കണ്ണൂര് കൊലപാതകങ്ങളുടെ പിന്നാമ്പുറം തോണ്ടാന് സിബിഐ വരുന്നു. സിപിഎമ്മിന്റെ കാര്യം പോക്ക്!
കണ്ണൂരിലെ കൊലപാതകങ്ങളെ ക്കുറിച്ച് അന്വേഷിക്കാന് സിബിഐ വരുന്നു. ജയകൃഷ്ണന് മാസ്റ്റര് വധം സിബിഐ അന്വേഷിക്കുമെന്ന് ആദ്യം പുറത്തുവിട്ട മാധ്യമം മലയാളിവാര്ത്തയാണ്. വാര്ത്ത ശരിവച്ച്കൊണ്ട് കേരളത്തിലെ ആര്.എസ്.എസാണ് കേന്ദ്ര ആഭ്യന്തരമന്ത്രിയോട് ഇക്കാര്യം ആവശ്യപ്പെട്ടിരിക്കുന്നത്. ജയകൃഷ്ണന് മാസ്റ്റര് വധക്കേസ് സിബിഐ അന്വേഷിക്കണമെന്ന കേരളസര്ക്കാരിന്റെ ആവശ്യം സിബിഐക്ക് മുന്നിലുളളതുകൊണ്ട് അന്വേഷണം തീരുമാനിക്കാന് എളുപ്പമാകും. റ്റി.പി.ചന്ദ്രശേഘരന് കൊലപാതകത്തിലെ ഗൂഢാലോചനയും സിബിഐക്ക് മുന്നിലെത്താനാണ് സാധ്യത. അടുത്ത കാലത്ത് സിപിഎമ്മില് നിന്നും ആര്.എസ്.എസിലേക്ക് കൂട്ടത്തോടെ കൊഴിഞ്ഞുപോക്ക് നടന്നിരുന്നു. ഇതില് പരിഭ്രന്തരായാണ് ആര്.എസ്.എസ് നേതാവ് മനോജിനെ വധിച്ചത്.
മനോജിന്റെ വധത്തില് സിപിഎം കേന്ദ്രനേതൃത്വത്തിനും പങ്കുണ്ടെന്നാണ് മന്ത്രി രാജ്നാഥ് സിംഗിന് നേരിട്ട് നല്കിയ നിവേദനത്തില് ആര്.എസ്.എസ്.നേതാക്കള് ആവശ്യപ്പെടുന്നത്. കൊലപാതകം സിപിഎമ്മിന്റെ ഹോബിയാണ്. കണ്ണൂരില് ആര്.എസ്.എസോ, ബി.ജെ.പിയോ ആരേയും കൊല്ലാറില്ല. എന്നിട്ടും സിപിഎം പകതീര്ക്കുന്നു. കഴിഞ്ഞ പത്തുദിവസങ്ങള്ക്കിടയില് കണ്ണൂരില് രണ്ട് ആര്.എസ്.എസ് പ്രവര്ത്തകരാണ് കൊല്ലപ്പെട്ടത്. കേരളം സന്ദര്ശിച്ച സിപിഎം നേതാക്കളുടെ പ്രകോപനപരമായ പ്രസംഗങ്ങളാണ് കൊലപാതകത്തിന് പിന്നിലെന്നും ആരോപോണമുണ്ട്. കണ്ണൂര് മാതൃക സംസ്ഥാനത്തിന്റെ മറ്റിടങ്ങളിലും ആവര്ത്തിക്കുമെന്ന് സിപിഎം നേതാക്കള് മുന്നറിയിപ്പു നല്കിയിരുന്നു.
അതേ സമയം സിപിഎം നേതാവ് ജയരാജന്റെ മകനെ മനോജ് വധത്തില് പോലീസ് പ്രതിചേര്ത്തേക്കും. മനോജ് വധക്കേസിലെ പ്രതികള്ക്ക് അനുകൂലമായി ഫേസ്ബുക്ക് പോസ്റ്റിംഗ് നടത്തിയതിനാണ് ജയരാജന്റെ മകനെതിരെ നിയമനടപടി വരുന്നത്. സംസ്ഥാനസര്ക്കാര് ഇതില് നിന്നും പിന്തിരിയുകയാണെങ്കില് സിബിഐ കേസെടുക്കും. വിഘടനവാദികളെ പ്രോത്സാഹിപ്പിച്ചെന്നതായിരിക്കും ജയരാജിന്റെ മകനെതിരെ ചാര്ത്തുന്ന കുറ്റം. ഇതിനിടെ ജയരാജിന്റെ ചില നിരീക്ഷണങ്ങളും ഫേസ്ബുക്കിലെത്തി.
റ്റി.പി.ചന്ദ്രശേഖരന്-ജയകൃഷ്ണന് മാസ്റ്റര് കൊലപാതകങ്ങളില് യഥാര്ത്ഥ പ്രതികളെയല്ല പിടികൂടിയതെന്നാണ് ബിജെപിയുടെ ആരോപണം. കാരണം സിപിഎമ്മിന്റെ പ്രമുഘ നേതാക്കളാണ് കൊലപാതകത്തിന് പിന്നില് ഗൂഢാലോചന നടത്തിയത്. ഇവരില് സിപിഎമ്മിന്റെ സംസ്ഥാന നേതാക്കളുമുണ്ട്. ഇവരെയൊക്കെ ഒഴിവാക്കിയാണ് കേരളാപോലീസ് കേസ് രജിസ്റ്റര് ചെയ്തത്. ഇത് ഇരട്ടത്താപ്പാണെന്നാണ് ബിജെപിയുടെ ആരോപണം.
ആര്.എസ്.എസിന്റെ ആവശ്യമായതിനാല് കേന്ദ്രസര്ക്കാര് അംഗീകരിക്കാന് തന്നെയാണ് സാധ്യത. എന്നാല് സംസ്ഥാന സര്ക്കാര് സിബിഐ അന്വേഷണത്തെ സ്വാഗതം ചെയ്യാന് സാധ്യതയില്ല. അതേസമയം റ്റി.പി, ജയകൃഷ്ണന് മാസ്റ്റര് ഗൂഢാലോചന അന്വേഷിക്കണമെന് സംസ്ഥാനം നേരത്തെ സിബിഐക്ക് നല്കിയ കത്ത് അംഗീകരിച്ച് കണ്ണൂര് കൊലപാതകങ്ങളുടെ പിന്നാമ്പുറം അറിയാന് സിബിഐ അണിചേരും. സാഖാക്കള് ജാഗ്രതൈ!
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
