ഭക്ഷണം ഒഴിവാക്കിയാണോ നിങ്ങള് ഡയറ്റ് ചെയ്യുന്നത്!? ഇത് ജീവനു തന്നെ അപകടകരമായി മാറാം; അറിഞ്ഞിരിക്കണം ഇതിന്റെ പിന്നിലെ കാരണങ്ങള്
ഇന്ന് പലരും നേരിടുന്ന പ്രധാന പ്രശ്നങ്ങളില് ഒന്നാണ് അമിത വണ്ണം. ഇതൊഴിവാക്കാന് വേണ്ടി പലവിധത്തിലുള്ള ഡയറ്റ് പ്ലാനുകളും സ്വീകരിക്കാറുണ്ട്. പലരും ഭക്ഷണം ഒഴിവാക്കിയാണ് ഡയറ്റ് ചെയ്യുന്നത്. എന്നാല് ഇതിലും അപകടകരമായ ഒരു വഴി വേറെയില്ലെന്നാണ് ആരോഗ്യ വിദഗ്ദര് പറയുന്നത്.
ഇത്തരത്തില് ഭക്ഷണം ഒഴിവാക്കി ഡയറ്റ് ചെയ്യുമ്പോള് ആരോഗ്യത്തിന് ദോഷം മാത്രമേ സംഭവിക്കൂ. ഭാരനിയന്ത്രണത്തിന് ഗുണകരമായ മാര്ഗമല്ല ഇതെന്നും അവര് വ്യക്തമാക്കുന്നു. ശരീരത്തിന്റെ പ്രവര്ത്തനങ്ങള്ക്ക് ഊര്ജം ആവശ്യമാണ്. അതിനായി പ്രധാനമായും അന്നജത്തെയാണ് ആശ്രയിക്കുന്നത്.
ധാന്യാഹാരം, പയറുവര്ഗങ്ങള്, പഴങ്ങള്, പച്ചക്കറികള് ഇവയിലൊക്കെയുള്ള ഗ്ലൂക്കോസ് പട്ടിണി കിടക്കുമ്ബോള് ലഭിക്കാതെയാവും. അത് ശരീരത്തെ തളര്ച്ചയിലേക്ക് നയിക്കും. ശരീരത്തിന് റിസര്വ് സ്റ്റോക്കായി കരളിലും മസിലിലും സംഭരിച്ചിരിക്കുന്ന ഗ്ലൂക്കോസിനെ രക്തത്തിലെത്തിക്കേണ്ടതായി ഈയവസരങ്ങളില് വേണ്ടി വരുന്നു.
എട്ട് മണിക്കൂര് ഫാസ്റ്റിങ്ങുകൊണ്ട് തന്നെ കരളിലെ ഗ്ലൂക്കോസിനെ ശരീരം ഉപയോഗിച്ച് തീര്ക്കും. ആ സമയത്ത് ശരീരത്തില് പുതുതായി ഗ്ലൂക്കോസ് ഉണ്ടാക്കുന്ന പ്രവര്ത്തനം നടക്കുന്നു. ഈ സമയത്ത് ശരീരത്തിലെ കൊഴുപ്പ് ഉപയോഗിച്ച് ഗ്ലൂക്കോസ് ഉണ്ടാക്കുകയും ചെയ്യുന്നു.
ഭക്ഷണം ഒഴിവാക്കിക്കൊണ്ട് തടി കുറയ്ക്കാനുള്ള ശ്രമം തുടരുമ്ബോള് ഊര്ജത്തോടൊപ്പം വിറ്റാമിനുകളുടെയും ധാതുക്കളുടെയും അപര്യാപ്തതയ്ക്കും കാരണമാവാം. ദീര്ഘകാലം ഇങ്ങനെ നീങ്ങിയാല് അത് വിളര്ച്ച, മസിലുകളുടെ ബലക്ഷയം, പ്രതിരോധശേഷി കുറയല്, വയറിളക്കം, നിര്ജ്ജലീകരണം, ക്ഷീണം, തളര്ച്ച തുടങ്ങിയവയിലേക്കും നീങ്ങാം.
ജീവനു തന്നെ അപകടകരമായി മാറാം. അതുകൊണ്ട് തന്നെ വ്യായാമമാണ് അമിതവണ്ണം കുറയ്ക്കാനുള്ള ഏറ്റവും നല്ല മാര്ഗ്ഗമെന്നാണ് പഠനങ്ങള് സൂചിപ്പിക്കുന്നത്. കൃത്യമായ വ്യായാമവും കൊഴുപ്പ് ഒഴിവാക്കികൊണ്ടുള്ള ഭക്ഷണവുമാണ് ആരോഗ്യകരമായ ഡയറ്റിങ്ങിലെ പ്രധാന ഘടകം.
https://www.facebook.com/Malayalivartha
