ലാല്‍ ചിത്രങ്ങളുടെ അപ്രതീക്ഷിതമായ വന്‍ വിജയങ്ങള്‍ പ്രൊഡ്യൂസര്‍മാര്‍ക്ക് കോടികള്‍ ലാഭമായതോടെ മോഹന്‍ലാല്‍ തന്റെ പ്രതിഫല രീതി മാറ്റുന്നു. തന്റെ ചിത്രങ്ങളുടെ സാറ്റലൈറ്റ് അവകാശത്തിന്റെ പകുതി തുകയാണ് മോഹന്‍ലാല്‍ ഇനിമുതല്‍ പ്രതിഫലം വാങ്ങുന്നത്. പെരുച്ചാഴിക്ക് താരം മൂന്നരക്കോടിയാണ് വാങ്ങിയത്.

11 കോടി മുതല്‍മുടക്കുള്ള ചിത്രം രണ്ടാഴ്ച പിന്നിട്ടപ്പോഴാണ് ലാഭമായത്. ദൃശ്യം 50 കോടി കലക്ട് ചെയ്തത് മുതലാണ് താരം പ്രതിഫലത്തില്‍ പുതിയ മാനദണ്ഡം സ്വീകരിച്ചത്. സാറ്റലൈറ്റ് അവകാശം അമൃത ടി.വിക്ക് മാത്രമാണ് നല്‍കുന്നത്. പെരുച്ചാഴി മുതലാണ് ഈ തീരുമാനം എടുത്തത്. അമൃതാനന്ദമയി നേരിട്ട് ഇടപെട്ടാണ് സാറ്റലൈറ്റ് അവകാശം ചാനലിന് ഉറപ്പിച്ചത്.
വന്‍തുക പ്രതിഫലം നല്‍കിയിട്ട് സിനിമ വിജയിച്ചില്ലെങ്കില്‍ വലിയ സാമ്പത്തിക നഷ്ടമാകും ഉണ്ടാവുക. പഴയ പോലെ സാറ്റലൈറ്റ് അവകാശം കൊണ്ട് മാത്രം സിനിമ ലാഭമാകില്ല. തിയറ്ററില്‍ കളിക്കണം. ഇനി കൂടുതല്‍ ചിത്രങ്ങള്‍ ആന്റണി പെരുമ്പാവൂര്‍ നിര്‍മിക്കാനാണ് തീരുമാനിച്ചിരിക്കുന്നത്. പുറത്തുള്ളവര്‍ക്ക് ഡേറ്റ് കൊടുക്കുന്ന കാര്യത്തില്‍ നിയന്ത്രണമുണ്ടാകും. പണ്ട് മോഹന്‍ലാലിന് പലരും പറയുന്ന പ്രതിഫലം നല്‍കില്ലായിരുന്നു. പണം ചോദിച്ച് വാങ്ങാന്‍ ലാലിനും മടിയായിരുന്നു. ആന്റണി പെരുമ്പാവൂര്‍ മാനേജരായതോടെയാണ് കാര്യങ്ങള്‍ മാറിയത്. നിര്‍മാതാക്കളില്‍ നിന്ന് ആന്റണി കൃത്യമായി പ്രതിഫലം വാങ്ങി നല്‍കി.
ഇതിന് മുമ്പ് ദിലീപാണ് മൂന്നരക്കോടി പ്രതിഫലം വാങ്ങിയത്. മായാമോഹിനിക്ക് വേണ്ടി. എറണാകുളത്തെ വിതരണത്തിന്റെ അവകാശമാണ് ചിത്രത്തിന്റെ പ്രതിഫലമായി ദിലീപ് വാങ്ങിയത്. അതില്‍ നിന്ന് കിട്ടിയ ലാഭമായിരുന്നു മൂന്നരക്കോടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha