മനുഷ്യ ശരീരത്തിലെ അരിപ്പ എന്നു വിളിപ്പേരുള്ള കരള്‍ ഒരു പ്രധാന അവയവമാണ്. ശരീരത്തിലെ വിഷാംശം നീക്കം ചെയ്തു ശരീരത്തെ ശുദ്ധിയാക്കി സൂക്ഷിക്കുക എന്ന പ്രധാന കടമ ചെയ്യുന്നത് ശരീരത്തിലെ അരിപ്പ എന്നു വിളിക്കുന്ന കരളാണ്.വിഷാശം പുറന്തള്ളുന്നോടൊപ്പം തന്നെ ശരീരത്തില്‍ അടിഞ്ഞു കൂടുന്ന കൊഴുപ്പിനേയും ഈ കരള്‍ പുറന്തള്ളുന്നു.

നമ്മുടെ ശരീരത്തിലെ ധാരാളം ധര്‍മങ്ങള്‍ നിര്‍വഹിക്കുന്ന ഒരു അവയവമാണു കരള്‍. ഇതിന്െ പ്രവര്‍ത്തനത്തിനു വല്ല തടസ്സങ്ങളും സംഭവിച്ചു കഴിഞ്ഞാല്‍ മറ്റു പല അവയവങ്ങളുടെ ആരോഗ്യത്തേയും ബാധിക്കുന്നു , തന്‍മൂലം മരണം സംഭവിക്കുന്നതിനു വരെ കാരണമാവുന്നു.

കരളിന്റെ പ്രവര്‍ത്തനത്തില്‍ വല്ല തകരാറുകളും സംഭവിച്ചു തുടങ്ങുമ്പോള്‍ തന്നെ ശരീരം അതിനോടു പ്രതികരിച്ചു ചില സൂചനകള്‍ ശരീരത്തില്‍ കാണിച്ചു തുടങ്ങും.ഇത്തരം സൂചനകള്‍ കണ്ടു തുടങ്ങിയ ഉടന്‍ തന്നെ ചികിത്സ തേടിയാല്‍ കരളിനെ സംരക്ഷിച്ച് ആരോഗ്യം പൂര്‍വ്വ സ്ഥിതിയില്‍ എത്തിക്കാന്‍ കഴിയും.
ചികിത്സ തേടാന്‍ വെെകും തോറും മരണത്തിലേക്കുള്ള ദൂരം കുറഞ്ഞു കൊണ്ടേയിരിക്കും.

താഴെ പറയുന്ന സൂചനകള്‍ നിങ്ങളുടെ ശരീരം കാണിച്ചു തുടങ്ങുകയാണേല്‍ എത്രയും പെട്ടെന്ന് ചികിത്സ തേടാവുന്നതാണു . ഇതെക്കുറിച്ചറിയൂ

വേദന

വയറിന്റെ വലതുഭാഗത്തു മുകളിലായി തുടര്‍ച്ചയായും എല്ലാ ദിവസവും വേദന അനുഭവപ്പെടുന്നുണ്ടെങ്കില്‍ കരളിന്റെ പ്രവര്‍ത്തനത്തില്‍ എന്തോ തടസ്സം സംഭവിച്ചിട്ടുണ്ട് എന്നു വേണം മനസ്സിലാക്കാന്‍. കരള്‍ രോഗമായ സിര്‍ഹോസിസ് ബാധിതരുടെ അടിവയര്‍ രക്തത്തിലെ ആല്‍ബുമിനും പ്രോട്ടീനും മറ്റു ദ്രാവകങ്ങളും കെട്ടികിടന്നു ഗര്‍ഭിണികളുടെ വയറിനു സമാനമായ രീതിയില്‍ വീര്‍ത്തിരിക്കും.

ദഹനപ്രക്രിയ

ശരീരത്തിലെ ദഹനപ്രക്രിയയില്‍ ഉള്‍പ്പെടുന്ന പ്രധാന ഒരു അവയവമായതിനാല്‍ കരളിനുണ്ടാകുന്ന തകരാറുകള്‍ ദഹനപ്രക്രിയെയും ബാധിക്കും.ദഹനപ്രക്രിയ തടസ്സപ്പെട്ടു കഴിഞ്ഞാല്‍ വയറ്റില്‍ എരിച്ചില്‍ അനുഭവപ്പെടുകയും ഭക്ഷണം കഴിക്കല്‍ പൂര്‍ത്തികരിക്കാന്‍ സാധിക്കാതെ വരികയും ചെയ്യും.സാധാരണയായി കരള്‍ രോഗബാധിതര്‍ക്ക് വയറില്‍ പല പ്രശ്നങ്ങളും അനുഭവപ്പെടാം .

വിശപ്പ്

കരള്‍ രോഗങ്ങള്‍ ദഹനപ്രക്രിയയെ തടസ്സപ്പെടുത്തുന്നതിനാല്‍ വിശപ്പു കുറയുകയും ശരീര ഭാരം പെട്ടെന്നു കുറയാനും കാരണമാകുന്നു. ഭക്ഷണം കഴിച്ചാല്‍ ഛര്‍ദ്ദിക്കുന്നതും ചര്‍ദ്ദിക്കാന്‍ തോന്നലുണ്ടാകുന്നതുമെല്ലാം കരള്‍ രോഗത്തിന്റെ സുചനകളാണ്.