എ ഗ്രൂപ്പ് പിളര്ന്നു, ഇനി ചാണ്ടി, സുധീരന് ഗ്രൂപ്പുകള്, സുധീരനെ തള്ളി ചാണ്ടി
കെ.പി.സി.സി അധ്യക്ഷന് വിഎം സുധീരന്റെ പ്രസ്താവനകള്ക്ക് ചെവികൊടുക്കേണ്ടതില്ലെന്നും സര്ക്കാരിന്റെ നിലനില്പ് ലാക്കാക്കി മുന്നോട്ടുപോകാനും ഉമ്മന്ചാണ്ടിയുടെ നേതൃത്വത്തിലുള്ള എ ഗ്രൂപ്പ് മന്ത്രിമാരുടെ തീരുമാനം. സര്ക്കാര് പ്രവര്ത്തനങ്ങല്ക്ക് തുരങ്കം വയ്ക്കാന് മാത്രമാണ് സുധീരന് ശ്രമിക്കുന്നതെന്നും അദ്ദേഹത്തിന്െറ ജല്പനങ്ങള്ക്ക് കാതോര്ത്താല് സര്ക്കാര് താഴെ പോകുമെന്നുമാണ് ഉമ്മന്ചാണ്ടിയുടെ നേതൃത്വത്തിലുളള എ ഗ്രൂപ്പിന്റെ കണക്കുകൂട്ടല്. ഫലത്തില് എ ഗ്രൂപ്പ് പിളര്ന്ന് രണ്ടായി. എ ഗ്രൂപ്പിന് രണ്ട് നേതാക്കളുണ്ടായിരിക്കുന്നു. ഉമ്മന്ചാണ്ടിയും സുധീരനും.
സര്ക്കാരിനെ ഒറ്റപ്പെടുത്താന് ശ്രമിക്കുന്ന വിഎം സുധീരന്, ,സിപിഎമ്മില് വിഎസ് അച്യുതാനന്ദന് പിന്തുടരുന്ന പ്രവര്ത്തന ശൈലി കോണ്ഗ്രസില് പറിച്ചു നടുകയാണെന്ന് ഉമ്മന്ചാണ്ടി ആരോപിച്ചു. ഇക്കാര്യങ്ങളെ കുറിച്ച് ഹൈകമാന്റിനോട് പരാതി പറഞ്ഞില്ലെങ്കിലും പൊതുവെ ദുര്ബലാവസ്ഥയിലുള്ള ഹൈകമാന്റിന് ഒന്നും ചെയ്യാനാവുന്നില്ലെന്നും ഉമ്മന്ചാണ്ടി വിശ്വസിക്കുന്നു. മദ്യനയത്തില് പിന്തുടര്ന്ന നയം തന്നെയാണ് നികുതി വര്ധനവിന്റെ കാര്യത്തിലും സുധീരന് പിന്തുടരുന്നതെന്ന് ഉമ്മന്ചാണ്ടി വിശ്വസിക്കുന്നു.
സുധീരനുമായി സംസാരിക്കാന് പോലും ഉമ്മന്ചാണ്ടിക്ക് വിമുഖതയാണെന്ന് ഉമ്മന്ചാണ്ടിയുമായി അടുത്ത വൃത്തങ്ങള് പറയുന്നു. ഒരിക്കലും ഇത്തരമൊരവസ്ഥ ഒരു കോണ്ഗ്രസ് മുഖ്യമന്ത്രിക്കും അനുഭവിക്കേണ്ടി വന്നിട്ടില്ലെന്നും ഉമ്മന്ചാണ്ടി പറയുന്നു. അതേ സമയം സുധീരനും ഇതേ പരാതി തന്നെയാണുള്ളത്. കേരളീയരേ ബാധിക്കുന്ന നിര്ണായക തീരുമാനങ്ങളെടുക്കുമ്പോള് ഉമ്മന്ചാണ്ടി പാര്ട്ടിയുമായി ആലോചിക്കുന്നില്ലെന്നും ഇത് ശരിയായ കീഴ്വഴക്കമല്ലെന്നും സുധീരന് പറയുന്നു. സര്ക്കാര് പാര്ട്ടിയെ തള്ളി മുന്നോട്ടു പോയാല് സര്ക്കാരിന് അധികനാള് ആയുസ്സുണ്ടാവില്ലെന്ന് കെ.പി.സി.സിയിലെ ഒരുന്നതന് പറഞ്ഞു.
മദ്യനിയന്ത്രണം നടപ്പിലാക്കുന്നതിന് മുമ്പേ സാമ്പത്തിക പ്രതിസന്ധി എങ്ങനെയുണ്ടായി എന്നാണ് സുധീരന്റെ ചോദ്യം. അതായത് സര്ക്കാരിന്റെ കെടുകാര്യസ്ഥതയാണ് സാമ്പത്തിക പ്രതിസന്ധിക്ക് കാരണമെന്ന് പാര്ട്ടി വിശ്വസിക്കുന്നു. നികുതി പിരിച്ചെടുക്കാതെ വന്കിടക്കാരായവര്ക്കു വേണ്ടി മുഖ്യമന്ത്രി പ്രവര്ത്തിക്കുകയാണെന്നും സുധീരുമായി ബന്ധപ്പെട്ടവര് പറയുന്നു.
ആഡംബര നികുതി ഏര്പ്പെടുത്തുന്നതിനോട് സുധീരന് വിയോജിപ്പില്ല. എന്നാല് അത് പാര്ട്ടി അറിഞ്ഞു വേണമെന്ന് സുധീരന് പറയുന്നു. നയപരമായ തീരുമാനങ്ങളെടുക്കുമ്പോള് പാര്ട്ടി അറിഞ്ഞിരിക്കണമെന്ന പിടിവാശിയാണ് സുധീരന് പിന്തുടരുന്നത്. എന്നാല് എല്ലാ കാര്യങ്ങളും പാര്ട്ടിയുമായി ആലോചിച്ച് നടപ്പിലാക്കാനാവില്ലെന്നാണ് ഉമ്മന്ചാണ്ടിയുടെ നിലപാട്.
അതായത് സര്ക്കാരും പാര്ട്ടിയും രണ്ടു വഴിക്കാണ് നീങ്ങുന്നത്. ഇത് ഗുരുതരമായ ഭരണ പ്രതിസന്ധിക്ക് കാരണമാകുമെന്ന് പ്രമുഖ നേതാക്കള് പറയുന്നു. ഇതിനിടയില് ഹസനെ പോലുള്ള നേതാക്കള് സമാധാനത്തിന് ശ്രമിക്കുന്നതായും റിപ്പോര്ട്ടുകളുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
