പുരുഷന്‍റെ പ്രത്യുത്പാദന വ്യൂഹത്തിലെ പ്രധാന അവയവമാണ് പ്രോസ്റ്റേറ്റ് ഗ്രന്ഥി. മൂത്രസഞ്ചിയുടെ താഴെ, മലാശയത്തിനു മുന്നിലാണിത് സ്ഥിതിചെയ്യുന്നത്. സെമിനല്‍ ദ്രാവകം ഉത്പാദിപ്പിക്കുകയും പുരുഷ ബീജത്തിന്‍റെ ശരിയായ പ്രവര്‍ത്തനത്തിന് സഹായിക്കുകയും ചെയ്യുക എന്നതാണ് പ്രോസ്റ്റേറ്റ് ഗ്രന്ഥിയുടെ പ്രധാന ധര്‍മം.

പുരുഷന്മാരില്‍ ക്യാന്‍സര്‍ വരാന്‍ ഏറ്റവും കൂടുതല്‍ സാധ്യതയുള്ള ഒരവയവവുമാണ് ഈ ഗ്രന്ഥിയാണ്. ഭൂരിഭാഗം പ്രോസ്റ്റേറ്റ് ക്യാന്‍സറും 65 വയസ്സ് പിന്നിട്ടവരിലാണ് കാണുന്നത്. എന്നാല്‍, നിരവധി പഠനങ്ങള്‍ അനുസരിച്ച്‌, ലൈംഗികവേളയില്‍, സ്വയംഭോഗത്തിനിടയില്‍ അല്ലെങ്കില്‍ ഉറങ്ങുമ്ബോള്‍ ഇടയ്ക്കിടെ സ്ഖലനം നടത്തുന്നത് പുരുഷന്മാരുടെ പ്രോസ്റ്റേറ്റ് കാന്‍സര്‍ സാധ്യത കുറയുമെന്നുമാണ്...

2016 -ലെ ഒരു പഠനറിപ്പോര്‍ട്ട് പ്രകാരം 20 വയസ്സിനിടയില്‍ പ്രതിമാസം 21 തവണയെങ്കിലും സ്ഖലനം ചെയ്തവര്‍ പ്രതിമാസം ഏഴ് തവണയോ അതില്‍ കുറവോ സ്ഖലനം ചെയ്തവരേക്കാള്‍ പ്രോസ്റ്റേറ്റ് കാന്‍സര്‍ വരാനുള്ള സാധ്യത 19 ശതമാനം കുറവാണെന്ന് കണ്ടെത്തി. 40 -കളിലാണെങ്കില്‍ പതിവായി സ്ഖലനം ചെയ്തവരില്‍ പ്രോസ്റ്റേറ്റ് കാന്‍സര്‍ സാധ്യത 22 ശതമാനം കുറവാണെന്ന് കണ്ടെത്തി.

പ്രോസ്റ്റേറ്റ് കാന്‍സറിന്റെ ലക്ഷണങ്ങള്‍ ഇവയാണ്, ക്യാന്‍സര്‍ മൂര്‍ച്ഛിക്കുന്നതനുസരിച്ച്‌ മൂത്ര തടസ്സം, എരിച്ചില്‍, മൂത്രം കൂടെക്കൂടെ പോകുക, അണുബാധ, എന്നിവയുണ്ടാവും. നട്ടെല്ലിനും മറ്റ് അസ്ഥികള്‍ക്കും വേദന, എല്ല് പൊട്ടുക, വൃക്കകളുടെ പ്രവര്‍ത്തനം തകരാറിലാവുക തുടങ്ങിയ പ്രോസ്റ്റേറ്റ് ക്യാന്‍സറിന്‍റെ ലക്ഷണങ്ങള്‍ ആകാം.

ചിലയിനം പ്രോസ്റ്റേറ്റ് ക്യാന്‍സര്‍ പ്രത്യേകിച്ച്‌ ലക്ഷണങ്ങള്‍ ഒന്നും കാണിക്കാതെ നിലനില്‍ക്കാം. ഭൂരിഭാഗം പ്രോസ്റ്റേറ്റ് ക്യാന്‍സറും ഗ്രന്ഥിയുടെ ബാഹ്യഭാഗത്ത് വരുന്നതിനാല്‍ തുടക്കത്തില്‍ ലക്ഷണങ്ങള്‍ കാണിക്കണമെന്നില്ല.