അധ്യാപക ദിനത്തില്‍ പ്രധാനമന്ത്രി നരേന്ദ്രമോഡി നടത്തിയ പ്രസംഗം പരാമര്‍ശിച്ച് മോഹന്‍ലാല്‍ ബ്‌ളോഗില്‍ എഴുതിയ കുറിപ്പിനെതിരെ സൈബര്‍ ആക്രമണം. ജാതിപറഞ്ഞ് വരെയാണ് താരത്തെ ആക്രമിച്ചിരിക്കുന്നത്. സംഘപരിവാറിന്റെ ആളായ ലാല്‍ തന്റെ കറതീര്‍ന്ന രാഷ്ട്രീയമാണ് മോഡിയെ പ്രകീര്‍ത്തിച്ചതിലൂടെ പുറത്തായതെന്ന് ഫെയിസ്ബുക്കിലൂടെ ചിലര്‍ വിമര്‍ശിച്ചു. എന്നാല്‍ പതിവുപോലെ മോഹന്‍ലാല്‍ ഇക്കാര്യം വിവാദമാക്കിയിട്ടില്ല.

രഞ്ജിത്തിന്റെയും ഷാജി കൈലാസിന്റയും കച്ചവട സിനിമകളില്‍ സവര്‍ണ ഹിന്ദു കഥാപാത്രങ്ങളെ അവതരിപ്പിച്ച കാലം മുതല്‍ മോഹന്‍ലാലിനെ സവര്‍ണ ബിംബമായി ചിത്രീകരിക്കാന്‍ വ്യാപക ശ്രമം നടക്കുന്നുണ്ട്. പെരുച്ചാഴിയില്‍ ലുലുമാള്‍ കാണാനെത്തിയ അത്തപ്പാടികള്‍ എന്ന് വിജയ്ബാബു പറയുന്ന ഡയലോഗ് മോഹന്‍ലാല്‍ പറഞ്ഞെന്ന് ആരോപിച്ച് നിരൂപകന്‍ ജി.പി രാമചന്ദ്രനും സംവിധായകന്‍ ഡോ.ബിജുവും രംഗത്തെത്തിയിരുന്നു. അവരാരും സിനിമ കാണാതെയാണ് വിമര്‍ശനം അഴിച്ച് വിട്ടതെന്ന് വ്യക്തമാണ്. 

പല രാഷ്ട്രീയ നേതാക്കളുമായും മോഹന്‍ലാലിന് അടുത്ത ബന്ധമുണ്ട്. ലാവിലിന്‍ കേസില്‍ പിണറായി കുറ്റവിമുക്തനായപ്പോള്‍ അഗ്നിശുദ്ധി വരുത്തിയ വിജയേട്ടന്‍ എന്നാണ് കോഴിക്കോട്ടെ പ്രസംഗത്തില്‍ മോഹന്‍ലാല്‍ പറഞ്ഞത്. ലഫ്റ്റനന്റ് കേണല്‍ പദവി കിട്ടാന്‍ ഏറെ താല്‍പര്യം എടുത്തത് അന്നത്തെ പ്രതിരോധമന്ത്രിയായിരുന്ന എ.കെ ആന്റണിയാണ്. അദ്ദേഹവുമായും അടുത്തബന്ധമുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha