തൈറോയിഡിന് ഭക്ഷണ നിയന്ത്രണം
ശരീരത്തിലെ ഏറ്റവും വലിയ അന്തസ്രാവി ഗ്രന്ഥിയാണ് തൈറോയിഡ്.ഉപാപചയ പ്രവർത്തനങ്ങൾ ,ചൂട്, ഹൃദയമിടിപ്പ് എന്നിവ നിയന്തിക്കാൻ സഹായിക്കുന്നു.കൂടാതെ ശരീരത്തിലെ മാറ്റ് അവയവങ്ങളുടെ പ്രവർത്തനങ്ങൾ ,പ്രധാനമായും ഊർജ്ജത്തിന്റെയും , മാംസ്യത്തിന്റെയും നിയന്ത്രണം എന്നിവയെല്ലാം നിർവഹിക്കുന്ന ഗ്രന്ഥിയാണിത്.
ഭക്ഷണത്തിൽ നിന്ന് ലഭിക്കുന്ന അയഡിൻ ഉപയോഗിച്ചാണ് തൈറോയിഡ് ഗ്രന്ഥി ഹോർമോൺ ഉത്പാദിപ്പിക്കുന്നത്. ഹോർമോൺ ആവശ്യാനുസരണം ഉത്പാദിപ്പിക്കാത്ത അവസ്ഥയാണ് ഹൈപ്പോതൈറോയിഡിസം. ഇതിന്റെ ബലമായി ശരീര ഭാരം ക്രമാതീതമായി വർധിക്കുന്നു.തണുപ്പിനോട് അസഹ്യത ,മന്ദത അലസത , വിഷാദം എന്നിവയും അനുഭവപ്പെടുന്നു.
അമിതമായി തൈറോക്സിൻ ഉത്പാദിപ്പിക്കുന്ന അവസ്ഥയാണ് ഹൈപ്പർതൈറോയിഡിസം.ശരീര ഭാരം പെട്ടന്ന് കുറയുക ,ഹൃദയമിടിപ്പിൽ വ്യതിയാനങ്ങൾ ,അമിതമായി വിയർക്കുക എന്നിവയ്ക്ക് ഇത് കാരണമാകും.
മുടി കൊഴിച്ചിൽ ആർത്തവ പ്രശ്നങ്ങൾ,ഞരമ്പുകൾക്ക് വേദന, വന്ധ്യതാ തുടങ്ങിയ പൊതുവായ ലക്ഷണങ്ങളും കണ്ടുവരുന്നു.
ഹൈപ്പോതൈറോയിഡിസമുള്ളവർ ഭക്ഷണക്രമത്തിൽ വളരെയധികം ശ്രദ്ധിക്കേണ്ടതാണ്. അയഡിന്റെയും സെലീനിയത്തിന്റെയും അഭാവം ഹൈപ്പോതൈറോയ്ഡിസത്തിലേക്ക് നയിക്കുന്നു. അതിനാൽ ഇവയുടെ അഭാവം പരിഹരിക്കുന്ന ഭക്ഷണവും ഒപ്പം തൈറോയിഡ് ഗ്രന്ഥിക്ക് ഹോർമോൺ ഉത്പാദിപ്പിക്കാൻ സഹായകമായ ഭക്ഷ്യ വസ്തുക്കളും ഉൾപ്പെടുത്തണം.
അയഡിൻ അടങ്ങിയ ഉപ്പ്,കടൽ മത്സ്യങ്ങൾ , മുട്ട തുടങ്ങിയവ ഭക്ഷണത്തിൽ ഉൾപ്പെടുത്തണം ഇതിലൂടെ ശരീരത്തിന്റെ സോഡിയത്തിന്റെ അളവിൽ വ്യതിയാനമുണ്ടായി തൈറോയിഡ് ഗ്രന്ഥിയുടെ പ്രവർത്തനം മെച്ചപ്പെടുത്തുന്നു. വിറ്റാമിൻ സി അടങ്ങിയ പഴച്ചാറുകൾ ശരീരത്തിൽ പ്രതിരോധ ശേഷി വർധിപ്പിച്ച് തൈറോയിഡ് ഗ്രന്ഥിയുടെ സുഗമമായ പ്രവർത്തനത്തെ സഹായിക്കും.കുരുമുളക്, ഇഞ്ചി ,കറുവപ്പട്ട തുടങ്ങിയവ ശരീര താപനില വർധിപ്പിച്ച ഉപാപചയ പ്രവർത്തനങ്ങളെ ശക്തിപ്പെടുത്തും. അമിതമായ രാസവസ്തുക്കൾ അടങ്ങിയ ഭക്ഷണത്തിനു പകരം നമ്മുടെ ചുറ്റുവട്ടങ്ങളിൽ നിന്നും കിട്ടുന്ന വാഴപ്പഴം , ഇലക്കറികൾ ,മറ്റു വിഭവങ്ങൾ എന്നിവ കൂടുതലായി ഉപയോഗിക്കണം. മഞ്ഞൾപ്പൊടിയും നല്ലതാണ്. മറ്റു റിഫൈൻഡ് എണ്ണകളെക്കാൾ തൈറോയിഡ് രോഗികൾക്ക് നല്ലത് ശുദ്ധമായ വെളിച്ചെണ്ണയാണ്. ഇതിൽ മീഡിയം ചെയിൻ ഫാറ്റി ആസിഡ് , കാപ്രിലിക് ആസിഡ് ,ലോറിക് ആസിഡ് , കാപ്രിക് ആസിഡ് എന്നെ മൂന്നു രൂപത്തിൽ ഉള്ളതിനാൽ ശരീരത്തിന്റെ പ്രവർത്തനത്തെ ത്വരിതപ്പെടുത്തുന്നു.ഒപ്പം പ്രതിരോധശേഷിയും തലച്ചോറിന്റെ പ്രവർത്തനവും വർധിപ്പിക്കും. മിതമായ ഉപയോഗം ഉത്തമം.
https://www.facebook.com/Malayalivartha