ആരോഗ്യകാര്യത്തിൽ എല്ലാവരും ഇപ്പോൾ വളരെയേറെ ശ്രദ്ധിക്കാറുണ്ട്. തടി കുറയുന്നതിനും സൗന്ദര്യം നിലനിർത്തുന്നതിനും രോഗങ്ങൾ വരാതിരിക്കാനുമെല്ലാം നം ശീലിക്കേണ്ട ഒരുപാട് കാര്യങ്ങൾ ഉണ്ട്. അതുപോലെ നമ്മൾ ഒഴിവാക്കേണ്ട കുറെ ശീലങ്ങളും ഉണ്ട് . ഒഴിവാക്കേണ്ട ശീലങ്ങളിൽ ഒന്നാണ് രാവിലത്തെ ബെഡ്‌കോഫി .പകരം രാവിലെ നല്ലപോലെ തിളപ്പിച്ച ചൂടുവെള്ളം കുടിക്കാം. ഒപ്പം ഒരല്ലി വെളുത്തുള്ളി കൂടി കഴിച്ചാൽ ഗുണം ഇരട്ടിക്കും. വെളുത്തുള്ളി പച്ചയായോ ചുട്ടെടുത്തോ കഴിക്കാം

. പ്രത്യേകിച്ച് പുരുഷന്മാർക്ക് ഇത് ഇരട്ടി ഫലം ചെയ്യുമെന്നാണ് പഠനങ്ങൾ പറയുന്നത് . വെളുത്തുള്ളി രക്തപ്രവാഹം ശക്തിപ്പെടുത്തുമെന്നതിനാൽ ഉദ്ധാരണപ്രശ്നങ്ങൾ ഉള്ളവർക്ക് ഇത് ഗുണം ചെയ്യും. പച്ചയ്ക്കു കഴിയ്ക്കുന്നതാണ് കൂടുതല്‍ ആരോഗ്യഗുണങ്ങള്‍ നല്‍കുകയെന്നു തെളിഞ്ഞിട്ടുണ്ട്. ചവച്ചരച്ചു കഴിയ്ക്കുക, ഒപ്പം ഒരു ഗ്ലാസ് ഇളംചൂടുവെള്ളവും കുടിയ്ക്കുക ..എന്നാൽ വെളുത്തുള്ളിയുടെ അച്ഛാ മനം ഇഷ്ട്ടപ്പെടാത്തവർക്ക് ചുട്ടെടുത്ത് കഴിക്കാം .

ഹൃദയാരോഗ്യത്തിന് ഏറ്റവും മികച്ച വഴിയാണ് രാവിലെ വെളുത്തുള്ളിയും ഒപ്പം ഒരു ഗ്ലാസ് ചൂടുവെള്ളവും. ഇത് ബിപി, ഹൈ കൊളസ്‌ട്രോള്‍ തുടങ്ങിയ ആരോഗ്യപ്രശ്‌നങ്ങള്‍ അകറ്റി നിര്‍ത്തി ഒരു പരിധി വരെ ഹൃദയാരോഗ്യത്തെ സംരക്ഷിയ്ക്കുന്നു .

വെളുത്തുള്ളിയിൽ അടങ്ങിയിരിക്കുന്ന അലിസിന്‍ എന്ന ഘടകം മികച്ച ആന്റിഓക്‌സിഡണ്ടാണ് . കുടല്‍ ക്യാന്‍സര്‍, വയറ്റിലെ ക്യാന്‍സര്‍, ബ്രെസ്റ്റ് ക്യാന്‍സര്‍, പ്രോസ്‌റ്റേറ്റ് ക്യാന്‍സര്‍, ലംഗ്‌സ് ക്യാന്‍സര്‍ തുടങ്ങിയ പല ക്യാന്‍സറുകളും വരാതിരിയ്ക്കാനും വന്നവര്‍ക്ക് ഇതിനെ ചെറുക്കാനും സഹായിക്കുന്ന ഒരു വഴിയാണ് വെളുത്തുള്ളിയും ചൂടുവെള്ളവും വെറുംവയറ്റില്‍ ശീലമാക്കുന്നത്. വെളുത്തുള്ളി നുറുക്കി 5-10 മിനിറ്റു വച്ചാൽ ഇതിലെ അലിന്‍ അലിസിനായി മാറുന്നു. അലിസിനാണ് വെളുത്തുള്ളിയ്ക്ക് പ്രധാനപ്പെട്ട ഗുണങ്ങള്‍ നല്‍കുന്നത്. അലിസിന്‍ രക്തസമ്മര്‍ദത്തിന് ഇടയാക്കുന്ന ആന്‍ജിയോസ്റ്റിന്‍ എന്ന പ്രോട്ടീനിനെ തടസപ്പെടുത്തുന്നത് ബിപി കുറയ്ക്കും. ഇതു കൂടാതെ വെളുത്തുള്ളിയിലെ പോളിസള്‍ഫൈഡുകള്‍ ഹൈഡ്രജന്‍ സള്‍ഫൈഡുകളായി രൂപാന്തരപ്പെടും.ഇതും ബിപി കുറയ്ക്കാന്‍ സഹായിക്കുന്ന ഒന്നാണ്

പ്രമേഹത്തിനും കൊളസ്ട്രോളിനും നല്ല മറുമരുന്നാണ് വെളുത്തുള്ളി. ദിവസവും വെളുത്തുള്ളി കഴിയ്ക്കുന്നത് ഇന്‍സുലിന്‍ ഉല്‍പാദനം വര്‍ദ്ധിപ്പിയ്ക്കും. ദിവസവും 10 ഗ്രാം പച്ചവെളുത്തുള്ളി നുറുക്കി കഴിയ്ക്കുന്നത് കൊളസ്‌ട്രോള്‍ തടയാന്‍ ഏറെ നല്ലതാണ്. ഇതിനൊപ്പം ചൂടുവെള്ളവും കൂടിയാകുന്നത് ഗുണം വര്‍ദ്ധിപ്പിയ്ക്കും.

തടി കുറയ്ക്കാനുള്ള ഏറ്റവും എളുപ്പവഴിയാണ് വെറുംവയറ്റില്‍ വെളുത്തുള്ളിയും ഒപ്പം ഒരു ഗ്ലാസ് ചൂടുവെള്ളവും. വെളുത്തുള്ളിയിലെ ആന്റിഓക്‌സിഡന്റ് ഗുണങ്ങള്‍ ശരീരത്തിലെ കൊഴുപ്പു കത്തിച്ചു കളയാന്‍ സഹായിക്കും. ശരീരത്തിലെ ടോക്‌സിനുകള്‍ നീക്കം ചെയ്യും. ഇതെല്ലാം തടിയും വയറും കുറയ്ക്കാന്‍ സഹായിക്കും. വയര്‍ വന്നുവീര്‍ക്കുന്നതു തടയാനും ഇതു നല്ലൊരു വഴിയാണ്.

ബുദ്ധി ഉണര്‍വ്വ് നല്‍കുന്നതിനും ചർമ്മസംരക്ഷണത്തിനുമെല്ലാം ചൂടുവെള്ളം കുടിക്കുന്നത് ഏറ്റവും നല്ലതാണ്. മെറ്റബോളിസം ഉയര്‍ത്താനും ശരിയായ ദഹനത്തിനുമെല്ലാം ചൂടുവെള്ളം ഏറെ നല്ലതാണ്.

എല്ലിന്റെ ആരോ​ഗ്യത്തിന് ഏറ്റവും നല്ലതാണ് ചൂടുവെള്ളം. ഒരു ഗ്ലാസ്സ് ചൂടുവെള്ളം കുടിക്കുന്നത് എല്ലിന്റെ ബലം വര്‍ദ്ധിപ്പിക്കുന്നു. ബുദ്ധിക്ക് ഉണര്‍വ്വ് കിട്ടാൻ ഏറ്റവും നല്ലതാണ് ചൂടുവെള്ളം. ഇത് പലപ്പോഴും മാനസിക സമ്മര്‍ദ്ദം കുറയ്ക്കുന്നതിനും ഉന്‍മേഷവും ഉണര്‍വ്വും വര്‍ദ്ധിപ്പിക്കുന്നതിന് സഹായിക്കുന്നു

അതുകൊണ്ട് ഇനി എന്നും രാവിലെ ഒരു അല്ലി വെളുത്തുള്ളിയും കൂടെ ഒരു ഗ്ലാസ് നല്ല ചൂടുവെള്ളവും കുടിച്ചു നോക്കൂ..ആരോഗ്യവും പ്രതിരോധശേഷിയും വർധിച്ചു ഉന്മേഷം വർധിക്കുന്നത് നേരിട്ട് അനുഭവിച്ചറിയൂ
കുടലിന്റെ പ്രവര്‍ത്തനം ശരിയായി നടക്കാന്‍ വെള്ളം കുടിക്കേണ്ടത് ഏറെ അത്യാവശ്യമാണ്. കുടലിന്റെ ആരോഗ്യത്തിനും പൈല്‍സ് പോലുള്ള രോഗങ്ങള്‍ക്കും ഏറ്റവും നല്ല മരുന്നാണ് വെള്ളം. ശരീരത്തിലെ രക്തപ്രവാഹം ശരിയായി നടക്കാനും ഓക്സിജന്‍ കോശങ്ങളില്‍ എത്തിക്കാനുമെല്ലാം വെള്ളം ഏറെ നല്ലതാണ്. വണ്ണം കുറയ്ക്കാന്‍ ശ്രമിക്കുന്നുവർ ധാരാളം വെള്ളം കുടിക്കാൻ ശ്രമിക്കുക.

വെള്ളം അമിതമായ കൊഴുപ്പും ശരീരത്തിലെ ടോക്സിനുകളും പുറന്തള്ളാന്‍ സഹായിക്കും. ഇതിനു പുറമേ വിശപ്പു കുറയ്ക്കാനുള്ള ഒരു ഉപായം കൂടിയാണ് വെള്ളം. വെള്ളം കുടിച്ചാല്‍, പ്രത്യേകിച്ചും ഭക്ഷണത്തിനു മുന്‍പ്, അമിത ഭക്ഷണം ഒഴിവാക്കാം. രാവിലെ എഴുന്നേറ്റ ഉടൻ ഒന്നോ രണ്ടോ ഗ്ലാസ് വെള്ളം കുടിക്കുന്നത് ശീലമാക്കുക. ഡയറ്റ് ചെയ്യുന്നവരും തടി കുറയ്ക്കാന്‍ ശ്രമിക്കുന്നവരുമെല്ലാം ഭക്ഷണത്തിന് മുന്‍പ് ഒരു ഗ്ലാസ് വെള്ളം കുടിക്കുന്നത് നല്ലതാണ്. ഇത് ഭക്ഷണത്തിന്റെ അളവ് കുറയ്ക്കാന്‍ സഹായിക്കും.