്റില്‍ പോലും ജയിക്കാത്ത ഒരു സംസ്ഥാനത്ത്‌ പാര്‍ട്ടിയില്‍ തമ്മിലടി നടക്കുന്നത്‌ നിര്‍ഭാഗ്യകരമാണെന്നും അമിത്‌ ഷാ കൃഷ്‌ണദാസിനോട്‌ പറഞ്ഞു.
തദ്ദേശസ്വയംഭരണ തിരഞ്ഞെടുപ്പില്‍ ജയിച്ച ശേഷം മാത്രം പരാതികള്‍ സ്വീകരിക്കുമെന്നും അമിത്‌ ഷാ അറിയിച്ചു. ഇത്രയും കാലം ബിജെപി കേരളത്തില്‍ മത്സരിച്ചത്‌ സ്വയം ജയിക്കാന്‍ വേണ്ടിയല്ല, മറ്റുള്ളവരെ ജയിപ്പിക്കുന്നതിനുവേണ്ടിയാണ്‌. ഇനി അത്തരം മത്സരങ്ങള്‍ നടക്കുകയില്ല. ജയിക്കണമെന്ന ഒറ്റ ലക്ഷ്യവുമായി ബിജെപി മത്സരിക്കും.
മുരളീധരന് നരേന്ദ്ര മോഡിയുമായി അടുപ്പം പുലര്‍ത്തുന്ന നേതാവാണ്‌. കൃഷ്ണദാസ് അദ്വാനി പക്ഷക്കാരനാണ്‌. കൃഷ്‌ണദാസിനെ പോലെ എല്ലാവര്‍ക്കും മെരുക്കാന്‍ കഴിയുന്ന ഒരാളല്ല മുരളീധരന്. കൃഷ്‌ണദാസിന്റെ കാലത്ത്‌ കേരളത്തില്‍ പാര്‍ലമെന്റ്‌ നിയമസഭാ തിരഞ്ഞെടുപ്പുകളില്‍ ബിജെപി സ്വീകരിച്ചിട്ടുള്ള അടവുനയം മോഡിയെ മുരളീധരന് അറിയിച്ചിട്ടുണ്ട്‌. ഇത്തരം അടവു നയങ്ങള്‍ക്ക്‌ പിന്നില്‍ പണത്തിന്‌ സ്വാധീനമുണ്ടോ എന്നും മുരളീധരന് സംശയിക്കുന്നു. നരേന്ദ്രമോഡിയുടെ വരവോടെ ഇത്തരം ശൈലികള്‍ അവസാനിപ്പിച്ചു. ഭൂരിപക്ഷം പിന്നോക്ക സമുദായങ്ങളെ കൂട്ടുപിടിച്ച്‌ കേരളത്തില്‍ ജയിക്കുക എന്നതാണ്‌ ബിജെപിയുടെ നയം.
കേരളത്തില്‍ ഭരണപക്ഷവും പ്രതിപക്ഷവും തമ്മില്‍ യാതൊരു വ്യത്യാസവുമില്ലെന്നും അവര്‍ ഒരേ നാണയത്തിന്റെ ഇരുവശങ്ങളാണെന്നും ബിജെപി വിശ്വസിക്കുന്നു. ഇരുകക്ഷികളെയും എതിര്‍ത്താല്‍ മാത്രമേ ബിജെപിക്ക്‌ കേരളത്തില്‍ ചുവടുറപ്പിക്കാന്‍ കഴിയൂ. ഇതില്‍ ഏതെങ്കിലും കക്ഷിയുമായി സഖ്യമുണ്ടാക്കിയാല്‍ അത് അവരെ സഹായിക്കാന്‍ മാത്രമേ ഉപകരിക്കുകയുള്ളൂ.
ഏതായാലും കൃഷ്ണദാസ് മുരളീധരന് പക്ഷങ്ങള്‍ തമ്മിലുള്ള തൊഴുത്തില്‍ കുത്ത്‌ രൂക്ഷമാകാനാണ്‌ സാധ്യത. അതേസമയം വഴക്ക്‌ മൂര്‍ച്ഛിക്കുന്നത്‌ കൃഷ്‌ണദാസിന്‌ തട്ടുകേടുണ്ടാക്കിയാല്‍ അദ്ദേഹം മുരളീധരന് മുമ്പില്‍ കീഴടങ്ങും. അങ്ങനെ വന്നാല്‍ പിന്നാമ്പുറങ്ങളില്‍ യുദ്ധം മുറുകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
