കേന്ദ്ര ജീവനക്കാര്ക്ക് ഡി.എ; സംസ്ഥാനത്തിനോട് ഗോപി!
കേന്ദ്ര സര്ക്കാര് ജീവനക്കാര്ക്കും പെന്ഷന്കാര്ക്കും ഏഴുശതമാനം ക്ഷാമബത്ത വര്ദ്ധിപ്പിക്കാനുള്ള കേന്ദ്ര തീരുമാനം സംസ്ഥാനത്തിന് തിരിച്ചടിയാവുന്നു. അടുത്തകാലത്തൊന്നും ഇത് സംസ്ഥാന സര്ക്കാര് ജീവനക്കാര്ക്ക് ലഭ്യമാകുമെന്ന പ്രതീക്ഷ ആര്ക്കുമില്ല. അടിസ്ഥാന ശമ്പളത്തിന്റെയും അടിസ്ഥാന പെന്ഷന്റെയും നൂറു ശതമാനം ക്ഷാമബത്ത നിലവിലുള്ളപ്പോഴാണ് എഴുപതു ശതമാനം കൂടി വര്ധിപ്പിക്കാന് കേന്ദ്രസര്ക്കാര് തീരുമാനിച്ചത്. ജൂലൈ ഒന്നുമുതല് പ്രാബല്യം നല്കിയാകും ക്ഷാമബത്ത വര്ധിപ്പിക്കുന്നത്. ആറാം ശമ്പള കമ്മിഷന്റെ ശുപാര്ശയായിരുന്നു ഇത്.
കേരളത്തില് കേന്ദ്രസര്ക്കാര് പ്രഖ്യാപിക്കുന്ന ക്ഷാമബത്ത സംസ്ഥാന ജീവനക്കാര്ക്ക് കൃത്യമായി നല്കിയിരുന്നതാണ് പതിവ്. എന്നാല് ഇത്തവണ സംസ്ഥാനം കടുത്ത സാമ്പത്തിക പ്രതിസന്ധിയിലൂടെയാണ് കടന്നുപോകുന്നത്. മദ്യത്തിന്റെ ലഭ്യത കുറച്ചതാണ് സംസ്ഥാനത്തിന് ഇരുട്ടടിയായി മാറിയത്. പൂട്ടിയിടുന്ന ബാറുകള് തുറക്കേണ്ടിയില്ലെന്ന തീരുമാനത്തിനു പിന്നാലെ തുറന്നിരിക്കുന്ന ബാറുകളും പൂട്ടാന് മുഖ്യമന്ത്രി ഏകപക്ഷീയമായി എടുത്ത തീരുമാനമാണ് സംസ്ഥാന സര്ക്കാരിനെ പ്രതിസന്ധിയിലാക്കിയതെന്ന് ധനമന്ത്രാലയത്തിലെ ഉന്നതന് പറയുന്നു. മദ്യനിരോധനം ഏര്പ്പെടുത്താന് ആരും മുഖ്യമന്ത്രിയെ പ്രേരിപ്പിച്ചിരുന്നില്ല. വാശിയുടെ പുറത്താണ് മുഖ്യമന്ത്രി അതിനു തയ്യാറായത്. താന് മാത്രം ഒരുവശത്തും ബാക്കി എല്ലാവരും മറ്റൊരു വശത്തും നിന്ന് സമരം ചെയ്യുകയായിരുന്നു എന്നാണ് മുഖ്യമന്ത്രി പരസ്യമായി പറഞ്ഞത്. തന്റെ സര്ക്കാരിലെ ഘടകകക്ഷി നേതാക്കളെ ലക്ഷ്യമിട്ടാണ്. അതുകൊണ്ടുതന്നെ ഘട്ടംഘട്ടമായി മദ്യനിരോധനം ഏര്പ്പെടുത്തുമെന്ന മുഖ്യമന്ത്രിയുടെ പ്രഖ്യാപനത്തില് മാറ്റമുണ്ടാവില്ല.
ഏഴായിരം കോടിയുടെ നഷ്ടമാണ് മദ്യനിരോധനം വഴി വന്നു ചേരുന്നത്. ഇത് ഏതു വിധേന നികത്തും എന്നതിനെകുറിച്ച് സര്ക്കാരിന് യാതൊരു രൂപവുമില്ല. മറ്റൊരു മേഖലയില് നിന്നും കൃത്യമായി നികുതി വന്നു ചേരാറില്ല. കുടിയന്മാരില് നിന്നും കിട്ടുന്ന നികുതി ഉപയോഗിച്ചാണ് സംസ്ഥാനത്തിന്റെ കാര്യങ്ങള് മുടക്കം കൂടാതെ നടന്നിരുന്നത്.
ക്ഷാമബത്ത കൃത്യമായി കൊടുത്തിട്ടെങ്കിലും ഒന്നും സംഭവിക്കുകയില്ല. വക്കം പുരുഷോത്തമന് ധനമന്ത്രിയായിരുന്ന കാലത്ത് ക്ഷാമബത്ത കൃത്യമായി കൊടുത്തിരുന്നില്ല. പിന്നീട് തോമസ് ഐസക്കാണ് ക്ഷാമബത്ത കൃത്യമായി നല്കാന് തീരുമാനിച്ചത്. ഇത് ജീവനക്കാരുടെ പ്രതിഷേധം വിളിച്ചു വരുത്തുമെങ്കിലും അത് ഏറെനാള് നീണ്ടു നില്ക്കുകയില്ല. സംസ്ഥാനത്തിന്റെ സാമ്പത്തിക പ്രതിസന്ധിയെ കുറിച്ച് ജീവനക്കാര്ക്ക് നന്നായറിയാം.
എന്നാല് സാമ്പത്തിക പ്രതിസന്ധിയുണ്ടെന്ന കാര്യം സര്ക്കാര് സമ്മതിച്ചു തരുന്നില്ല. കടം കിട്ടാനുള്ള പുതിയ മേഖലകള് അന്വേഷിക്കുകയാണ് സര്ക്കാര്. നരേന്ദ്രമോഡി അധികാരത്തിലെത്തിയതോടെ കേന്ദ്രത്തില് നിന്നും വരുമാനവും മുട്ടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
